موسم الانتخابات

[ahmed 22]

بسم الله الرحمن الرحيم

بما أن موسم الانتخابات بدأ والناس هيكون كل شغلها الفترة الجاية
في الميديا علي الاستقطاب لصالح مريدينيهم وغالبا هو طرف واحد يعني
فالمفروض ان الوقت جيه ان الواحد فينا ياخد موقف طبقا ل 4 سنين فاتوا بالفعل ...
وطبقا للي المفروض ضميرنا يمليه علينا الفترة الجاية بعيدا عن التأثير الخاص
بالميديا والنخب بتوع بلدنا ..
اكيد طبعا مواقفنا لا هتقدم ولا هتأخر .. بس ادينا بنتسلي عموما
وانا والله لحد دلوقتي ما خدت موقف ..
بس انا قررت في اللحظة دي اني اكتب وافكر مع نفسي لحد ما اخد موقف واحدد رؤية لنفسي ..

فلو حد بيمل من القراية ... فميتعبش نفسه ..
لاني مش عارف هكتب ايه اصلا ولا لحد فين الصراحة ..

صحيح انه الواحد حاليا عنده لا مبالاة بشكل كبير للبلد بأحوالها
بس انا صادف اني تابعت الكام يوم اللي فاتوا في اجزاء من المؤتمرات اللي عملها السيسي عشان يقدم كشف حساب لفترته الرئيسية واعقبها باعلان ترشحه للرئاسة ... يمكن اجمالي اللي شوفته مايكملش نص ساعة ..
بس اعتقد أني الي حد كبير كونت شبه قناعات من خلالها ...

شبه قناعات بس متفرعة بشكل عشوائي لاكتر من جزء وهحاول
اشملها في نقط ...

1 - انا ماقدرش احارب منطق الارقام اللي تم ذكرها من خلال المؤتمر
وهو ان اتعمل مشروعات بقيمة 2 تريليون جنيه في ظرف 4 سنين واقلل
من شأن شئ موجود عالارض أو ان فيه جهد بيتعمل وخصوصا انه ملموس
سواء في المكان اللي عايش فيه من خلال تحسين الخدمات او بناء المرافق
او غيرها من الامور .. بس ده مايمنعنش انه في تساؤل بالنسبة ليا
في الاستراتيجية المتبعة في الانجاز و محيراني
بس مش قادر اجاوب عليه لاني خبراتي في الاقتصاد بسيطة

يا هل من الأفضل انك تكدس مشروعات بالكم ده علي ما تم ذكره 11 الف مشروع في وقت قصير ..
في حين ان نسبة الدين الداخلي والخارجي للصرف
علي المشروعات ده ممكن يراكم سنين في المستقبل من العجز عند السداد
وخصوصا انه معظم الصرف علي بنية تحتية او اسكان متوسط ..
يعني حاجات مش للربح بالعكس صرف بدون تحقيق عائد ...
بقدر ما انها اساسات لبناء دولة لتحقق رفاهية للمواطن .. طبعا الرفاهية دي حق .. بس احنا في حالتنا بنسميها رفاهية لانها مش موجودة من سنين

وفي وقت انت بتقول فيه انك بتستلف مرتبات الموظفين من الخارج
وبتتراكم فايدة الديون عليك بشكل كبير مستقبليا ...
وفي حين برضه انه تحس ان الدولة مش بتجلب مستثمرين بشكل واضح
تصرف علي المشروعات او مثلا مش واضح استخدام نظام bot وهو انك
بتجيب مستثمرين يبنولك وياخدوا حق الامتياز مثلا من ربحية المشروع ده
بعد 20 ولا 30 سنة ...

بالعكس تحس ان عائق تمويل 90 في المية من المشارع علي عالدولة
وفي نفس الوقت تحس انها فزورة لما السيسي يقعد يضحك
لما حد يسأله عن ازاي بتمول المشروعات دي كلها او بتجيب الفلوس دي
كلها منين وكأنه سر قومي .. او كأنه بيجيب الفلوس من بيتهم .. ما هو اكيد
ديون .. بسندات سواء داخلية او خارجية .

وماحدش شرح لينا مرة او كلمنا في حقيقة الاقتصاد بتاعنا
يا هل المشروعات دي مبنية علي الديون عشان تمهد للاستثمار
لما تأسس لشكل البنية التحتية ..

او تمام انت بتبص لقدام عشان الازدحام السكاني وبتبني مدن جديدة ..
.. ويمكن ده كويس انك بتفكر
للمستقبل ... بس يا هل الاستراتيجية صح ...
يا هل ممكن ييجي في يوم نلاقي البيوت مبنية والخدمات زي الفل
بس الناس مش لاقية تاكل بسبب ان الدولة افلست ...

للعلم عشان الناس تعرف .. معني أن الدولة تعلن افلاسها .. هو عجزها
عن سداد ديونها ... وبالتالي تضخم عملتها فزيادة اسعارها اضعاف علي حد
علمي وبالتالي توقف الحياة فيها ..

وعلي الفكرة اليونان البنية التحتية بتاعتها زي الفل وشكلها حلو
والسياحة زي العسل .. واعلنت افلسها من كام سنة عادي يعني ..
الموضوع اقتصادي بحت وازاي بتدير المال بتاعك بين الوارد والداخل بشكل
حكيم مايمثلش ضغط علي دولتك ...

