ليه مش بناخد اللي بنحبه ؟!

[احساسى صحيح]

الحقيفة انا عجبنى رأى منه جداََ
اهم حاجة التفاهم بين الاتنين
واكيد لو فيه حب هيكون فيه تفاهم
لأن إللى بيحب بصدق، بيكسر اى حاجز نفسى وبيحاول يقرب اكتر
للى بيحبه ويمكن لو شاف سلبياته بيتغاضى عنها لأن مفيش انسان كامل .
بالنسبة بقى لنقطة الاهل اكيد انا متفق مع رأى اخى عصام فى نقطة إن الزمن اتغير والماديات طغت والخوف والحرص اصبح اكبر من ذى قبل
ولكن بالعموم انا اتعاطف مع رأى محمد عادل فى نقط كتير
يمكن تكون اهم من الماديات بمراحل .. ودا بالنسبة للاهالى
إللى عندهم نضوج وخبرة فى الحياة وبُعد نظر
مفيش اب مش عايز لبنته احسن شاب فى الدنيا
ولكن إذا اردت ان تطاع فأمر بما يستطاع
اكيد مفيش اب هيلاقى زوج متكامل لبنته من كافة شىء
ولكن الاباء لازم يكون عندهم بعض المرونة ولا يرفضون من على الابواب لمجرد إن الشاب طرح إمكانياته وكان صادق معاهم ومع نفسه
ولم يخدعهم واتى البيوت من ابوابها
لازم الاب عند تقدم الشاب بيشوف رأى بنته مبدئياََ
او بيكون عنده خلفية طالما فيه حب متبادل ما بينهم
لازم يقعد مع الشاب اكتر من مرة ويتكلم معاه كتير ويشوف اراءة فى الزواج وتفكيره فى المستقبل ويطمن لاخلاقه ويسأل عن اهله
ويربط موافقته بالوقت والسؤال واخد المساحة فى البت بالرفض او القبول
وهنا فى مسؤلية بتقع على البنت فى التيسير على اهلها وقبولها
انها تتخطب او موافقتها على الشاب بعيدا عن الشكليات او الماديات المرهقة للشاب فى مقتبل حياته العملية ..
الموضوع مهم جدا ويعتبر موضوع الساعة بالنظر للوضع الاقتصادى الحالى للبلد ..
ربنا يوفقك يا محمد وييسر لك الصعب ..

[دمعه حائره]

اقتباس المشاركة الأصلية كتبت بواسطة muhammad_adel ماشاء الله ربنا يحميهم ويباركلهم فى اولادهم ياريتها كانت بالفلوس مكنش حد غلب كان كل واحد اشترى اللى بيحبه وخلصنا ولاهى بالحب كمان هى بالتكافؤ والتفاهم الحب عاوز قوة وسند يحمية يقف قصاد الظروف والعادات تكافؤ فى التربية والعادات بين الولد والبنت والعيلتين زى مانت شوفت قصص حب ضاعت بسبب التحكم من الاهل انا شوفت جوازات عن حب انتهت بسبب العناد وعدم التفاهم الجواز ده مسؤوليه كبيرة مش اى حد يقدر عليها محتاج راجل بجد يفهم فى الاصول والاحتواء وبنت تستحمل وتكون ام وحبيبة وصديقة عشان قصة زى دى تكمل لازم الاتنين يكونوا شبه بعض اوى فى قوة الحب والدفاع عنه يكون عندهم هدف يسعوا ليه يتحقق وجود الهدف وقوة الارادة هم سبب النجاح اللى شوفته دة نختار صح فى الاول واللى مش قد الحب يقولها فى البداية على رأيك تسلم وربنا يرزقك بزوجة صالحة تصونك وتكمل معاك المشوار ............ اللهم آمين يارب يا منه عجبني ذكرك للتكافؤ والتفاهم درسنا دا في الفقه الميسر وكنت هتكلم عليه الا اني لقيت الموضوع طال ..كلامك صحيح جداً طبعا ومقتنع بيه عن بكرة أبيه ^^ , بس ليه بالرغم من كل ده بيفضلوا يعقدوا الأمور واغلبهم بياخد الموضوع بشكل مادي بحت ؟! دا كان سؤالي واستغرابي لو فيه كفائه وتفاهم والشخص كويس ومستعد ليه بنعقدله الدنيا ؟! ^^ ,,, اللهم آمين يارب , ربنا يتقبل منك , ويسعدك في الدارين , متشكر جداً .

