يارب توبه بقلمى

[fanaa]

أنا مش نبى يرمى العصا
يلقى الذنوب صبحت سراب
انا عبد ياما كتير عصى
واتمنى يبقى فى يوم تراب
ولا كنت يوم عيسى المسيح
أشفى الهموم من كل روح
داير فى موج زى الغريق
فتتمنى روحى سفينه نوح
داير بخبط ع اليالى السود
ولا حتى شوفت فى
مره نجم داوود
العتمه غلبت روحى يا الله
وأنا عبد كان كافر بكل وجود
أنا عبد ناكر للنعم
وطريقه كان كله سدود
مغرور ورافض حكمتك
عدت ذنوبه بيه الحدود
بستأزنك
تاخد بإيدى من الضلال
حررنى من سجن الغلال
عشمان أنا رغم التلال
من الذنوب فى رحمتك
عشمان فى رحمه حضرتك
ومحبتك
يارب توبه من الذنوب
ببكى وليك قلبى يتوب
أنا يعنى لو هبعد بعيد
هبعد لفين
طب مأنت أأقرب م الوريد
وأنت السميع وأنت المجيب
فأقبل يارب التوبه من قلبى الجبان
نفسه ذنوبه تخف لاجل فجره يبان
ويشق ليل مد حباله جوه دمى
كتف وصالى بيك وقفلى البيبان
يارب توبه من الدنس
يارب كون ليا الونس
يارب ماترد الامل دأنا العشمان
aya yousef

[*فجر الاسلام*]

عشمان فى رحمه حضرتك

ومالناش غيره نعشم فيه يغفرلنا ويرحمنا
ماشاء الله قمه فى الروعه
نورتى ماتحرمناش من ابداعك
تحياتى

[دمعه حائره]

امين يارب العالمين
كلمات رائعه تسلمى آيه

[روح الروح]

اللهم ما استجب لعظمه
مانثرت هنا ايه
تحياتى لك
دومت بود وتقدير

[فداااااااااااء]

اللهم امين

رائعة يا فناء
دام قلمك نابضا مبدعا
واسعدك الرحمن
سلمتى يا قمر

[قلـــــــــــــــــم]

اللهم عفنا واعفو عنا

أجدت الكتابة والمعنى والمغزى

تحيتي اليك وتقديري

قلم

[احساسى صحيح]

اللهم امين يا رب
ربنا يتقبل منك
وعودا حميدا يا بنت والدى
كل سنة وانتى طيبة

[ahmed 22]

نص رائع جدا ...
عندك موهبة جميلة ما شاء الله ..
حاجة فخيمة بجد ..

فتتمنى روحى سفينه نوح
داير بخبط ع اليالى السود
ولا حتى شوفت فى
مره نجم داوود

بس ليه بقا معلش يعني استحمليني ههههههه
حسيت أنك عاوزة تقحمي الجملتين دول في وسط النص بالعافية
كسرتي الرتم السريع اللي كنتي داخلة بيه القصيدة ..
وخصوصا في البداية وانتي لسا بتبنيه وحتي ممكن تكمليها من غيرهم
او تستبدليهم بكلمات تجاري النص ..
صحيح حلو أنك تقدري تنسجي قطعة فيها اسماء ولو خصوصا انبياء
بعلامات مميزة وكدا في حياتهم من خلال النص وتربطيهم ببعض ...
بس حاسس انك استعجلتي وكان ممكن تخليها بشكل افضل ...
وممكن تعدليها حاليا لو شايفة انها محتاجة تعديل ..
لأن ده اولا واخيرا رأيي الشخصي .. ممكن تاخدي بيه او لا ..
. .. وبرضه نجم داوود دي مش واضحة اوي ..
حاسس انها مش في المكان الصحيح من النص ..او مالهاش مكان عموما فيه ..

هي كدا كدا طبعا القصيدة ممتازة ..
بس كانت ممكن تكون اكتر من الممتاز ..
بالتوفيق يارب .. ودايما في رقي ..

[Lamees]

رائعة جداً يا اية
ربنا يرحمنا جميعاً

[fanaa]

اقتباس المشاركة الأصلية كتبت بواسطة *حنايا الفجر* عشمان فى رحمه حضرتك ومالناش غيره نعشم فيه يغفرلنا ويرحمنا ماشاء الله قمه فى الروعه نورتى ماتحرمناش من ابداعك تحياتى

متحرمنيش انتى من مرورك ياسكره نورتينى