هل الفكرة في أنك تنجز مشروعات كتيرة بشكل مبالغ فيه وفي وقت بسيط
وتحاول تسابق الزمن تحت مسمي الانجاز .. ولا تقسم المشروعات لفترات زمنية
اكبر عشان ماتثقلش الدولة بديون مستقبلية وفي نفس الوقت
تركز علي اللي يعطي دفعة اقتصادية اكبر بحيث تجيب فلوس اكتر
تعزز من خلالها العنصر البشري ليك اللي هيسرع ليك انجازات اكتر
في سنين ممكن تكون ابعد شوية ....

وفي نقطة خطيرة السيسي تعمد يكلم فيها باستفاضة لما اتكلم عن المرتبات
زي ما قلت فوق وغالبا هو بيلمح لشئ ما مستقبلا ..
وانه استلفنا 150 مليار وهيبقوا 300 مليار بالفايدة وحوار كدا وصلها من خلالها
ل 600 مليار في ظرف 10 سنين في حين استمرارنا في السلف وده باند واحد اسمه المرتبات...
عشان عندنا عجز بسبب ان الدولة في مرحلة ما رفعت المرتبات وعينت
ناس كتيرة في وظائف حكومية واصبحوا عبأ عالدولة بعد ثورة يناير ...

فهل معني الكلام ده انه غالبا المرتبات هتخليها ثابتة حكوميا لسنين طويلة
قدام وانت بتمهد لكدا.. وشكله اصلا بقا أمر واقع بالنسبة لحالة الاقتصاد ..

في الوقت اللي الناس تحس انها عندها حالة هياج بسبب ارتفاع
الاسعار .. ولسا في كمان موجة تانية من الرفع سواء بتحرير سعر البنزين
او طبعا لما نلبي طلبات صندوق النقد الدولي ونلغي الدعم علي كله بشكل كامل في خلال سنة او اتنين ...ولما الدعم هيتلغي علي السولار
علي كام ضريبة من اللي بتفرضهم المنتج اللي ب 10 هيبقي بعشرين كمان ...
وهيبقي في عجز واضح بين مرتب المواطن وقدرته علي شراء احتياجاته
بس هيكون بشكل فج ...

وبعدين انت عندك الاحتياطي النقدي يمكن بيكبر اه .. بس بيكبر نتيجة
ان الدين والاقتراض بيزيد ... بمعني ان الدين زاد بنسبة 40 المية في سنة واحدة ... يعني انت لو عملت مشروعات بقيمة 2 تريليون فهتلاقي منهم
حوالي تريليون و نص اللي هما 80 مليار دولار اللي عليك لبره
استدانة من الخارج علي هيئة قروض قصيرة وطويلة
الاجل ...

انا في حياتي عمري ما تخيلت اني ممكن اهاجم حد عشان بيبني بسرعة
او بيأسس لمشروع بشكل سريع ... او اني شايف همة زايدة ..
حاسس ان الدولة مفرعة نفسها في اكتر من اتجاه بسرعة أكبر
من أن المواطنين يتحملوها او يجاروها لأنهم بيتحملوا العبأ الأكبر ...
وفي نفس الوقت الخوف الأكبر .. ان الدولة ممكن
ماتكونش قادرة مستقبلا انه تغطي الكثافة دي كلها من النفقات ..
اعتقد انك تعتمد علي الدين بشكل كامل لبناء اساسات دولة
وبدون تفنيد صح لقدرات دولتك ... ده يعتبر شئ سلبي ...

لأنه المفروض أنك لما تستلف ... يبقي انت عندك شئ تستند عليه
يعني اللي بيدخل العملة الصعبة لمصر السياحة وقناة السويس والتصدير ..

السياحة ولسا بتستعيد عافيتها ... ومش هتقدر تاخد منها عائد يفيدك
لأنك اساسا احتمال انك بتنفق ما يفوق العائد منها دلوقتي لتنميتها ..
يعني السياحة لو بتدخلك مثلا 5 مليار فأنت ممكن تنفق جزء كبير منها
عشان اصلا تعمل مصادر جذب للسياحة وتنميها ...

قناة السويس بتفريعتها مش هتحقق المرجوا منها الا في علم الغيب
اصلا لان في ركود لحركة التجارة العالمية اساسا ... واصلا في دول
كل يوم بتظهر وبتنافسك عشان تبني قناة موازية ليك ...
يعني ممكن في الوقت اللي انت منتظر فيه تلاقي حصادك من القناة
هتلاقي منافسة هتخليك تقدم مغريات بشكل أكبر أنك تجذب الناس ليك ..
وتلاقي نفس الوارد مش بيختلف .. بالعكس بيتقسم عليك وعلي غيرك ..

اما التصدير فأنت لحد دلوقتي ماعملتش قاعدة ثابته ليه .. والوارد بتاعك
اكبر من الصادر بمرااااحل ...

صحيح انه في نمو في المجالات دي السنة دي بس نمو لا يوازي
قيمة المأمول أنك تسدد بيه ديونك وتنمو بدولتك ..
بعيد جدا كمان عن المأمول للاسف

والمفروض كمان ان الحاجات دي اللي بتدخلك دولار
دي هتاخد منها 50 في المية تسدد منها جزء من الدين عالدولة
و50 فالمية هتصرف بيها عالدولة ..