هو فعلا انا بنيت الرأى ده بناء على مرجعيه دينيه وقرأتها كتير
والتعقديات المادية دى بتختلف من اسرة للتاينه وحسب ثقافتهم وتدينهم
ماهو انت ممكن تاخد اللى عاوزة من العريس وتكتبه وتمضيه على حاجات قد كدة
وبكل ببساطة يدايق البنت لحد ماتتنازله عن كل حاجة انت مش بتحميها بالفلوس
انت لازم تطمن انك بتديها لراجل بجد يصونهاوالرجولة مش بتقيم بالفلوس ابدا
الرسول عليه الصلاه والسلام اتزوج خديجة وكانت اغنى واكبر منه لكن كفته فى الاخلاق عملت توازن
التكافؤ ضرورى اوى فى مستوى الفكر والتربية ومش بس بين الولد والبنت
هتلاقى كل حاجة بقت سهله
ومننساش يسروا ولاتعسروا
شكرا على النقاش الجميل ربنا يوفقك

[Muhammad_Adel]

هي كل الاراء اللي قريتها مقنعة الصراحة
سواء مع او ضد ..

بس الفكرة ان مش كل الجوازات بتبتدي بقصة حب ..
وده الفيصل في أي رأي هيتقال ...

لما يكون في قصة حب مثلا
رأي البنت هو العنين اللي بيشوف بيها اهلها ..
لما تظهر رغبتها والحاحها حتي لو اهلها ماكنوش عارفين ...

لما مايكونش موجود غير صالون بيجمعنا لأول مرة
فاعتقد .. ان الموضوع غالبا لازم هيبقي مشروع استثماري ههههه
الأب بيقدر بنته بكنوز الدنيا طبعا .. والعريس بيفاصل في التكلفة ..
لأن مافيش اللي يجمعهم غير المادة ..
لأن برضه مجتمعنا اتعودنا فيه انه كل بيتجمل للعروسة
والعروسة بتجمل اخلاقها للعريس ..
مابقاش فيه جواب ضمان الصراحة لأي حاجة
كل المظاهر كدابة غالبا ...

والله اعتقد انه هو واقع مجتمع ..
اكتر من اراء بيتمناها كل واحد فينا حسب مكان وجوده ..

........


- ردك بيوضح ان وجهة نظري وصلت لحضرتك .. عجبني تشبيه زواج الصالونات بالمشروع الإستثماري وده في المهر والمؤخر وباقي التفاصيل , بخلاف ان بعد كده ممكن يتحول لحياة زوجيه جميله وناجحه مع الوقت لما يحصل حب وموده بينهم ..
- أوجزت ووضحت ان الفيصل هو اذا كان عن حب أو لا
وان المفترض نتساهل ونكون رحيمين شويه ونسمع رأي المخطوبه .. ودا اللي كنت بتكلم عليه .. وواقع المجتمع دا لو كل واحد فينا بدأ ببيته وبنفسه يقدر يغير من أراء اللي حواليه وتصرفهم بتصرفه هو الأول , لأن اغلب الناس مُساقه ومغلوبه علي أمرهم ومجبرين يعملوا كده ! ودا في حد ذاته عيب ..
نورتني , ومتشكر لوجودك ^^

[Muhammad_Adel]

تعال يا أسد.

