نوستالجيا

[يــزن]

السلام عليكم
حقيقه الكلمات ازدادت وضوح مع الحوار الجميل بينك أ/ احمد و د/ عبدالله
وبدون أي مجاملة اسلوبك مميز وبحبه كتير
تقديري واحترامي

[Lamees]

استاذ احمد رائعة فعلاً
فكرة حلوة ومكتوبة بغموض شوية
بس الحوار مع الدكتور ساعدنا كتير
تسلم استاذنا
ودام العطاء

[محمد العبادله]

كلماتك رائعة
دمت و دامت حروفك بهذا الجمال

[ahmed 22]

اقتباس المشاركة الأصلية كتبت بواسطة د/ عبد الله طبعا انا معاك في كلامك واللي بيتقال هنا مبيبقاش نقد بالمعنى الفعلي ده مجرد رأي بيتقال بس للأسف بقيت أخاف أقول رأيي لو فيه حاجة شايف انها ممكن تبقى أحسن وبكتفي بالرد التقليدي. بالنسبة بقى للفلسفة في الكتابة أو وضوحها فأنا رأيي ان النص لازم يبقى مزيج بين تلاتة: جزء واضح وصريح يفهمه الجميع وده ياخد نسبة بسيطة وجزء محدش يفهمه غير الكاتب ويكون زي نسبة الصريح وجزء يتفهم بس بشكل غير مباشر وده ياخد اكبر نسبة. وممكن تلاقي نص طول ما انت بتقرأ مش فاهم الكاتب يقصد ايه..وتيجي كلمة او جملة ف الاخر توضحلك كل حاجة اما النص كله يبقى غامض او كله صريح ...مش كويس طبعا الكلام والحوار كله بصفة عامة بعيدا عن موضوعك المهم اننا نوصل لفايدة احنا مش داخلين مسابقة يعني وانا عارف انك ميفرقش معاك.. بس يا عم ..ده كل الموضوع

بعتذر للتأخر في الرد يا دوك لظروف الشغل


انا مش عارف اكلم ولا ايه بس هقولك حاجة والله
بالنسبة للنقد او الرأي ايا كان المسمي ..
فهو طبيعي مايكونش بالكفاءة الكاملة انه يرتقي لمرحلة النقد النموذجي
بس ده ما يقللش من قيمة أنك بتوضح مسار معين للكاتب
ممكن يكون غافل عنه .... ودي المفروض امانة ..
المفروض الناش تشجعك أنك تأديها ..

بس انا اتضح ليا شئ عموما من خلال تجربتي هنا
انه اولا عشان تنقد ويكون ليك قبول ... لازم يكون ليك رصيد
من الثقة عند الناس .. وثقل في الكتابة عموما ...
وبالتالي انا اول ما دخلت نقدت ... وبالتالي كان مش مقبول
وده حسيته .... وبالتالي بطلت ارد عموما .. الا فيما ندر ..
لاني مش قادر اقول شئ عكس قناعاتي ..

بس ده مايمنعش انه برضه فيه ناس بتقبل النقد بالالوان وبتتجاهل الباقي
وبتفرح بالمدح بالالوان والباقي مجرد رقم ...
بمعني انه لون الاسم ما بين اخضر وبرتقالي
واسود بيفرق عند البعض ... وتلاقي تفاوت كبير في التقبل ..

وبرضه ممكن انا كلون اخضر ممكن انقد بشئ من الصحة ..
وييجي لون تاني بعدي يمدح بشدة ... فتستشعر أنك شئ
شاذ عن المألوف وأنك مجرد واحد داخل يفسد الموضوع ...
المفروض يكون فيه وحدة في الهدف بتاعنا ...
وهو ان احنا نكون افضل ...

في ناس هنا كتير من ساعة ما دخلت ملاحظ كتابتهم
اتمنوا يقروا مواضيعهم من سنتين .. ويقرأو المواضيع للي كتبوها النهاردة
ويقروا الرودود من سنتين ويقرأو التعليقات اللي اكتبت ليهم النهاردة ..
هيلاقوا نفس الرتم في كل شئ ...مافيش اي تغيير ..
مافيش اي تطور ... لان الناس متعودين علي نفس الدرجة
من الكتابة ونفس الدرجة من المديح ..
وارتضوا بكدا ...ومافيش اي تجارب في شئ مختلف
او قسم مختلف يخليهم يكتشفوا جوانب اكتر من مواهبهم ..

احنا طبعا كلنا هواة .. بس دايما اللي بيخلق الطموح
او الغرض من التواجد هنا .. هو انك تكون افضل ومتجدد ..
وماتخافش انك يطلعلك موضوعين تعبانين او بايظين
عشان تكتب او تجرب في شئ جديد ...
لأنك في مرحلة ما هتلاقي نفسك زهقت
واكتفيت عموما لأنك عمال تكرر نفسك ...