في حين انه ممكن يكونوا تفكير الحكومة الحالية مبني علي شكل ثابت للدولة
بدون متغيرات مستقبلية ممكن تتم او تطرأ وكأننا عايشين في اليوتوبيا
والحكومة معتمدة علي شعبية السيسي او ان الشعب هامد و مغروس
في لقمة عيشه ....

لانه لازم الدولة تحط احتمال ولو واحد في المليون
ان لو في يوم قامت ثورة ولو حتي وقتية لكام يوم
او اضطراب عطل مؤسسات الدولة اسبوع
هترجع البلد كام سنة لورا اقتصاديا وده شئ وارد ..
وفي نفس الوقت لو في يوم الموظفين اعلنوا عصيان مدني
نتيجة قلة المرتبات والدولة زودتها
و زودت نسبة المعاشات قهريا او غيره نتيجة المعيشة الصعبة..
الدين هيزيد اكتر واكتر .. وبيقلل من قدرة الدولة علي السداد ..

بمعني اقتصادي انا حاسس ان الدولة بتغالي في توقعاتها للفلوس
الي هتجيلها وبتديها اكبر من حجمها .. فبتستدين علي أمل ان
اللي هتستدين بيه هتعمل بيه مشروعات و بالبلدي كدا
هيجيبلها ياقوت وذهب ومرجان من ورا المشروعات دي
في حين انها ممكن ماتكونش ملتفتة للواقع المصري بشكل تام
او التغيرات اللي بتتم في العالم ...

فيا هل الحكومة فعلا عاملة خطة مقدرة فيها حجم المخاطر
للمستقبل ولا هي بتجازف بدون وعي ؟

انا النقطة دي بالذات في حالة ابهام بالنسبة ليا .. ومش قادر احكم من خلالها
عالصح من الغلط .. بس حاسس انه في فجوة او في معلومة مش واضحة
او مش قادر اوصلها بسبب قلة المعلومات المتاحة في الشأن ده
وكدا كدا الواحد مش بتاع اقتصاد عموما بسبب حابب اشارك...
لعل وعسي حد عنده معلومة يوضح النقطة دي لو عنده فيها معلومة اكبر ..

بس اللي الي حد ما اتاكدت منه انه الأصعب لسا ما جاش .. ودي
في حد ذاتها مصيبة ههههه

اه الناس دي بتشتغل فعلا وعاوزين ينجزوا وفي الفترة الأخيرة حسيت
انهم بيسابقوا الزمن ... بس انا عندي اعتقاد ان ده مش الطريق الصح..
والأمر اكبر من أنك تشتت الدولة في خمسين اتجاه ...
مش شرط أنك بتشتغل زي الطور في الساقية ..
معناه انك بتؤدي شغلك بطريقة صح ..
ومش معني أنك بتنجز حاليا معناه أنك بتنجز بشكل واعي ...
احيانا أنت بتعمل الاستراتيجية بتاعة شغلك بس لازم تكون عندك علم
انك دايما هتواجه احتمالية النجاح او الفشل ...
ممكن تنجح علي المدي القريب .. بس تفشل عالمدي البعيد ...
ممكن تكون بتبني اساسات دولة من حجر .. بس بتهد في الناس
اللي بتشيل الحجر ده وانت مش واخد بالك ..
بتدوس ومش عاوز تشيل رجلك من عالفرامل ..

2 - عالرغم من كل الهري اللي اكلمت فيه ده .. بس بتمني انه يكون كله غلط
لانه ناس كتيرة شايفها بتختلف مع السيسي لدرجة أنهم
ممكن يرضوا او يفرحوا ان اساسات الدولة تتهد لمجرد انهم يشوفوه يفشل

وانا يمكن قلت قبل كدا انه لو انا مختلف مع السيسي كشخص في موقف
سياسي نتيجة انتماء لتيار معين او تعاطف مع قضية معينة .. وده كلام
في الماضي مش عاوز اتطرق ليه حاليا ...
مش معناه اني اصحي كل يوم الصبح وادعي عليه بالفشل ...
لأنه فشله ولو هيريح ناس كتير .. فهو بيأذي ناس اكتر ... بيأذي دولة اكبر ..
بيأذي قضية أكبر من شخص او جماعة او تيار ...
واول اللي هيتأذي هما اللي بيأملوا انه يكون قراراته اللي خدها طول اربع سنين
غلط لمجرد انهم يقولوا .. احنا قولنا ليكوا فالبسوا في الحيط ..
مجرد انهم يرضوا غرورهم ليس اكتر .. او يحسوا بذاتهم ...
الانسان الطبيعي بيعيش عشان يشوف بكرة أحلي ..
والانسان الواثق من عدل ربنا ... بيحاول يكون شخص ارقي
في ايصال قضيته والاستمرار فيها بما لا يضر بمصالح وطنه ...
لأنه لو شخص ايمانه قوي وهو فعلا واثق من قضيته هيعمل بكلام ربنا
اللي بيقول فيما معناه لننصرنكم ولو بعد حين .. ده لو هو فعلا صاحب قضية
مش صاحب غرض او مضلل ...

