بحوش لكم

[مارد الغضب]

هل نحن اذكى من السمك؟
انتظر قبل الاجابة و لتعلم ان كيلو السمك التعبان بقى ب30 لحلوح
و ليه السمك بالسعر ده ؟و نحن من اميز دول العالم الساحلية التى
تطل على اعظم بحار العالم الغنية بالخيرات مما لذ وطاب
الاجابة باختصار ...ابوك بيحوش لك...يعنى ايه؟ اسمع ياسي..
كان فيه اب شايف عياله مستورين...و النعمة باينه عليهم...يعنى
ماشيين ايدهم على ودنهم بيتكلموا فى التليفون...قال فى نفسه ايه
السفه ده؟..لازم احد من الموضوع ده..قام مغلى المكالمات عليهم
و لقى العيال بيكلوا لحمة و فراخ مرتين تلاتة فى الشهر ..قال فى
نفسه ايه السفه ده ده حتى اسراف و تبذير..قام متحكم فى سوق
اللحوم ومغلى اللحوم عليهم
و شاف العيال بتلبس حلو قام قال فى نفسه ايه الفشخرة دى و السفه
ده..قام مغلى الجمارك و خلى الغنى منهم يلبس من سوق الكانتو
هذه النظرة الفلسفية المتعمقة المصحوبة بالخبرة الطبية الكبيرة للاب
جعلت من العيال مادة خصبة للسخرية من الاخرين و اتاحت للاب
ان يتخذ منهم حجة لمد اليد للاخرين ..و استطعاف الاخرين ..فحصد
الكثيييييير جدااااااااا و لكن عندما يسأل احدهم ابيه اين هذه الاموال
يرد بصوت جهورى ....بحوش لكم
لكن ايه علاقة ده بسؤالى عن ذكاء السمك؟
لاننا لا نختلف كثيرا.. المصائب تدور دوران الرحى فوق رؤسنا و نحن
نقول كل مرة ...مش احسن منكون كالاخرين
ختاما
واحد بيسأل طفل صغير نفسك فى ايه لما تكبر؟
رد الطفل نفسى اكون لسه عايش
هذا و دمتم امنين

[.Lamar]

هو يا كدة نكون زى الاخرين
مفيش حاجة كويسة خالص
بس تعرف اخى
دة اب جاحد ميستاهلش يكون اب
ربنا نزع الرحمة و العدل من قلبه
و حسابه عند ربنا عسير
هيتسأل عن كل واحد جاع و اتعرى
ومرض ملقيش تمن الدوا
هو فاكر انه مخلد
و نسي انه مسئول و هيتحاسب
و اللى مش قد الشيلة ميشلهاش
لو اتكلمنا هنقول كتير
بس القول بقى ضايع

سلمت يمينك اخى
تحياتى

[فداااااااااااء]

طالما الاب منوفي يبقي الابناء يستحملوا
الابناء صامتين لا يعترضوا الا بهمهمات تخرج من افواههم بخوف
فكيف تعتب على الاب الجبروت طالما الابناء هم من سمحوا له

جملة عامية تعجبنى من حضر العفريت يصرفه

الله يصلح الحال

سلمت اخى

[د/ عبد الله]

اذا كانت الحجة انه بيحوش
والعيال كل يوم واحد منهم بيموت....هيحوش لمين؟؟؟؟

الحقيقة الواضحة زي الشمس ان هذا المعتوه اللي عامل نفسه حنين على (عياله)
لا يفقه شئ في اي شئ... الا الخراب

حتى حجته ف القتل والتخريب انه بيحارب الارهاب..والارهاب شغال كل يوم

[مارد الغضب]

.Lamar
دائما اجد الاضافة الجديرة بالاحترام لديكم
و اتمنى ان اعيش ليوم ارى فيها محبوبتى
و قد انجلى عن وجهها الاحزان
تحياتى لسموك

[مارد الغضب]

فداااااااااااء
استطيع ان اجبر نفسى على نسيان الالم
و استطيع ان اروض نفسى على تحمل المعاناة
فقط اذا رأيت بعض الامل
و لكن على مدار الاربعة الجدباء السابقة
استطيع ان اقول
لا ارض جديدة يا صديقى هناك و لا بحر جديد
فالمتاهة ستتبعك اينما ذهبت
تحية لسموك

[مارد الغضب]

د/ عبد الله
معالى الدكتور
القضاء على الارهاب ليس حجة بقدر ما هو مهنة
و ليس هو بالغبى و لكنها عيب فى البرمجة
تحياتى لسموك المحترم

[دمعه حائره]

اللى بيحصل دلوقتى بعيد كل البعد عن مصلحة المواطن
الشعب اتحرم واتيتم ومش ضامنين نعيش لبكرة نصرف اللى اتحوش
تسلم اخى

[مارد الغضب]

دمعه حائره
من اجل هذا ختمت مقالتى بهذه الدعابة
شرفنى مرورك الكريم
تحياتى