انت رجل من الصعيد زي ما قولت يعني من الاخر

لك أصل قوي وزي زمان نقولو جماعة فلان

علوني. ،، حسناو ، بدراوي ، هواري وفي كمان 5 أصول لكن جبت ليك المشهورين

لكل واحده عرف نفس عرف القبيلة ومجلس حق

تاني شيء. ممكن عائلة صحبك في موضوع قديم وبرجوله خدو منهم وفاتوهم اي موضوع مش ضروري دم
لان الرجل الصعيدي بيعبي وما ينساش النقاط الحساسة

وقصة الحب عند العائلات ما بتأكل عيش ومش

نرجع لموضوعنا يا زعيم

الحديث الشريف تنكح المرأة لاربع. هو بيان فقط لاختيار الزوجة الصالحة

فالجمال ،مع الوقت يزول

الحسب ، لا فرق بين اعربي وأعجمي الا بالتقوي والعمل الصالح

المال ، خذوهم فقراء يغنيكم الله. والإفادة في الغني ليس المال. لكن غنى النفس

اما ذات الدين ولحقت بتربت يداك اي تعي الاختيار السليم الصحيح للمرأة
وهو ما استند عليه بقوله تعالي

ولأمةُ مسلمةُ خيرُ من مشركةٍ. ولو أعجبتكم

صدق الحق جل جلاله

اما كل بلد وعزاها وثلاث عربيّات

هذة الأمور كانت جمالية بفرحة الأهل وأصبحت شرط من شروط الجواز

انت وصحبك ابو البنت مش موافق
أكيد تهز طولك انت وهو. ورجالي بشنبات ونسيتو الصح

كبيرك يمشي قبل ما تمشي ويقابل بو البنت
لو البنت بن عمها ولا بن خالها مكملين عليها. لا تصح الخطبة لكم
وذلك لقول رسول الله صلى الله عليه وسلم

لا يخطب احدكم على خطبة أخيه.

صدق رسول الله

وهنا ابو البنت عمل الصح

وزي ما انت قولت هي مش جموسة ولا بقرة

بس انا بحفظ حقوق بنتي. وخاصة في المدن اختلاف عن ابناءنا أبناء الصعيد

بالنسبة ليا لو انا حماك

بالعكس طيب جدا بقف مع اي حد

يمكن عندي العصبية زيادة حبتين

لكن ما أزعل احد ولا ابيت حد زعلان مني ولا أحب الدم غير في الحق

ربي يسعدك ويوفقك ويعطي قلبك الخير عاجله وآجله ويرزقك بالرزق الحسن

.......

جيت اهو ^_^ , اه صعيدي ^^
ليا أصل ونسب قوي ولله الحمد وبعتز وافتخر بده جداً

ومن نعم ربنا عليا اني صعيدي ..

,,
واضح ان حضرتك قارئ عننا , لكن موضوع القبائل كان زمان حالياً اصبح عائلات باستثناء ( الهواري ) مازالوا أشبه بالقبائل مع بعض , اللي موجود منهم اتنين
( السماعنه ) , ( الهماميه ) بينتسبوا لــ ( همام , وسمعان )
ومازال موجود العُرف ما بينا ومجلس الحق , كل مكان علي طريقته .. مش هتعمق لأن دا مش موضوعنا ذي ما حضرتك ذكرت ^^

,,
أنا واحد من الناس اللي بتعبي ومبتنساش ودي أول مره أعترف بيها عندنا بنقول عليه ( زي الجمل بيعبي من جواه ومش بينسي ) ويمكن لما طفح الكيل كان سبب في اني اطرح الموضوع للنقاش ^^
صحيح الحب عند العائلات مبيأكلش عيش يا استاذ عصام
ودا لأنهم اما محبوش اساساً ودا صعب شويه لأن كل الناس حبت !
واما حصل انهم بعد ما حبوا ما طالوش ! ودا بينتج عنه مع المتعصبين كره لمبدأ الحب ^^ , بيكون حصله عقده نفسيه ياعيني فبطلعها علي بنته أو ولده ^^
ويفضل يديك نصايح ’’ حمضانه ’’ ويحكي عن مُغامراته وانه شاروخان زمانه!