3 - اكيد انه في شريحة كبيرة وخصوصا الشباب من الشعب المصري
بيكرهوا السيسي كرمز يمثل مؤسسة
هما شايفين انهم اخدوا اكتر من 60 سنة فرصة انهم يصلحوا في البلد
وفشلوا فشل ذريع ...
وبيحاولوا يناقضوا كل شئ حلو ممكن يسمعوه من الاعلام عنه ولو حتي انجز لمجرد النكران
ولو استدعوا المنطق لبعض الوقت بيبعدوه في لحظات
وده برضه بسبب ان الاعلام اللي ماتمش فلترته بعد ثورة 25 يناير

بمعني ان الناس اللي في الاعلام كانت بتهتف عاش الملك .. مات الملك قبل 25-1
هما هما نفس الناس الموجودين حاليا وبيحاولوا يفرعنوا كل شخص
يحكم ويركبوه فوق راسهم لمجرد انهم بيشوفوا فين موازين القوي
وبيحاولوا يقربوا منها .. فبيشوفوا تشابه في الحالات ..
وكأن الزمن بيكرر نفسه وكأن كل اللي كان في وقت ما بيمثل ليهم امل
للتغيير من حالة الشعب .. بيكرر رغما عنهم ...

فلو حتي السيسي غير من استراتيجيته ولو حتي تحس انه افضل من اللي قبله
فأنت بتشعر انه مهما عمل انت مش هترتاح الا لو حد تاني جيه مكانه
ومثل فكر جديد بصفحة جديدة بدون علامات استفهام .. الموضوع مجرد نفسية ..

4 - بالنسبة بقا للانتخابات نفسها فالخلاصة بتقول ...
مين ظاهر عالساحة يمثلنا اصلا في الانتخابات ؟؟؟؟
فين اصلا الكوادر الموجودة في بلادنا ؟؟
مين تقدر تقول أنه شخص قوي صاحب فكر وصاحب مشروع
وصاحب مشروع انتخابي ..

مين اصلا في العالم بيقول انه هيرشح نفسه قبل الانتخابات بشهرين
ويطلع كدا زي الفنكوش ...
ده لو هيدرب فريق كورة هيحتاج اكتر من شهرين عشان
يعمله خطة تناسبه ... قما بالك برئيس دولة
المفروض لو حد هيرشح نفسه للانتخابات ..
اقل حاجة محتاج سنتين يطلع للشعب ويلف حوالين المحافظات
ومعاه مشروع وحلول وبرنامج يقدمه للناس ويقنعهم بيه ..

والله بالنظام الاهبل ده ما هنطلع برئيس يرضينا ابدا ..
وكل اللي هييجي هيقعد يدرب فينا ويتلطم لحد ما يعرف يقود منين ..

عاوز اسم واحد بس مناسب يصلح لمسمي رئيس جمهورية...
بقالي 4 سنين بدور ومش لاقي الصراحة ..
كل الناس اللي كنا بنشوفهم رموز واساتذة سقطوا في عيونا يوم بعد التاني
من ثورة يناير لحد النهاردة ... وحسينا بمدي السطحية الموجودة في النخب
عندنا ومدي الفراغ اللي جواهم ...

عموما مبروك للسيسي الانتخابات مقدما حتي لو سامي عنان اتقدم ...
السيسي افضل الي حد ما ... سواء اختلفت علي استراتيجيته في ادارة
شؤن الدولة او لاء .. فعلي الأقل تستشعر انه في اجتهاد ...
وبيحاول يتواصل مع الناس ويكلمهم من وقت للتاني ... لانه غالبا ودي تحسب ليه
اول مرة اشوف رئيس بيقدم لنفسه كشف حساب .. شئ جديد علينا برضه ..
ولما قدم تحس انه ربما انجز اكتر من اللي قبله .. صحيح ربنا يستر ..
بس علي الأقل هو بدأ رؤية فيكملها للاخر ونشوف هيوصل بينا لفين ...
انا شايف انه بيحاول ... وشايف ده الأهم ..

واعتقد ان الاهم التجهيز لما بعد الاربع السنوات الجاية
لو احنا فعلا عاوزين ننجح
فالافيد انه يطلع حزب او اتنين ويجهزوا كادر اول ما الانتخابات دي تخلص
ويبدأو من دلوقتي ينالوا ود الشعب من بدري ويجهزوا برنامج انتخابي محترم
زي اي دولة محترمة .... لأنه اي حد هيطلع دلوقتي في الوقت الضايع
ويقولي هرشح نفسي يبقي بيكدب علي الناس وبيكدب علي نفسه ...

