عبقرية الخلود

[ahmed 22]

ما بين عبقرية الأقوال وواقعية الأفعال وتأثيرهم في خلود بعض الاشخاص
كعلامات رائدة ..كلام كتير جدا ...

بمعني ... انه حاليا في السوشيال ميديا ... بنلاقي فيديوهات كتيرة بتظهر
زي مثلا تلاقي واحد منزل فيديو للقذافي وبيقول رأيه في شئ ما ..
فييجي بعض الناس تقولك
شوفوا عبقرية الراجل وكأنه عايش معانا في 2018 ..
وشايف الواقع بنظرة غير للي احنا شايفينها ومع الوقت رؤيته بتصدق ..

او مثلا تأييد العرب عموما لمواقف هتلر مع اليهود بسبب العداء اللي بينا
وبينهم ... فتلاقي مثلا حد منزل لهتلر مقولة ... والناس تشيد بعبقرية الرجل
وان عباراته في محلها ونظرته للمستقبل وتصرفات اليهود فيها مثلا
ما يشفع ان احنا نشوفه كأيقونة ... وغيرهم كتير ولا سبيل للحصر ..

فتلاقي دايما الناس دي بتتخلد في ذاكرتنا مع الوقت بنظرات من الاعجاب
لأقوالهم ورؤيتهم اكتر منها نظرات واقعية لتاريخهم وافعالهم بما فيها من دموية
وقهر للشعوب ..

فتحس انه في تعارض كبير او خلل او شئ غير منطقي في الأمر ده ..
بس هو الأكيد انه ندرة الأشخاص من النوعية دي بمنطقهم بمسيرتهم .. بقصة حياتهم عموما بيأدي لخلودهم في التاريخ وانهم يكونوا اشخاص ليهم
اليد فيما اصبح عليه لتاريخ اليوم او الحضارة الانسانية او التكنولوجية حتي ..
ولكن تأثيرهم الأكبر كان في التناقضات الانسانية اللي بتنتج لرؤية الناس ليهم ..

وتأثيرهم اللي بيصل العالم كله كشخصيات كريزماتيك ...
بيؤدي أن الناس تستحضرهم
في مواقف كتيرة بأقوالهم ... مع ان خلود اقوالهم نتج بسبب
سوء أفعالهم في المقام الأول ....

ملحوظة / الجزئية الجاية دي انا هعمل ليها نسخ
وهي موجودة في احد المنتديات بس انا اللي كاتبها
وبنفس الاسم من فترة ...


عامة الناس قيمتهم بتتحدد حسب تأثيرهم .. لان احنا نظرتنا للشخصية اللي بتتخلد في التاريخ بتتحدد علي اساس استيعابنا العاطفي ليها او حاجتنا لاستحضارهم...

في ناس كتيرة اتخلدت في التاريخ وأسماءها مكتوبة في كتب التاريخ
بس فيه علامات احنا بننجذب ليها طبقا لطبيعة حياتنا الحالية ..
انا بكلم هنا علي المنتج اللي عليه الطلب بزيادة ..

يعني مثلا كان في موسوليني وهتلر
بس تلاقي الدارج اكتر عندنا هو هتلر .. بسبب ارتباطه بمذابح الهولوكست بتاع اليهود .. اللي احنا غالبا مش هنقعد نصنفهم ونقول يهودي معتدل او يهودي صهيوني ..بس هما متركبين في دماغنا علي انهم معتدين نازيين وبيطبقوا اللي حصل معاهم علي غيرهم ..
فتلاقي هتلر في ذاكرتنا للسبب ده وارتباطنا بعض الشئ بالقضية الفلسطينية .. مع انه في المقام الأول المفروض ترتبط ذاكرتنا انه تسبب في قتل ملايين ..

احنا مثلا حاليا كشعب حاسس انه بلا هيبة او فاقد الهوية فبندور في كتاب التاريخ
علي الشخصية اللي تعود النقص ده بحيث نسترجعه ونخلده في ذكرانا ...
فبنسترجع مثلا قيمة زى صلاح الدين عشان المفروض نرفع من معنوياتنا بس غالبا بنقعد نتحصر يعني ...
..

