اسهل واسرع خبز صحي

[ايمان طلعت]

السلام عليكم
هعمل معاكم النهاردة اسهل واسرع عيش صحي

المقادير
للاكله الواحدة لفرد واحد
50 جرام دقيق اسمر( دقيق القمح الكامل)
رشه ملح
ماء للعجن( ميا عادية من الحنفية او دافية مش هتفرق)

الطريقة
هنضيف رشه الملح على الدقيق ونقلب
نضيف الماء تدريجياً لحد ما تبقى عجينة متماسكه
هنسيبها ترتاح خمس دقايق بعدين نقسمها نصين



نرش شوية دقيق ونفرد عليها قطعة عجين بالنشابه كويس





و يكون سمكها رقيق



بس كدة
هنسويه ازاي
هنحط طاسه او صينية على النار بدون اي دهون لحد ما تسخن
هنحط الرغيف في الطاسة ثواني لحد ما نلاقي الرغيف بقى متماسك و بقى يتحرك في الطاسه تقلبيه ونفس الطريقة نعمل التاني
وهيبقى كدة






يتاكل على طول سخن
لو هيتشال يبقى يتلف في فوطة على طول وهو سخن لحد ما يبرد خالص بعدين يتحط في كيس بلاستيك
ممكن يتحط في التلاجة والفريزر
ويتسخن في طاسه بردو على النار

ملحوظة

ممكن يتسوى على خفيف اقل من اللي في الصورة ويبقى زي العيش التورتيلا ويتعمل فيه شاورما


وبالهنا والشفا

[Abdallah]

الله ينور و تسلم ايديك .

[Fatma eissa]

وصفه لذيذه
جدا
تسلم ايدك

[طارق الجميل]

جميل جدا والله تسلمى على العيش الصحى
والطريقه اللى ولا اسهل منها .. اى حاجه بقى
صحيه علشان تكمل الوجبه ونفطر ... تسلمى

[Doaa Hammam]

سهله جدااا .. هاعملها ان شاء الله

تسلم ايدك

[شاعر الحب الحزين]

الله يعطيكي العافية يارب ايمان
طريقة سهلة وبسيطة
تسلمي على جهودك الطيبة
الله يوفقك ويسعدك يارب

[دمعه حائره]

جميل وصحى والوصفه سهله جدا تسلم ايدك

[مصريه ونبضي فلسطيني]

ما شاء الله عليك
هذا الخبز بنسووه عندنا عادى جدا
اسمه مجردق طريقته سهله وسريعة
وكمان نعمل منه اكله طيبه اسمها مفروكة
بينحط عليها التمر والزبد طعمها رووعة
تسلم ايدك حبيبتى

[رامي3]

وصفة مشهية تسلمي ي رب

[أمير المصرى]

شكله حلو وطريقته بسيطه

مشكوووووورة والله يعطيكى الف عافيه