[طبيب الهوى]

أخي أحمد

أنت سردت ما يدور في عقول الكثير من أبناء الشعب المصري

من ضمنهم أبو عصام

أنا مثلك أختلف مع السيسي وأرىَ أن يديه مملوءة بالدم

ومثلك أيضاً أشفق عليه لأني أرىَ إنجازاته ومشروعاته

خاصة تطوير طريق السويس الصحراوي

وتطوير طرق الذهاب والعودة لـ سيناء

شمال وجنوب خاصة مدينة شرم الشيخ

لكني أجد نفسي مثلك أتساءل أسئلة كثيرة

ولا أجد لها أي إجابات لآنها مخفية عن الشعب المصري عامة

مثل أين موارد مترو الأنفاق وهيئة النقل والمواصلات

وهيئة سكك حديد مصر وكذلك قناة السويس ومصلحة الضرائب

لا أجد أي إجابة

لكني علىَ يقين أنه إن اهتم بالسياحة وأعادها لسابق عهدها

كما كانت في عهد الرئيس مبارك ستكون كافية لإنهاء ديون مصر

ميرسي لمقالك القيم والمفيد جداً أخي أحمد

تحياتي لفكرك القيم والراقي

تقييمي البسيط + ***** 5

أبو عصام

[يحيى الفضلي السودان]

حكم الميدان وازع الضمير الحي

[مارد الغضب]

اهلا بعودتك مرة اخرى ايها الرائع
ها أنت تعود تحمل فى سلتك ما تشتهى الأنفس
و تسعد به العين
مقالك هذا لخص المشهد بكل جوانبه
حتى أننى مرت عليه بالأمس و لم أستطع الرد
مباشرة...قلت سأقرأه مرة أخرى ثم أرد
و ها أنا مرة أخرى أقف حائرا أمام كلماتك
تدعى أنك لا تعرف الكثير فى الإقتصاد ...إمممم؟
و الله لقد شرحت و بينت أكثر ممن يدّعون أنهم خبراء
بفكر أرد على كل نقطة ...و لكنى لن أضيف جديدا
حتى أننى مثلك لم أتخذ قرارى بعد بالنسبة لما يدعى
انتخابات
رغم أننى مثلك تماما أعرف ككل العالم النتيجة مقدما
و خاصة أن حكم المحكمة المستعجلة سيصدر يوم 5/2
بخصوص حذر خوض الانتخابات لمن تخطى 70 عاما
طبعا الباقى معلوم
أما عن الارقام التى تحدثت عنها فنحن نعرف تماما مدى
صدق أو كذب هذه الارقام و خاصة أنها لا يعلمها الكثيرون
من المصريين على حد قول الرئيس
فإذا كنت أنت تعيش فى منطقة تحظى ببعض الجدىد
فأنا أحيا فى مكان لم يشهد أى جديد ...بالرغم من كونى
موظفا فى وحدة محلية و كنت مديرا لجهاز رقابى بها
حتى وقت قريب...و من موقعى أقول لك ليس هناك إلا
الوهم...شو.. just show
و أنا معك فى كون أن التسرع فى البناء يضر أكثر مما
ينفع إذا لم يتم التخطيط الجيد..و خاصة إذا لم يكن
البناء مهم حاليا أو حتى حتمى
أما بناء عاصمة جديدة و تفريعة جديدة و استدانة
لن يسددها هذا النظام بل سنظل لأجيال نسددها
هذا غير مقبول
و الحقيقة أنك أوفيت فى هذا الجانب
و كذلك أنا معك فى نقطة أن البعض يتمنى فشل
السيسى فقط للشماتة و كأنه لا يعرف أن من يطفئ
الشمعة فسيعيش معنا فى الظلام
أما بالنسبة للشباب فهم فى غاية الإحباط و معهم كل
الحق فالدولة تعلن مؤازرتهم و لكنها على الأرض تقهرهم
أما عن خروج مرشح من الضعب يعبر عن الشعب فلن يحدث
هذا أبدا ...ليس تشائما بل هو قرأة بسيطة للأوضاع
فى النهاية أطلت عليك و لكنى أستمتعت بمقالك الدسم
تقبل تحياتى
و ودى
و احترامى
دمت فى أمان الله

[السفيره عزيزه]

و كذلك أنا معك فى نقطة أن البعض يتمنى فشل
السيسى فقط للشماتة و كأنه لا يعرف أن من يطفئ
الشمعة فسيعيش معنا فى الظلام ...


اخي الفاضل لا نعول كثيرا على التمنى
انما الحقائق على ارض الواقع ..

لم يوفق الرجل منذ توليه حكم البلاد
بل ظل يبيع الوهم ويصدر ضجة كبيرة
ليواري فشله المتوالي اينما حل
وحيث ما وجد .
معه جيش وشرطة وقضاء واعلام
ومال كتير من بيع للارض وشحاته
ومساعدات من دول عده ..
ولا يخرج الا وينذر بايام عجاف
وقحت وضيق ...خنقنا وخنق
اكثر من كانوا معه ..
وتراجعت شعبيتة بشكل كبير
لان تلميع الاعلام ما عاد يجدي
الحقيقة يراها المصريين راي
العين ..ومن الاخر كده ..
لن يوفق البتة ويده ملوثة بالدم


احترامي لحضرتك اخي الفاضل

[ahmed 22]