لأن برأيي الناس اللي حبت وطالت او حب وما طالش الا انه غير متعصب او مُتعجرف بِتُقدر الحب وبتكون متفهمه يعني ايه حب ..

,,
الحديث بيان لاختيار الزوجه ماشي , لكني حبيت اوضح ان مالها بيروح لزوجها وأولادها في الأخر لما حضرتك ذكرت ان الراجل بياخدها بتوبها اللي عليها فقط واللي هو شاريه اساساً , التكافؤ في الزواج مقالش كده طبعاً

وانا مش ضد زواج الغني من الفقيره او العكس .. بالعكس خالص ^^
,,
ازاي ننسي الصح بس يا أستاذ عصام واحنا متربيين كوييس

بقولك متعلم وصعيدي وأزهري ^_^ كل ذنبنا اننا بنحب والله العظيم !
في الحقيقه مكنتش اعرف قبل كده ان ده عيب واني لازم اللي اتقدملها ما اكونش شوفتها حتي قبل كده , مع اني محصلش لقاء ولا مره ما بيني وبين اللي بحبها اقسم لك بالله ^^ , ودخلت من الباب هل دا عيب ؟!
, أكيد مش هنخطب علي خطبة حد .. مفيش حد متقدملهم .. صاحبي اللي بحبها بحبها من أول ما وعي علي الدنيا , والدينهم الاتنين متوفيين وهكل واحده مسئله من شخص آخر , وزي ما ذكرت لحضرتك الرفض هو الحب ليس الا ! ^^
,,
ما اهو حق بنتك انا ما اختلفتش عليه أبداً ,, أنا مُختلف مع المُبالغه في المهور , الحاجات اللي بتيجي ورا العروسه ومالهاش اي ستين لازمه , مع اننا نكون مساقين وعلشان بنت فلان ابوها جاب وعمل يبقي نكون مجبرين اننا نعمل لبنتنا زيها علشان شكلنا ميبقاش وحش ونظهر بصوره أقل , مختلف مع ان الأهل ميدوش فرصه لشاب من البدايه ومع الناس اللي مبتاخدش رأي بناتها , مع الأب اللي بفضل اللي هيعيش بنته في عز مش في سعاده , مع الأب اللي بفضل الشاب الغني حتي لو كان صايع عن المتدين .... الخ )
,,
حضرتك مُتفهم , وبالرغم من اختلاف وجهات نظرنا الا اننا مُتفقين في حاجات , تفتكر لو كل أب تفهم وادي فرصه للشاب حتي ولو مُختلف معاه هيخسر حاجه ؟!
,,
اللهم آمين يارب , ربنا يحفظك بحفظه ويسعدك في الدارين , وميحرمناش من دُعاءك أبداً , ولا وجودك الطيب ..

[Muhammad_Adel]