انا من ساعة ما دخلت هنا وانا بكتب في حاجات
والله ما اعرف عنها حاجة ... عمال اجرب وخلاص ..
لاقيت لناس بتكتب شعر عامي .. قلت اجرب اكتب فيه
واحاول احط فيه الطابع بتاعي ..
كنت منجذب لل ق ق ج .. وكنت بحاول فيها من زمان
فقلت اجرب اكمل هنا واحسن علي قدر ما استطيع
انا طبعا مش بقول كدا علي اساس اني مثلا بقيت واو يعني
بالعكس انا احسن موضوع كتبته هنا تقييمه مايتعداش 5 من 10
وانا عارف و فاهم كدا كويس .. لأني ممكن اكون افضل
لو الحياة هيأت ليا القدرة ان دماغي
يكون صافي اكتر بعيدا عن الحياة العملية...

بس ده مايمنعش انه يكون ليا رأي
في كتابات غيري ... لو اقدر ..

بس انا مبسوط وسعيد ..
لانه كان اخري اكلم سياسة وفكر واكتب قصص طويلة وخلاص
ودول اقل حاجة كتبت فيهم هنا .. من ساعة ما دخلت ..
اقصد اقول ان التجربة مش وحشة عموما ..
والخوف من التجربة هو الفشل بعينه..
لأنك انت ممكن تقعد خواطر سنين طويلة
وانت اصلا ممكن تكون افضل في لون تاني من الادب
بمرات كتيرة .. بس ماجربتش ..
ممكن تكون افضل في اللون اللي بتكتب فيه
بس ماحدش مرة قالك أنت المفروض تعمل ايه
وبالتالي اخدت كلامه .. ودخلت بحثت وقريت
عشان تقدر تكون افضل ...

اما بقا فيما يخص فلسفة الكتابة ..

فأنا شايف ان الغموض او الوضوح في النص شئ نسبي ..
ويختلف من شخص للتاني .. بسبب اختلاف تفكيرنا عموما ..

بس ده مايمنعش أنه فعلا لازم يكون في علامة توضح المدلول
من النص بشكل عام وان اختلفنا في فهم التفاصيل ...

بس برضه وظيفه الكاتب انه يخلق للنص نوع متفرد من الجاذبية
ويحاول يسير في الطريق ده .. عشان يكون ليه دمغة باسمه ...
لما يتشاف يتعرف ان ده اسلوبه ... مش مجرد اسلوب شبه غيره ..
ممكن يكون الأول يمثل شكل من الغموض ..
بس مع الوقت هتقدر توصل بصورة اسهل ...
لأن مجموعة المفردات اللي بتستخدمها في كتابة النصوص
مش بتخرج عنها الا فيما ندر ... لأنها الحصيلة اللي بتدورها
وبتخرج منها النصوص بشكل يوازي قوة اسلوبك ...

[ahmed 22]

اقتباس المشاركة الأصلية كتبت بواسطة يــزن السلام عليكم حقيقه الكلمات ازدادت وضوح مع الحوار الجميل بينك أ/ احمد و د/ عبدالله وبدون أي مجاملة اسلوبك مميز وبحبه كتير تقديري واحترامي

عليكم السلام ورحمة الله وبركاته

حبيبي تسلم ..
وانا شرف ليا اكيد كلامك ..
كل التقدير لشخصك المحترم..

[ahmed 22]

اقتباس المشاركة الأصلية كتبت بواسطة lamees استاذ احمد رائعة فعلاً فكرة حلوة ومكتوبة بغموض شوية بس الحوار مع الدكتور ساعدنا كتير تسلم استاذنا ودام العطاء

شكرا لحضرتك ..
ولكلامك الراقي كشخصك..
وطبعا الدكتور .. وجوده اضاف الكتير ..
وانتوا اساتذتنا وبنتعلم منكم اكيد

كل التقدير لشخصك المحترم ..

[ahmed 22]

اقتباس المشاركة الأصلية كتبت بواسطة مًجّنِوٌنِ غُرامًکْ كلماتك رائعة دمت و دامت حروفك بهذا الجمال

تسلم يا غالي علي رقيك
والروعة في حضورك اكيد
كل التقدير

[د/ عبد الله]