هو طبعا نبينا الكريم عليه الصلاة والسلام في قلوبنا دايما .. بس لما نحس ان احنا
بقينا ضعاف الايمان .. تلاقينا نسترجع في ذاكرتنا .. وبنبحث عن معاناته وفتوحاته
وقصة حياته عشان نسترجع القدوة ..

كل تخليد لشخص بيكون طبقا لاستيعابنا العاطفة في الوقت اللي احنا عايشينه ..
وكمان الارث اللي تركه كل واحد فيهم ايجابا وسلبا هو كان سبب فيما عليه العالم اليوم ...
هنا خلود افكار بعض الاشخاص في التاريخ ضروري لانهم بيمثلوا الدوافع او الدروس للي عايشين حاليا ...
وبرضه الخلود مرتبط بوجود سبب حالي علي امل الوصول لنتيجة سابقة ..
وتتكرر الحياة بشكل كنا بنآمل اننا نكون موجودين فيه قبل كدا ..

وان أفعال شخص تتخلد في التاريخ او غاية وجودهم
او أن سبب نشأة مبدأ الخلود نفسه عموما اعتقد انها نفسية اكتر ..
لأنها مربوطة بطبيعة الخير والشر لدي البشر ..
واحتياج البشر لمصطلح يشبع الغريزة دي في اوقات السلم او الحرب..
سواء بمجتمع مسالم او مجتمع مبني علي العداء ..
لأن التجربة هي اللي بتكون الهوية
واستحضارها مستقبلا هو اللي بيحافظ عليها ..

احيانا انك تستذكر خلود افكار البعض هو شئ كافي لتهدئة شعوب في حالة حرب نتيجة تراكمات خير سابقة ..
او تزيد حالة التأهب والتركيز ضد عدو طاغي نتيجة تجربة مريرة سابقة ...

واحيانا الخلود طبيعة نشأته في كل حضارة بيتبني عبر الوقت لصناعة هوية مستقلة ليها طبقا لتقاليد واعراف او اديان او حتي مبادئ اتكونت من اشخاص منذ بداية الخليقة وبيتحافظ عليها عن طريق تتابع اجيال بتتبني نفس المبدأ بما يواكب الوقت ده بأشكال تناسب الشكل الحضاري لكل وقت بتحديث منتظم ..

عن طريق اشخاص مختارين بقدرية تامة بيظهروا عشان يفكروا العالم بأنفسهم بأشكال مختلفة.. ممكن شر وممكن خير .. لانه زي ما فيه ناس بتتخلد لانها صنعت حضارة .. في ناس بتتخلد لانها بتمثل جرس انذار للبشرية للوضع اللي اصبحوا عليه ... وبالتالي يصلحوا من أنفسهم ..

لأنه سبب من اسباب تقدم الغرب في الوقت الحالي
هو وجود هتلر وغيره من الجلادين في القرن الماضي ..

وان الحروب اللي حصلت اخر 70 سنة هي كانت الدافع للطفرة الحضارية الكبيرررة اللي حصلت في الخارج .. لانه مع انه كان في سباق للتسلح من اجل فرض القوة .. كان فيه سباق في البحث العلمي من أجل امتلاك التكنولوجيا الافضل
لكي تساعدهم في الحرب .. وبعد كدا بقا فيه اساس ومراكز للتكنولوجيا ثابتة باختراعات هائلة خليتهم يوصلوا في خلال 30 سنة بعد حروب دمرت الاخضر واليابس للشكل اللي احنا حاليا بيمثل لينا ابهار لحد النهاردة ...
وقيم انسانية اتولدت واكتسبوها لما عرفوا قيمة الانسان
لما اتفقد منهم كتير من البشر بسبب اهوال الحروب ..