بوص يامحمد في مكان عاداته فرضت علي اهله او هم فرضو مش فارقه شويه اشياء تافهه مالهاش قيمه انا او انت اعتراضنا مش هيغير ده لان للأسف مش احنا بإدينا كده يعني مثلا انا مابحبش الدهب ليه اجيب حفنة دهب وهو يطلع عينه فيها ويداين وانا مش هلبسه ليه نيش وهو مالوش لازمه ليه ليه الف حاجه مالهاش قيمه وبرضو لازم غشان هو كده والناس بتجيب كده وصعب اغير ده لوحدي تاني حاجه قريت ليك رفض بسبب حب فعلا في حالات كتير كده ناس كتير شايفه حب لا ده بعد سياته مايجي ولو قبل يبقوا مش كويسين وازاي ده يحصل مع انه لا عيب ولا حرام ولو اتقدم يطلعو عينه بس دي عقليه وتفكير انتشر وبقي صعب نصحح افكارهم
,,,,,,,,,,,
لا اعتراضنا بعون الله يقدر يغير يا فجر علشان ( إن الله لا يُغير ما بقومٍ حتي يُغيروا ما بانفسهم )
كلامك صحيح وموافقه جداً في المُتطلبات اللي مالهاش لازمه , كلها زينه أصلاً !
لكن لو كل واحد بدأ بنفسه وببيته وأهله ولدأوا يقتنعوا بده فعلاً هيبدأ يحصل تغيير
أعرف شخصياً ناس كتير مجتبوش دهب , وماس تاني راحوا جابوا صيني , ناس تاني جابوا حاجت غير الدهب , تفتكري ايه الفايده نجيب الدهب وبعد شهر العريس يبيعه والعروسه بتوافق ؟!
طيب ليه ام الخساير من الأول ..
,,
هو الحب لا هو عيب ولا حرام طالما بيوطط حسب الطريقه الشرعيه , لكن بدأت أعرف انه بسبب قلة فهمهم وعرفهم وثقافتهم ودراستهم بيكون رفضهم , دا غير الناس اللي حبت وما طالتش فاصبح عندهم كره للحب وبقوا متعصبي ومتعجرفين ^^ وزي ما قولت للأستاذ عصام يفضلوا بقوا يحكوا مغامراتهم الشاروخانيه ويدوا نصايح حمضانه ^^ , أصلهم مش معاصرين ولا معاشرين الشباب كويس
,,
عليهم من الله ما يستحقون ^_^ , ربنا يغير الحال إلي أفضل حال يارب ..

[Muhammad_Adel]

الحقيفة انا عجبنى رأى منه جداََ
اهم حاجة التفاهم بين الاتنين
واكيد لو فيه حب هيكون فيه تفاهم
لأن إللى بيحب بصدق، بيكسر اى حاجز نفسى وبيحاول يقرب اكتر
للى بيحبه ويمكن لو شاف سلبياته بيتغاضى عنها لأن مفيش انسان كامل .
بالنسبة بقى لنقطة الاهل اكيد انا متفق مع رأى اخى عصام فى نقطة إن الزمن اتغير والماديات طغت والخوف والحرص اصبح اكبر من ذى قبل
ولكن بالعموم انا اتعاطف مع رأى محمد عادل فى نقط كتير
يمكن تكون اهم من الماديات بمراحل .. ودا بالنسبة للاهالى
إللى عندهم نضوج وخبرة فى الحياة وبُعد نظر
مفيش اب مش عايز لبنته احسن شاب فى الدنيا
ولكن إذا اردت ان تطاع فأمر بما يستطاع
اكيد مفيش اب هيلاقى زوج متكامل لبنته من كافة شىء
ولكن الاباء لازم يكون عندهم بعض المرونة ولا يرفضون من على الابواب لمجرد إن الشاب طرح إمكانياته وكان صادق معاهم ومع نفسه
ولم يخدعهم واتى البيوت من ابوابها
لازم الاب عند تقدم الشاب بيشوف رأى بنته مبدئياََ
او بيكون عنده خلفية طالما فيه حب متبادل ما بينهم
لازم يقعد مع الشاب اكتر من مرة ويتكلم معاه كتير ويشوف اراءة فى الزواج وتفكيره فى المستقبل ويطمن لاخلاقه ويسأل عن اهله
ويربط موافقته بالوقت والسؤال واخد المساحة فى البت بالرفض او القبول
وهنا فى مسؤلية بتقع على البنت فى التيسير على اهلها وقبولها
انها تتخطب او موافقتها على الشاب بعيدا عن الشكليات او الماديات المرهقة للشاب فى مقتبل حياته العملية ..
الموضوع مهم جدا ويعتبر موضوع الساعة بالنظر للوضع الاقتصادى الحالى للبلد ..
ربنا يوفقك يا محمد وييسر لك الصعب ..
,,,,,,,,,,,,,
ايه الجمال ده ^_^

