يا طبيب القلب

شاعر الحب الحزين · منذ /02-28-2018, 04:18 PM

يا طبيب القلب لو تسمح

قوللي إيه هي الحكاية

ساكت ليه وعمال بتسرح

بتدور ومش لاقي دوايا

انا يا طبيب اللي نفسي أفرح

مداري دموع الدنيا جوايا

دلني من فضلك على أي مطرح

أرمي فيه همومي وقسايا

حياتي يا طبيب بقت زي مسرح

لوحدي فيه مفيش حد معايا

أنا الضحية لكل قلب قاسي بيجرح

أنا اللي خدني الحزن من البداية

كل التعب جوايا ومفيش حاجة بتريح

تعب الصبر مني وقال صبرت كفاية

يارب بقالي كتير صابر وبدعي

وانتا الوحيد اللي شايف دمعي

مقدرش أبكي قدام حبايبي

ولا قدام اللي جرحوا قلبي

معرفش دي عزة نفس ولا ده طبعي

ولإيمتا بس أداري عنهم ألمي ووجعي

مليش دوا عند الأطبة

مفيش حاجة اسمها أحبة

إحساسي بيموت حبة حبة

انتا اللي ليا يارب برحمتك بس طمعي

أملي فيك لسه موجود

حتى لو انتهيت من الوجود

هيفضل أملي فيك باقي بسقيه من صبري ودمعي

دوايا عندك يارب رحمتك ورضاك هما راحتي ونفعي

ش . ح

ندوشه 2011 · منذ /02-28-2018, 04:35 PM

ربنا يسعدك ويكتب الخير ويبعد عنك الشر

Fatma eissa · منذ /02-28-2018, 06:08 PM

كلمات في منتهي الروعه
أبدعت

رامي3 · منذ /02-28-2018, 06:41 PM

كلمات حلوة وربنا يوفقك ي رب

نجاة حسام · منذ /03-01-2018, 01:31 AM

تعرف لما تسمع اغنيه تحسها ليك بتوصفك بتقول اللى جواك من غير متقوله بتوجعك اوى بس هى بتكون الحقيقه وبتبقى بتسمعها وانت مش فاهم هو انت اللى كتبتها ولا فى حد كمان عايش زيك ويمكن موجوع اكتر وتفضل تسمع الاغنيه اكتر من مره هو ده بقى نفس احساسى حاليا
انت عديت مرحله انى ادخل واكتبلك برافو او ممتاز كده
بس انت اكتر من اى وصف واحلى حاجه
كتبتها فى الاخرهيفضل أملي فيك باقي بسقيه من صبري ودمعي

دوايا عندك يارب رحمتك ورضاك هما راحتي ونفعي

وبجد ربنا عالم بكل واحد فينا
تحياتى

السفيره عزيزه · منذ /03-01-2018, 02:03 AM

جميله وموزنه وسهله
ربنا يوفقك ويكرمك

دمعه حائره · منذ /03-02-2018, 03:51 PM

ربنا يسعد قلبك ويريح بالك
كلمات فى منتهى الجمال
تسلم خالد

فداااااااااااء · منذ /03-04-2018, 01:49 PM

الافضل ان تغلق صفحة حياتك القديمة بكل ما فيها وافتح صفحة جديدة
عسي ان تجد فى الجديد ما يسعدك
وتذكر ان العمر مرة واحدة فاسعد نفسك بما لا يغضب الله حتى لا تندم

كلمات أليمة اخى شاعر اسعدك ربي

شاعر الحب الحزين · منذ /03-04-2018, 07:41 PM

اقتباس

المشاركة الأصلية كتبت بواسطة ندوشه 2011


	ربنا يسعدك ويكتب الخير ويبعد عنك الشر

تسلمي ندوشه وانتي كمان يا طيبة
الله يوفقك ويسعدك يارب
اسعدتيني بحضورك الطيب

شاعر الحب الحزين · منذ /03-04-2018, 07:42 PM

اقتباس

المشاركة الأصلية كتبت بواسطة fatma eissa


	كلمات في منتهي الروعه أبدعت

تسلمي فاطمة الأروع تواجدك اكيد
اسعدتيني بحضورك الرقيق
الله يوفقك ويسعدك يارب

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
(طبيب الهوي) في اسئلة جريئة اجابتها من القلب	عاشقه الورد	فضفضة الأعضاء	94	07-28-2017 08:09 PM
طبيب القلب	ايمان طلعت	منتدي ابداعات الاعضاء الادبية	14	12-30-2013 05:55 PM
وصفة طبية لعلاج القلب المريض مضمونة بإذن الله إن ثاب رت بصدق	‎Mя_kaSpEr	منتدى الاسلاميات والقرأن الكريم	10	12-12-2011 05:45 PM
طبيب الأهلي: أبو تريكة قد يلحق بلقاء القمة	الواوا	كوره القدم المحلـيه والـعربـبيه	0	03-09-2008 10:05 PM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

يا طبيب القلب

ابداعات الاعضاء العامية