وبالتالي افعالهم لا تنفي تأثيرهم في منحني التاريخ ...
اللي اتغير بوجودهم .. واقوالهم هو مؤشر لحقيقة عبقريتهم
لحقايق هما كانوا شايفينها ممكن تحصل مستقبلا ...
بس اخطأوا في اساليبهم بتصليحها وبالتالي نهايتهم كانت عقابهم
.. وخلودهم هو اساس تجربة للبشرية لأسوأ الاحتمالات
لما قد يحدث عندما تصنع الشعوب جلاديها ...
ويصبح جلاديها .. قادة حسيين تلازم الشعوب
كاختلال في عواطفهم تجاه المنطق ..

وبالتالي تلك هي عبقرية الخلود ...
تجربة حسية عقلية نسبية متكاملة من طراز فريد
تظهر لينا طبيعة النفس البشرية من خلال حياة بكاملها
لاشخاص يمثلوا علامات في تاريخنا ...
وكيفية تعاملنا مع تلك العلامات وتخليدنا ليهم بأشكال مختلفة
وبنظرات مختلفة طبقا لمشاعر تتناقض بحالتنا ما بين قوة وضعف
ما بين فترات زمنية مختلفة ... ما بين تحالفاتنا مع بلدان
وعدائنا مع اخرين ... كيف قد تستخدم اقوالهم كشهادة ميلاد لحقائق
تقارب الواقع مع أن افعالهم هي مجرد حالات من التشكيك
بمنطق البشر في عيشهم الحياة نفسها ....

[قلـــــــــــــــــم]

الموضوع بالكامل رائع

وتقديري ان له جزء ثاني وهو مجرد تخمين

اثرت مقطع وهو يعد الأهم


وبالتالي افعالهم لا تنفي تأثيرهم في منحني التاريخ ...
اللي اتغير بوجودهم .. واقوالهم هو مؤشر لحقيقة عبقريتهم
لحقايق هما كانوا شايفينها ممكن تحصل مستقبلا ...
بس اخطأوا في اساليبهم بتصليحها وبالتالي نهايتهم كانت عقابهم
.. وخلودهم هو اساس تجربة للبشرية لأسوأ الاحتمالات
لما قد يحدث عندما تصنع الشعوب جلاديها ...
ويصبح جلاديها .. قادة حسيين تلازم الشعوب
كاختلال في عواطفهم تجاه المنطق ..



ربما انت اثرت النقاط ووضعتها على هدف محدد وهم الرؤساء والديكتاتوريون أو قادة الحروب

وهذا تمثل بالنهاية وترابط على نفوس الشعوب او البشر العادية

لكن يا عزيزي. ايضا في خلود من نوع اخر وهو ما خمنت فيه الخلود العلمي

لانك وضعت نبذة بسيطه عن تشريعات المستقبل

وأتمنى بالفعل يكون تخميني صحيح

ابدعت الطرح والتعمق

تحيتي اليك

عصام

[يــزن]

المقال جدا رائع وأنا بتفق مع حضرتك جدا
والخاتمة فعلا لخصت المقال ومضمونه
رائع كالعادة أ/ أحمد
تحياتي وتقدير وخالص احترامي

[إيلاانا]

طرح رائع أخي منك لكن هناك من أغفل عنهم التاريخ أو لم يعطيهم حقهم
وخلد أمثال هتلر لنفس ما ذكرت أخي
أوافقك الرأي وراق لي طرحك
تحياتي وتقديري لك
حفظك الله
إيلانا

[ahmed 22]

اقتباس المشاركة الأصلية كتبت بواسطة قلـــــــــــــــــم الموضوع بالكامل رائع وتقديري ان له جزء ثاني وهو مجرد تخمين اثرت مقطع وهو يعد الأهم وبالتالي افعالهم لا تنفي تأثيرهم في منحني التاريخ ... اللي اتغير بوجودهم .. واقوالهم هو مؤشر لحقيقة عبقريتهم لحقايق هما كانوا شايفينها ممكن تحصل مستقبلا ... بس اخطأوا في اساليبهم بتصليحها وبالتالي نهايتهم كانت عقابهم .. وخلودهم هو اساس تجربة للبشرية لأسوأ الاحتمالات لما قد يحدث عندما تصنع الشعوب جلاديها ... ويصبح جلاديها .. قادة حسيين تلازم الشعوب كاختلال في عواطفهم تجاه المنطق .. ربما انت اثرت النقاط ووضعتها على هدف محدد وهم الرؤساء والديكتاتوريون أو قادة الحروب وهذا تمثل بالنهاية وترابط على نفوس الشعوب او البشر العادية لكن يا عزيزي. ايضا في خلود من نوع اخر وهو ما خمنت فيه الخلود العلمي لانك وضعت نبذة بسيطه عن تشريعات المستقبل وأتمنى بالفعل يكون تخميني صحيح ابدعت الطرح والتعمق تحيتي اليك عصام