- عجبني جدا ردك في نقاط كتير واللي لو فعلاً سرت وكملت عليها بعد كده يبقي يا بخت بناتك بيك بعد كده , لأنك هتكون بمثابة رزق ليهم ^^
,,
مش كل أب والله حابب الخير لبنته يا ياسر لأن فيه أباء وانا أسف في اللفظ بتبيع بناتها ميهمهوش اذا كان اللي متقدم دا مُتدين ولا تعليمه عالي مثلاً , المهم الفلوس ! ,, بيفضل الشاب الغني !!
دا ناتج عن قلة فهم طبعاً منه وعدم تعليم وثقافه كافيه ..
ودول اللي بيجبروا بناتهم علي الزواج من اللي هو بيختاره وشايف انه الأنسب ليها , ويقنعها ان الحب مبيأكلش عيش ^_^
,,
السنه دي بسبب الحالات اللي اتكلمت عنهم وكانوا السبب في طرح الموضوع لاحظت حاجه مهمه جداً ان بنات كتير مبيكونش وليها هو أبوها , بيكون متوفي أو مش موجود ومسئوله من أخوها أو عمها أو حد تاني من أهلها

واللي بيكون مفكر نفسه أبو العريف ويبوظ الدنيا !
,,
أسعدني جداً والله تواجدك وردك هنا ^^
لو فيه منشن في المنتدي كنت منشنتلك من البدايه ^^
دُمت بود وحب وعطاء ^^

,,
اللهم آمين يارب , ربنا يوفقنا جميعاً وييسر امورنا للخير .

[*فجر الاسلام*]

تفتكري ايه الفايده نجيب الدهب وبعد شهر العريس يبيعه والعروسه بتوافق ؟!

ههه انا قولت كده الف مره لكن لا حياة لمن تنادى
لازم سمعتها الف مره لازم يتجاب طب يا جماعه نقلله لا برضو
انا اقول براحتى وهم هينفذوا برضو ^___^ لان مش انا اللى هقعد اقول هاتوا وماتجبوش
الموضوع معقد والعادات صعب اناه تتغير خصوصا لو فى الارياف والمناطق الشعبيه
...
لا الحب حرام وعيب انا بقولك اللى بشوفه واسمعوا
الحب بعد الجواز او ف الخطوبه
ولو حب مابيطلش زى مابتقول وياخدوا حد تانى والطلاق يزيد
فى لحد دلوقتى اباء بيجوزوا بناتهم وهم رافضين العريس لمجرد انه عاجبهم هم
وتطلق وتقعد جمبهم

[Muhammad_Adel]

ههه انا قولت كده الف مره لكن لا حياة لمن تنادى
لازم سمعتها الف مره لازم يتجاب طب يا جماعه نقلله لا برضو
انا اقول براحتى وهم هينفذوا برضو ^___^ لان مش انا اللى هقعد اقول هاتوا وماتجبوش
الموضوع معقد والعادات صعب انه تتغير خصوصا لو فى الارياف والمناطق الشعبيه
...
لا الحب حرام وعيب انا بقولك اللى بشوفه واسمعوا
الحب بعد الجواز او ف الخطوبه
ولو حب مابيطلش زى مابتقول وياخدوا حد تانى والطلاق يزيد
فى لحد دلوقتى اباء بيجوزوا بناتهم وهم رافضين العريس لمجرد انه عاجبهم هم
وتطلق وتقعد جمبهم

.......................


صعب العادات تتغير بس لو فيه اتفاق ما بينا ايه المشكله اننا منعملش زي حد ^^

هههههههههه عارف انا الفئه دي من الناس الحب بيجي بعد الجواز ^_^ ما هم دول بتوع النصايح الحمضانه اللي كنت بقول عليهم

هو احنا بقي عندنا أكبر نسبة طلاق في العالم من قليل !!
ربنا يهدي يارب