اقتباس المشاركة الأصلية كتبت بواسطة ahmed 22 بعتذر للتأخر في الرد يا دوك لظروف الشغل انا مش عارف اكلم ولا ايه بس هقولك حاجة والله بالنسبة للنقد او الرأي ايا كان المسمي .. فهو طبيعي مايكونش بالكفاءة الكاملة انه يرتقي لمرحلة النقد النموذجي بس ده ما يقللش من قيمة أنك بتوضح مسار معين للكاتب ممكن يكون غافل عنه .... ودي المفروض امانة .. المفروض الناش تشجعك أنك تأديها .. بس انا اتضح ليا شئ عموما من خلال تجربتي هنا انه اولا عشان تنقد ويكون ليك قبول ... لازم يكون ليك رصيد من الثقة عند الناس .. وثقل في الكتابة عموما ... وبالتالي انا اول ما دخلت نقدت ... وبالتالي كان مش مقبول وده حسيته .... وبالتالي بطلت ارد عموما .. الا فيما ندر .. لاني مش قادر اقول شئ عكس قناعاتي .. بس ده مايمنعش انه برضه فيه ناس بتقبل النقد بالالوان وبتتجاهل الباقي وبتفرح بالمدح بالالوان والباقي مجرد رقم ... بمعني انه لون الاسم ما بين اخضر وبرتقالي واسود بيفرق عند البعض ... وتلاقي تفاوت كبير في التقبل .. وبرضه ممكن انا كلون اخضر ممكن انقد بشئ من الصحة .. وييجي لون تاني بعدي يمدح بشدة ... فتستشعر أنك شئ شاذ عن المألوف وأنك مجرد واحد داخل يفسد الموضوع ... المفروض يكون فيه وحدة في الهدف بتاعنا ... وهو ان احنا نكون افضل ... في ناس هنا كتير من ساعة ما دخلت ملاحظ كتابتهم اتمنوا يقروا مواضيعهم من سنتين .. ويقرأو المواضيع للي كتبوها النهاردة ويقروا الرودود من سنتين ويقرأو التعليقات اللي اكتبت ليهم النهاردة .. هيلاقوا نفس الرتم في كل شئ ...مافيش اي تغيير .. مافيش اي تطور ... لان الناس متعودين علي نفس الدرجة من الكتابة ونفس الدرجة من المديح .. وارتضوا بكدا ...ومافيش اي تجارب في شئ مختلف او قسم مختلف يخليهم يكتشفوا جوانب اكتر من مواهبهم .. احنا طبعا كلنا هواة .. بس دايما اللي بيخلق الطموح او الغرض من التواجد هنا .. هو انك تكون افضل ومتجدد .. وماتخافش انك يطلعلك موضوعين تعبانين او بايظين عشان تكتب او تجرب في شئ جديد ... لأنك في مرحلة ما هتلاقي نفسك زهقت واكتفيت عموما لأنك عمال تكرر نفسك ... انا من ساعة ما دخلت هنا وانا بكتب في حاجات والله ما اعرف عنها حاجة ... عمال اجرب وخلاص .. لاقيت لناس بتكتب شعر عامي .. قلت اجرب اكتب فيه واحاول احط فيه الطابع بتاعي .. كنت منجذب لل ق ق ج .. وكنت بحاول فيها من زمان فقلت اجرب اكمل هنا واحسن علي قدر ما استطيع انا طبعا مش بقول كدا علي اساس اني مثلا بقيت واو يعني بالعكس انا احسن موضوع كتبته هنا تقييمه مايتعداش 5 من 10 وانا عارف و فاهم كدا كويس .. لأني ممكن اكون افضل لو الحياة هيأت ليا القدرة ان دماغي يكون صافي اكتر بعيدا عن الحياة العملية... بس ده مايمنعش انه يكون ليا رأي في كتابات غيري ... لو اقدر .. بس انا مبسوط وسعيد .. لانه كان اخري اكلم سياسة وفكر واكتب قصص طويلة وخلاص ودول اقل حاجة كتبت فيهم هنا .. من ساعة ما دخلت .. اقصد اقول ان التجربة مش وحشة عموما .. والخوف من التجربة هو الفشل بعينه.. لأنك انت ممكن تقعد خواطر سنين طويلة وانت اصلا ممكن تكون افضل في لون تاني من الادب بمرات كتيرة .. بس ماجربتش .. ممكن تكون افضل في اللون اللي بتكتب فيه بس ماحدش مرة قالك أنت المفروض تعمل ايه وبالتالي اخدت كلامه .. ودخلت بحثت وقريت عشان تقدر تكون افضل ... اما بقا فيما يخص فلسفة الكتابة .. فأنا شايف ان الغموض او الوضوح في النص شئ نسبي .. ويختلف من شخص للتاني .. بسبب اختلاف تفكيرنا عموما .. بس ده مايمنعش أنه فعلا لازم يكون في علامة توضح المدلول من النص بشكل عام وان اختلفنا في فهم التفاصيل ... بس برضه وظيفه الكاتب انه يخلق للنص نوع متفرد من الجاذبية ويحاول يسير في الطريق ده .. عشان يكون ليه دمغة باسمه ... لما يتشاف يتعرف ان ده اسلوبه ... مش مجرد اسلوب شبه غيره .. ممكن يكون الأول يمثل شكل من الغموض .. بس مع الوقت هتقدر توصل بصورة اسهل ... لأن مجموعة المفردات اللي بتستخدمها في كتابة النصوص مش بتخرج عنها الا فيما ندر ... لأنها الحصيلة اللي بتدورها وبتخرج منها النصوص بشكل يوازي قوة اسلوبك ...

الله عليك
كفيت ووفيت
أشكرك جدا يا أحمد