كيبورد / المسابقة الأدبية

[شاعر الحب الحزين]

لو اكتب كلمة غلط يصححها
وانتوا شاطرين تغلطوني
لو اكتب كلمة اقدر امسحها
ومين يمسح دمع عيوني
عيوني اللي السهر جرحها
ودموعها م اللي ظلموني

يفهمني قبل ما اتكلم
مع إنه ملهوش قلب
لو اغلط منه انا بتعلم
ما تبقاش الغلطة ذنب

وانتوا قبل ما اتكلم بتلوموني
ليكم قلب ومش بتحسوا
لو اغلط تعلموا عليا قبل ما تعلموني
من غلطة تقسى قلوبكم وتنسوا
عمره ما شافني وانتوا شفتوني وعرفتوني
هو معايا وانتوا كل واحد مع نفسه

كيبورد

ش . ح

[د/ عبد الله]

ما هو الكيبورد بقى أقرب لينا من الناس
بقى صديقنا الصدوق
حلوة الفكرة يا خالد
عودا حميدا
تحياتي ليك

[*فجر الاسلام*]

نورتنا يا شاعرنا
ومهما كانوا أقرب ليك بغلطه ينسوا كل حاجه
تسلم ايدك ربنا يسعدك ويبعد عنك الناس دى
بالتوفيق

[قلـــــــــــــــــم]

كلمات لذيذة المعنى

وسرد جميل

تحيتي اليك

قلم

[ياسمينة ❤]

الكييورد بقى جزء من حياتنا

كلماتك جميلة جدا

بالتوفيق ليك

[Lamees]

الفكرة حلوة اوي يا خالد
أحياناً الجماد بيكون اقرب من الأحياء
بتشوف فيه ميزة مش موجودة فيهم
رائعة خالد
لا تحرمنا روعة كلماتك
تحيتي

[.Lamar]

فعلا الناس بقيت تستنى لبعضها على غلطة
و كأن دة هيخليها احسن
مبقاش حد بيعاتب عشان يخليك احسن

جميلة خاطرتك اخى
تحياتى

[ايمان طلعت]

عجبتني الفكرة اوي
وفعلا كلامك صح
الناس بقت تقف على الغلطة والحرف عشان تشيلك ذنب
معرفش العيب في الناس
ولا الظروف اللي خلت الناس كدة

[يــزن]

عندك حق والله
فكره عبقرية باحساسها
أخي الفاضل لك كل تقدير
احترامي

[روح الروح]

كلمات عن جد جميله
وفكرة جديده
تحياتى لقلمك المبدع