انفجار مركب بيراميزا بالمنصوره ..

[محمود الصاروخ]

السلام عليكم ..
اخباركو شباب ؟ يارب بخير وفي احسن حال
الناس اللي من المنصوره او من البلاد اللي حوالينا
اكيد سمعو عن انفجار اللي حصل في مركب بيراميزا ستار
اللي هي مكان شغلي واللي نجيت من الموت فيها بإرادة ربنا
..
الحكايه
كنت شغال انا واتنين صحابي اول امبارح في صيانة التكييف
3 صحاب شغالين مع بعض ومع بعض دايما علي المره قبل الحلوه
مش هقول صحابي لان دول منهم اخويا الكبير واخويا الصغير
شغالين مع بعض في امانة الله وبنضحك وبنهزر مع بعض
اخويا الكبير قالي هات مفك ف جبته واديتهوله
وقولت لاخويا الصغير هنفطر امتي ياصحبي لسه مفطرناش ..
عاوزين نروح مترو نجيب فطار ، تروح تجيب ؟
قالي ماشي هنخلص ونروح نجيب احلي فطار
قولتله ماشي ياصحبي ثانيه وجايلك
هبص علي المخزن بس واكون معاك
ويادوب اديتلهم ضهري من هنا
ومفيش دقيقه واحده وحصل الانفجار
زي ما يكون ربنا بيقولي كتبتلك عمر جديد
ــ
صحبي واخويا الكبير احمد مهني في ذمة الله ..
صحبي واخويا الصغير محمود محمد في العنايه في مستشفي الطواريء
بالمنصورة وحالته صعبه جدا بين الحيا والموت ،
كنت معاهم وقولتلهم ثانيه وجاي
ومش عارف ليه قولتلهم كدة ؟ كانت تغور الحاجه اللي كنت خارحج
اعملها وكنت فضلت معاهم لاننا مع بعض علي المره قبل الحلوه
..
ياريت ياشباب ندعي لاخويا الكبير بالرحمه
وندعي لاخويا الصغير بالشفاء لان حالته صعبه جدا
من فضلكم
وبعد ما نجيت من الموت وكان بيني وبينه ثانيه واحده
اتمني لو هعيش لحظه في الدنيا دي اعيشها ومفيش حد زعلان مني
وانا عارف ان في ناس كتير هنا زعلانه مني
واتمني تسامحني واولهم
حياه
اركو
..
سامحوني كلكو
وادعو لصحابي
أبوس ايدكو

[دمعه حائره]

لاحول ولا قوة الا بالله العلى العظيم
ربنا يرحمه ويسكنه فسيح جناته
حمد لله على سلامتك يامحمود ربنا يحفظك انت واللى زيك ويشفى صاحبك يارب
الدنيا مش مستاهله والله اى حاجه ومش بيبقى من البنى ادم
غير السيرة الحسنه
يارب احسن ختامنا جميعا

[حـيـــــآة ❤]

سلامتك يامحمود
والله فعلا الرنيا مش مستاهله ابدا
ولا تستاهل ان حد يزعل من حد
انا مش زعلانه منك ابدا انت شخص كويس
وحمدالله علي سلامتك ..

[حـيـــــآة ❤]

ربنا يرحم صاحبك
ويحفظك ياررب

[محمود الصاروخ]

شكرا منه وهاجر
صحبي التاني في ذمة الله من امبارح
ادعوله بالرحمه ..
صحابي الاتنين ماتو وكانو معايا قبلها بدقيقه
الحمدلله علي كل شيء
...

[*فجر الاسلام*]

محمود انا مش عارفه اقول ايه بجد
رغم انك نجيت بمعجزه بس اصاحبك اكيد اغلي عندك من اي حاجه
بس انت لسه باقيلك عمر لسه ربنا بيديك فرصه تانيه محدش عارف هيموت ازاي وامتا وفين
الحمد لله ع كل شئ وربنا يصبر قلبك ويقويك ويسكنهم الفردوس الاعلي

[Caramilla]

لا حول ولا قوة الا بالله العلي العظيم
ان لله وان اليه راجعون
الله يرحمهم ويغفر لهم ويسكنهم فسيح جناته ويلهم أهلهم الصبر

الف حمدالله على سلامتك
الله يخفف عن قلبك اخويا محمود
ويفك كربتك يارب