اقتباس المشاركة الأصلية كتبت بواسطة طبيب الهوى أخي أحمد أنت سردت ما يدور في عقول الكثير من أبناء الشعب المصري من ضمنهم أبو عصام أنا مثلك أختلف مع السيسي وأرىَ أن يديه مملوءة بالدم ومثلك أيضاً أشفق عليه لأني أرىَ إنجازاته ومشروعاته خاصة تطوير طريق السويس الصحراوي وتطوير طرق الذهاب والعودة لـ سيناء شمال وجنوب خاصة مدينة شرم الشيخ لكني أجد نفسي مثلك أتساءل أسئلة كثيرة ولا أجد لها أي إجابات لآنها مخفية عن الشعب المصري عامة مثل أين موارد مترو الأنفاق وهيئة النقل والمواصلات وهيئة سكك حديد مصر وكذلك قناة السويس ومصلحة الضرائب لا أجد أي إجابة لكني علىَ يقين أنه إن اهتم بالسياحة وأعادها لسابق عهدها كما كانت في عهد الرئيس مبارك ستكون كافية لإنهاء ديون مصر ميرسي لمقالك القيم والمفيد جداً أخي أحمد تحياتي لفكرك القيم والراقي تقييمي البسيط + ***** 5 أبو عصام

اكيد يا ابو عصام لنا اختلاف مع اشكال وسياسات للدولة
ولكن كما ذكرت ربما هذا الاختلاف قد يكون فيه جزء من نقص المعلومة
او عجزنا عن ادراك جزء من استراتيجيات الدولة في الوقت الحالي
لانها لم تتضج بشكل كلي بعض لاننا لم نحصد النتائج بشكل يعود عالمواطن ..
فلا اريد ان احكم بشكل قاطع
ولكن فقط نضع افتراضات ولنأمل ان يكونوا علي صواب ..
وعلي أمل مقولة ان عشر سنين في عمر الشعوب هو وقت قصير
للحكم علي تقدم شعب او امة ..

وربما السياحة كما ذكرت ربما هي مورد هام لمصر قد يحقق لها الرخاء بشكل نسبي
ولكن اعتقد ان نظرة العالم اختلفت لشكل السياحة نتيجة القفزة الزمنية اخر عشر سنوات
نتيجة انشغالنا بالثورات وغيرها ..
تلك القفزة في التكنولوجيا والرفاهية التي اصابت عقول العالم
واختلاف افكار الشباب والاجيال الجديدة بشكل جزئي
واختلاف رؤيتها للتراث والاثار فهي مجرد حجر بالنسبة لكثير منهم ...
ولذلك سنتقدم في السياحة عندما ندرك أن الأمر الآن ليس متعلقا بكوننا اصحاب حضارة سبع تلاف سنة
ولكن بكوننا نعيش في العام 2018 وان متطلبات العالم قد اختلفت عما كان حتي في وقت مبارك ..
فحتي الاثر تحتاج ان تضفي عليه صبغة العصر الجديد لكي يصبح جذابا
هذا هو الحال علي ما اعتقد..
ولذلك قلت تحتاج ان تنفق ثروات ليس فقط لتنشيط السياحة وجذب السياح
بل لتحسين شكل السياحة واماكن الجذب في البلد حتي يعود من زار مرة اخري ..
حتي تجد عائد مريح مستقبلا ..

طبعا كل الشكر لحضورك المميز
وارائك القيمة يا ابو عصام ..
كل التقدير

[ahmed 22]

اقتباس المشاركة الأصلية كتبت بواسطة مارد الغضب اهلا بعودتك مرة اخرى ايها الرائع ها أنت تعود تحمل فى سلتك ما تشتهى الأنفس و تسعد به العين مقالك هذا لخص المشهد بكل جوانبه حتى أننى مرت عليه بالأمس و لم أستطع الرد مباشرة...قلت سأقرأه مرة أخرى ثم أرد و ها أنا مرة أخرى أقف حائرا أمام كلماتك تدعى أنك لا تعرف الكثير فى الإقتصاد ...إمممم؟ و الله لقد شرحت و بينت أكثر ممن يدّعون أنهم خبراء بفكر أرد على كل نقطة ...و لكنى لن أضيف جديدا حتى أننى مثلك لم أتخذ قرارى بعد بالنسبة لما يدعى انتخابات رغم أننى مثلك تماما أعرف ككل العالم النتيجة مقدما و خاصة أن حكم المحكمة المستعجلة سيصدر يوم 5/2 بخصوص حذر خوض الانتخابات لمن تخطى 70 عاما طبعا الباقى معلوم أما عن الارقام التى تحدثت عنها فنحن نعرف تماما مدى صدق أو كذب هذه الارقام و خاصة أنها لا يعلمها الكثيرون من المصريين على حد قول الرئيس فإذا كنت أنت تعيش فى منطقة تحظى ببعض الجدىد فأنا أحيا فى مكان لم يشهد أى جديد ...بالرغم من كونى موظفا فى وحدة محلية و كنت مديرا لجهاز رقابى بها حتى وقت قريب...و من موقعى أقول لك ليس هناك إلا الوهم...شو.. Just show و أنا معك فى كون أن التسرع فى البناء يضر أكثر مما ينفع إذا لم يتم التخطيط الجيد..و خاصة إذا لم يكن البناء مهم حاليا أو حتى حتمى أما بناء عاصمة جديدة و تفريعة جديدة و استدانة لن يسددها هذا النظام بل سنظل لأجيال نسددها هذا غير مقبول و الحقيقة أنك أوفيت فى هذا الجانب و كذلك أنا معك فى نقطة أن البعض يتمنى فشل السيسى فقط للشماتة و كأنه لا يعرف أن من يطفئ الشمعة فسيعيش معنا فى الظلام أما بالنسبة للشباب فهم فى غاية الإحباط و معهم كل الحق فالدولة تعلن مؤازرتهم و لكنها على الأرض تقهرهم أما عن خروج مرشح من الضعب يعبر عن الشعب فلن يحدث هذا أبدا ...ليس تشائما بل هو قرأة بسيطة للأوضاع فى النهاية أطلت عليك و لكنى أستمتعت بمقالك الدسم تقبل تحياتى و ودى و احترامى دمت فى أمان الله

