هو انت حد عنده دم

[a7med -3del]

انت ايه مالكش ملة...
والله انت انسان جبلة
اش حال ماكنت اقرع وقلة
.. سفيه ومالكش لازمة
راي فيك قولته زمان...
قولت فاجر وقولت جبان
ورسالتي ليك.. اسمع يامهان
انت ارخص من اي جزمة
مبتعرفش غير.. توعد وتخلف
كداب وتحلف... ومصدقك اوباش
وانا مش جرئ..
علشان اقول وصف يليق
بحاشية فاشية..
انتو..... ولا خلاص بلاش

مقدرش اتعدي حدودي..
والمفروض
بس هتفهم من غير مانطق..
ايه مقصود
اعلامك.. في اوهامك..
والهبل اللي في كلامك
وكل قلم خدناه..
اكيد مردود

افكارك بتقول..
انك اصلا بهلول
عقيم.. عقلك مشلول
ولا عمرك عرفت ادب
ولا كنت ابن اصول

مش لاقي كلام يليقلك
انت في صنف الرجالة
عيل سيس.. خسيس
تربية واطية زبالة

مصر لو نامت سنين هاتقوم
محدش بيقضي عمره نوم
وانت اللي في الاخر
هتطلع منها ابيض
من غير حتي هدوم

هيطاردك كل دم..
وكل دعوة دعيتها ام
هتشوفها فيلم قصاد عينيك
كل لقطة بالف هم
هتحس ايه.. وتحس ليه
هو انت حد عنده دم
انت هم
Ahmed adel
18/6/2018

[حـيـــــآة ❤]

الله ع التهزيق ههههه
تسلم ايدك ا.احمد
هنتسجن

[Lamees]

اه والله ما عنده دم
يلا نتقابل كلنا في السجن

[ندوشه 2011]

طب اسبقوني أنتو واوعدكوا مش هتشوفو وشي مقدرش استحمل أنا البورش موفقين تحبو يبقى في ديليفري هنآك شكل اجازتكم هتطول هناك

[*فجر الاسلام*]

كل دى حسنات هههه
انت راجع بالشتيمه دى كلها
أستاذ احمد ممكن ترجع تكتب تانى
تكتب مش تشتم 😁
منور

[Aya 7ekaya]

ههههههههه والله عندك حق ف كل كلمه
ربنا يهونها من عنده بقا

[احساسى صحيح]

يعم هو دا بيحس
دا بجم
على وزن الخاطره بتاعتك