خلاص ودعته (مسابقة عشاق القلم)

[دمعه حائره]

الحزن خلاص ودعته

مش هاكتب عنه وسيرته

والحيرة دى كات وخدانى

من ناسى ومن خلانى

هاشطبها دى من حساباتى

والفرح فى قلبى يوماتى

هاينور كل حياتى

وهاعلم قلبى الرايق

يضحك لو كان مدايق

ويسامح كل الناس

ويعيش بس بإحساس

الجاى هيبقى جميل

وينسى ده كان ومستحيل

وعيونى دى هاعودها

ممنوع تنزل دمعتها

وتشوف فى السما ألوان الطيف

هايعدى الفرح سحابه خفيف

ينزل مطر الخير على طول

وكل الحزن خلاص هايزول

مش هاسجن نفسى فى ماضى

وأضيع أيامى على الفاضى

ده الحزن خلاص ودعته

مش هاكتب عنه وسيرته

mena_hassan

3-2-2018

[طارق الجميل]

جميل والله جميل جدا اننا نعرف سبب وجعنا والامنا والاجمل بقه
هو اننا نقدر بالفعل نزيله من حياتنا ويكون عندنا العزيمه والتفاؤل
ننتصر عليه كلمات كلها تفاؤل وصوره ببسمه كلها حياه ادام الله
عليكى وعلى الجميع السعاده

[يحيى الفضلي السودان]

جميل نعرف المعني فآلام تودعنا
ونرتي قلبنا حباوايام ترجعنا
فعاش فؤادك دفئ ليسمعنا

[السفيره عزيزه]

خلبيتوا دا عقل يا ناس
وخلبيت دا احساس
خلاويص وفنيتوا خلاص
وهو الحزن اعلن افلاس
ودموعي سافرت بعيد
مع الاااااه والتنهيد
ويلا جديد فى جديد
والعمري من تانى اعيد
بيتنطط كده وسعيد
وبالشكر اكيد هيزيد
والوردي الون بيه
جدران قلبي وايه
فين الحب دلونى عليه
انا هسجن نفسي ليه
خلبتكم يا ولاد الايه
ان كنتم مش هتصلوا عليه...

اللهم صل وسلم وبارك على الحبيب
المصطفي محمد....

شمسنا الجميله دمتى بكل الخير

[عهود~]

اقتباس وهاعلم قلبى الرايق يضحك لو كان مدايق

دائما قلمك ينبض بالحرف الجميل ..

دوم يارب الفرح في حياتك

تسلم انفاسك

[طبيب الهوى]

الله يهدي قلبك الهدوء والسكينة وراحة البال طيلة حياتك

ويسعد أيامك ويفرحك بأبنتك ويجعلها قرة عين لكِ

اللهم تقبل اللهم آمين

بحاول أن أفعل يا مِنَة

بالفعل أمتلك مفتاح سعادَتي

سابقاً لم أستطع استخدامه

أما الأن بفكر جدياً في استخدامه

والله المُستعان

ما أجمل وأرق مشاعرك المنثورة علىَ الورق يا منة

بالتوفيق إن شاء الله

تحياتي لفكرك القيم ومشاعرك الرقيقة العذبة

أبو عصام

[بحر القمر]

جميل الامل
وجميل التفاؤل
والاجمل الوصف والشرح
يارب يسعدك

[شاعرة الرومانسيه]

تسلم ايديكى منه حبيبتى

[شاعر الحب الحزين]

من اجمل الكلمات اللي بترسم البسمة والتفاؤل
ابدعتي منة بالتوفيق ليكي ان شاء الله
الله يوفقك ويسعدك

[دمعه حائره]

اقتباس المشاركة الأصلية كتبت بواسطة طارق الجميل جميل والله جميل جدا اننا نعرف سبب وجعنا والامنا والاجمل بقه هو اننا نقدر بالفعل نزيله من حياتنا ويكون عندنا العزيمه والتفاؤل ننتصر عليه كلمات كلها تفاؤل وصوره ببسمه كلها حياه ادام الله عليكى وعلى الجميع السعاده

تسلم يارب اشكرك على الرد الجميل