بل أنت الرائع دائما بحضورك القوي يا مارد
واسعد عندما أجد اسمك يزين المحتوي
بقيمته وارائه .. فدائما ما استفاد به ..
وفيه ما يحفز للتفكير

ولكن بأمانة انا لا أدعي ,,
بل اعي جيدا أنني لا أعلم..
لا أريد أن ابدوا كمن وضع قصة وصدقها
بل وضع نظرية قابلة لأن تكون معرضة للخطأ والصواب ..
حتي لا أكون متحيزا لرأيي او متعجرفا
عندما احتاج لأن اغيره مستقبلا ..
هذا ما اؤمن به عندما اتحدث يا صديق من خلال تجربة..

اريد ان اضيف شئ ما بمناسبة الوهم او الشو كما ذكرت
مع انني اختلف معك في جزئية انه ليس هناك شئ علي ارض الواقع
في الواقع يوجد .. ولكني مازلت مصر أن الاختلاف ليس في التنفيذ
بل في الاستراتيجة المتبعة في التنفيذ بشكل اقتصادي بحت
كما نتفق انا وانت علي ما اعتقد ..

بمناسبة المستجدات في موسم الانتخابات في الفترة الاخيرة
وتلك المسرحيات الهزلية التي لا داعي لها ...
سواء انسحاب مرشح
او ماحدث ضد مرشح
او من يفكر ان يترشح لكي يجعل انتخاباتنا بشكل لطيف ..

ولكن ما يغضبني وبأمانة هذا العرض المزيف او السئ من كل الاطراف
حان الوقت لكي اصدق ان هذا الشعب محب للدراما والتراجيديا بشكل مبالغ فيه
وما يزعجني انني اصدق ان ما يحدث ليس من صناعة النظام
بل من صناعة تلقائية من جزء يمثل جزء من الشعب او من اختيار الشعب او نخبة الشعب ..
وكأن هناك ادوار محفوظة والكل يقوم بأدائها بشكل تلقائي
ولكن بسذاجة الي حد ما لانه لا يوجد مخرج للمشهد ..
يعتقدون أننا مازلنا نعيش في عصر السذاجة
ويريدون من الكل أن يصدق أن الشعب مخير فيمن يحكمه
ويريدون من الكل ان يصدق أن الشعب يحتاج لمحفز لكي يصدق انه مخير ..
يظنون أن البعض منا سيغضب أنه لا يوجد سوي مرشح واحد ..
ولا يظنون أننا سنغضب أنهم يزينون المشهد بشكل يهين عقولنا ..
لمجرد انهم يخبرون العالم اننا شعب ديموقراطي
ولكن يخبروننا نحن اننا شعب مزيف لا يملك سوي العجز فيمن يختار ..
ويتناسون أننا اصلا نأسف ونشعر بالعار أن بلادنا لا يظهر فيها
اناس يمتلكون عقليات لتبهر بل لتقبل م**** النظام كعادة
وبدون حتي الطلب منهم ..


مشكلتنا ان هذا الشعب فيه الف شعب ..
وكل شعب يحتاج ان يطغي علي أفكار الاخرين ويسيطر عليها
ويوجهها كيفما يريد .. مع انه لا يحتاج لذلك طالما يمتلك لاغلبية
ولذلك نبدوا فقط أغبياء بشكل واضح ..
لأن افكارنا لم تتعدد بقدر الطرق التي تعددت فيها اهانتنا من انفسنا ..

[ahmed 22]

اقتباس المشاركة الأصلية كتبت بواسطة يحيى الفضلي السودان حكم الميدان وازع الضمير الحي

اكيد طبعا
شكرا لحضورك القيم

[ahmed 22]

اقتباس المشاركة الأصلية كتبت بواسطة السفيره عزيزه و كذلك أنا معك فى نقطة أن البعض يتمنى فشل السيسى فقط للشماتة و كأنه لا يعرف أن من يطفئ الشمعة فسيعيش معنا فى الظلام ... اخي الفاضل لا نعول كثيرا على التمنى انما الحقائق على ارض الواقع .. لم يوفق الرجل منذ توليه حكم البلاد بل ظل يبيع الوهم ويصدر ضجة كبيرة ليواري فشله المتوالي اينما حل وحيث ما وجد . معه جيش وشرطة وقضاء واعلام ومال كتير من بيع للارض وشحاته ومساعدات من دول عده .. ولا يخرج الا وينذر بايام عجاف وقحت وضيق ...خنقنا وخنق اكثر من كانوا معه .. وتراجعت شعبيتة بشكل كبير لان تلميع الاعلام ما عاد يجدي الحقيقة يراها المصريين راي العين ..ومن الاخر كده .. لن يوفق البتة ويده ملوثة بالدم احترامي لحضرتك اخي الفاضل

اعتقد ان تغيير الحقيقة او الواقع
يبدأ بتمني..
كنظرية اثر الفراشة ..
أي ان الاسباب الصغيرة تكون لها نتائج واثار كبيرة فيما بعد ...
فلماذا لا نأمل ... والا فلماذا نعيش ..؟

وبمناسبة الدم بما انه تكرر اكثر من مرة في الموضوع
... فمين اصلا في بلادنا يداه ليست ملوثة بالدم ..

