عرض للزواج

[محمد العبادله]

بسم الله الرحمن الرحيم
السلام عليكم ورحمة الله وبركاته

انا شاب بعمر الورد ميسور الحال
ابحث عن زوجة غنية
لا يهم العمر
القصد من الزواج
انا اتمتع بمالها واختصر المستقبل
وهي تتمتع بشبابي وتعيش حياتها
مما تقدم
ما قولكم بمثل هذا النوع من الزواج

تحياتي لكم

[Lamees]

هو ده اسمه جواز ولا تبادل مصالح
هو ممكن واحدة تقبل انها تتجوز بالشكل ده
وهي عارفة أن الطرف التاني بيستغلها
عشان فلوسها طيب هو اصلا الست اللي معاها
فلوس وكبيرة في العمر تتجوز ليه وتعين نفسها بالشكل ده

تحيتي لحضرتك

[Aya 7ekaya]

ده مش زواج ممكن ندور ليه على اى مسمى غير الزواج لانه شىء اسمى من ده
ربنا لما شرع الزواج و نزل قواعد واصول للرجل والمرأه كل عليه واجبات وليه حقوق لما نطلع برا الاطار ده يبقى مش زواج

[noble falcon]

ده استغلال طبعا وحرام وحيبقى جواز فاشل شكرا مجنون غرامك

[*فجر الاسلام*]

فى الزمن ده النصايح محدش بياخد بيها
كل واحد يعمل اللى شايفه صح
وبم ان الناس كلها شايفه نفسها صح
هيفيد بايه الكلام
الطمع ملا النفووووووووس

[يــزن]

مش عارف أقولك ايه الحال اللي احنا فيه ذهب بكل مبدئ
واخلاق ، بس عن نفسي لا اقبل هكذا زواج
فعل عجبتني القضية

[قلـــــــــــــــــم]

السلام عليكم ورحمة الله وبركاته

اولا الله عز وجل أعطى للرجل أمانة شديدة الخطورة

وهي درجة القوامة

والكثير يعلم. ويردد

الرجال قوامون على النساء

لماذا وهب الله عز وجل للرجل تلك الدرجة

ليكن

قدوه

مسئول

ملتزم بما شرع به الله عز وجل فى علاه

وهنا نعي ان الجزء المفقود إخلال القوامة.
هو إخلال بشرع الله

ولكن سوف نجد نقطة ربما يستغلها البعض

قول صلى الله عليه وسلم

تنكح المرأة. لمالها. وجمالها ، ونسبها ،ودينها ،،،،،،،،،، فأظفر بذات الدين تربت يداك

نجد عكس ما يتوقع
المال اولا الجمال ثانيا. النسب ثالثا. الدين اخر شيء برغم انه الأصح وما اختاره لنا سيد الخلق صلى الله عليه وسلم

فالمال زائل لانه من زينة الحياة

الجمال يزول لان الشيب المرحلة القصوى

النسب ، لا فرق بين أعجمي و أعرابي إلا بالتقوى والعمل الصالح

وأخيرا. من اهم الرزق في الحياة. زوجة صالحة وإن كانت. أمة

وذلك لقوله تعالى

ولأمةُ مسلمةُ خَيْرٌ من مشركةٍ ولو أعجبتكم

صدق الله العظيم

موضوع. حساس ويشكل عائق في المجتمع العربي وخاصة بمن بسن المراهقة من الشباب

تحيتي وشكرا لموضوعك

قلم

[.Lamar]

عن نفسي مش بعرف اذوق الكلام
مش هقول تبادل مصالح و لا الجواز اسمى من كدة
زى البنات ما ردت وقالت
هقول دة واحد باع نفسه بالفلوس
و هى دفعت تمنه
كانك كدة بتشترى عبد فى سوق العبيد
زى زمان
بس بشكل اشيك
فدة مبنفعش يتقال عليه راجل اصلا
اللى يرضى يمد ايده عشان ياخد مصروفه
من واحدة
مفيش نخوة و لا كرامة

تحياتى

[Abdallah]

مع أحترامى للجميع بس ممكن يتحول الأمر الى زواج شرعى
ان يعمل الرجل بمالها بالتجارة و يحصل على راتب كموظف
يصرف منه عليهم الأثنين بصفتها زوجته و مسؤله منه
و هى ايضا تعمله كزوج محترم و لا تصرف اموالا عليه
و تدعه يصرف من مرتبه اللى استحقه بعمله فى التجارة و استثمار اموالها
ايضا يكون متفق على ذلك عند الزواج و اذا توقف الزوج عن العمل
لا تعطيه مالا و تطلب الطلاق او يعيشوا بالمعروف يعنى تصرف عليه
بس على قدر طعامه و ملبسه و الضروريات المهمه جدا فقط .