والله بيني وبينك هو ماكنش في النية جزء تاني
بس والله بعد رد حضرتك ...
قريت الموضوع وممكن يكون فيه جزء تاني
يناقش جانب مختلف من الفكرة ...

لأن فكرة الطرح ده في الاصل كان في احد الردود ليا
ونبع من نقاش من اصدقاء في منتدانا القديم
لموضوع كنت عامله اصلا بيكلم عن صلاح الدين _ بطل ام مزيف _
بس بسببهم قدرنا نخرج بالنقاش لابعاد مختلفة
وزوايا جديدة ... وممكن يتعمل بالنقاش اللي دار بينا هناك
اكتر من موضوع وفكرة ...

اعتقد ان شاء الله ممكن يكون في حاجة
تكون علي المستوي المقبول
وتنال اعجاب حضرتك
وتكمل فكرة الجزء التاني من ردك
بس الوقت يخدمني بس ..

سعيد بحضورك الراقي
وكل التقدير لشخصك الكريم

[ahmed 22]

اقتباس المشاركة الأصلية كتبت بواسطة يــزن المقال جدا رائع وأنا بتفق مع حضرتك جدا والخاتمة فعلا لخصت المقال ومضمونه رائع كالعادة أ/ أحمد تحياتي وتقدير وخالص احترامي

الروعة في حضورك اكيد يا يزن
ولرأيك كل الاعتزاز والتقدير ..

احترامنا لشخصك الراقي والمميز ..

[ahmed 22]

اقتباس المشاركة الأصلية كتبت بواسطة إيلاانا طرح رائع أخي منك لكن هناك من أغفل عنهم التاريخ أو لم يعطيهم حقهم وخلد أمثال هتلر لنفس ما ذكرت أخي أوافقك الرأي وراق لي طرحك تحياتي وتقديري لك حفظك الله إيلانا

سعيد بحضورك المتميز ..
وان الموضوع قد راق لكٍ ..
ولشخصك الراقي كل التقدير

[قلـــــــــــــــــم]

اقتباس المشاركة الأصلية كتبت بواسطة ahmed 22 والله بيني وبينك هو ماكنش في النية جزء تاني بس والله بعد رد حضرتك ... قريت الموضوع وممكن يكون فيه جزء تاني يناقش جانب مختلف من الفكرة ... لأن فكرة الطرح ده في الاصل كان في احد الردود ليا ونبع من نقاش من اصدقاء في منتدانا القديم لموضوع كنت عامله اصلا بيكلم عن صلاح الدين _ بطل ام مزيف _ بس بسببهم قدرنا نخرج بالنقاش لابعاد مختلفة وزوايا جديدة ... وممكن يتعمل بالنقاش اللي دار بينا هناك اكتر من موضوع وفكرة ... اعتقد ان شاء الله ممكن يكون في حاجة تكون علي المستوي المقبول وتنال اعجاب حضرتك وتكمل فكرة الجزء التاني من ردك بس الوقت يخدمني بس .. سعيد بحضورك الراقي وكل التقدير لشخصك الكريم

أشكرك أستاذ احمد على نبلك

وفي انتظار الجزء الثاني لانك

اثرت نقاط هامة في مفصل التاريخ

تحيتي اليك وخالص تقديري اليك

عصام

[ريم شربيني]

مشكوووووور والله يعطيك الف عافيه