لا يوجد تيار سياسي او ثوري او ديني او جيش او شرطة او حزبي
يداه ليست ملطخة بالدم .. الكل اياديه ملطخة بالدماء ولكن بأشكال مختلفة وبنسبة متقاربة ..
وتحت عين الشعب الصامت واحزاب الكنبة ..
ولكن الكل يبرر مواقفه طبقا للضرر الحادث له .. لأن الكل تضرر ..
والكل تعرض لأن يكون في موقف سلطة وسقط في اختبار السلطة ..
الكل تعرض لأن يكون له موقف او قرار وبأنانيته وقلة بصيرته
اسقط نفسه من الاعتبار وحق الاحترام ...
لأن باقي الاطراف لم يتنازلوا عن حقهم وكأنها سلسلة او حلقة مفرغة من الثأر ..
بتدور والكل يلقي باللوم علي الأخر والكل يري في الأخر أن يداه مليئة بالدماء ...
واللي بتشوفيه ارهابي بيشوفك قامع وفاسد ..
ولكل له مؤيديه وله مريديه ويري في نفسه الحق والاخرين فيهم الضلال ..
كما قلت في موضوع سابق .. الفكرة أن كل واحد مهتم بفصيلة دمه وكمان فصيلة فكره ..
وكل واحد شايف ان البلد دي مالهاش حق عليه طالما هو ماخدش حقه منها ..
فعمره ما هيكون راضي او قانط .. هيعيش بس ناقم .. مش هيثور بس مش هيدي ..

اما انه لم يوفق لان اياديه ملوثة بالدماء
فلو هكلم بنفس المنطق يعني وعلي فرض اني مؤيد للنظام الحالي وهقول
فعلي كدا الاخوان قعدوا سنة واحدة بس وماعمروش في البلد وماوفقوش
عشان اياديهم ملوثة بالفساد او المؤامرات او الدماء او غيره ...
علي الاقل هو قعد اربع سنين وشكله هيقعد اربعة كمان زيهم ..
لو بمنطقك برضه يبقي ربنا مش بيعاقبه هو ..
بيعاقبنا احنا ... فيبقي احنا نكفر بقا .. انه استغفر الله العظيم
ربنا بيعاقب ميت مليون بني ادم بذنب واحد ..

المنطق ده مع احترامي غلط ..
لانه الشعوب مش بتتقدم عشان نوايا السلطة
بل أن الشعب ماجبرش السلطة انها تحترمه بكافة اشكالها ...

امريكا سفكت دماء العالم كله وهي مازلت القوة الاقتصادية الاولي في العالم
مش معني كدا اننا نببرر الدم لامريكا لا سمح الله ..
ولا احنا مثلا هنشكك في احكام ربنا ... بالعكس ده معناه ان احنا مقصرين
في حقه بالاجمال عموما ومقصرين في حق انفسنا انها هانت علينا
ان حد غيرنا يتحكم في مصائرنا ....
وبرضه نحترم الشعب في امريكا انه قادر يخلي السلطة
تخدمه ... مش راكبة فوقه .. حتي لو اختلفت سياساتها الخارجية
ومعاه حق التغيير بيستخدمه من خلال الصناديق كل 4 سنين
ومع اختلاف كل فكر ليهم بتفضل الاستراتيجية الاساسية في دستورهم
ووثيقتهم ان الشعب هو مصدر كل السلطات ...
وبالتالي عدد رؤساء امريكا حتي الأن
حوالي 45 تعاقبوا علي حكمها ... واحنا تلاقينا بنظامنا الملكي والجمهوري
ماكلمناش 10 في اخر 200 سنة ..

كل التقدير لارائك القيمة
وحضورك المميز ..

[مارد الغضب]

المنطق ده مع احترامي غلط ..
لانه الشعوب مش بتتقدم عشان نوايا السلطة
بل أن الشعب ماجبرش السلطة انها تحترمه بكافة اشكالها ...
......
صديقى أحمد...هذه الجملة تلخص الجواب الذى طال النقاش فيه
و هو كيف تكون النجاة من براثن الحكومات المستبدة
على الشعب أن يقدم قرابين ..هذه القرابين هى من دمه و دم
أبنائه و أحبته..فأنا أرى أن الخوف الناتج عن القمع الذى أنتهجته
السلطات هو ما أجبر الناس على الوقوف فى الظل
و لكنى على يقين أن انتفاضة قريبة ستحدث نتيجة لهذا القمع
أقول انتفاضة و ليست ثورة ..فالإنتفاضة تقوم على أساس
التضحية بالنفس حيث تضيق النفس بالحياة و تكون المقارنة بين
الموت و الحياة أمر عبثى