ازيك يا وطن

[قلـــــــــــــــــم]

ازيك يا وطن

اخبارك انقطعت من زمن

مش عارف مين ال عايشن

مين فى ترابك أدفن

وجوه غريبة ميت لون

ال يتكلم بالحق يتسجن

صباحو جنيه فله يا وطن

تتطبل وترقص ولا تنسجن

فله الحياة من غير شجن

تعليم

صحة

مية. وكهربا

مهو المواطن دا كنز للوطن


صباحو عسل يا بن الجيران


ادفع علشان نأكل الجعان


نعالج المرضى من السرطان


وادفع وراح أحوش لك للزمان

ولا أقولك راح أسفلت القطران

يا خسارة يا وطني يا ام البلدان

كنت بتدي وتصرف على كل البلدان

اليوم بتنشرها بالعلن انك فقير وجعان

اعلان ممول كورة رقص فلوس للفنان

وابن البلد على الرصيف يموت جعان

صباحو عسلية يا وطن

همسك الصجات

هطبل في الاعلام

لو ده مطلوب علشان ما نمش جعان

او أتعالج زي ولاد الأكابر بالمجان

مسائو عنب بعصير الرومان

النعمة غليت والموظف غلبان

شوية فكة بيدفعهم ابن الفنان

الف

ألفين ويمكن ثلاثة كمان

راتب موظف طول الشهر كحيان

مش عارف يا وطن يمكن انا غلطان

العيب فيك ولا في ولاد الحفيان

أقولك انا حيران زهقان

علشان اراضيك وأطبلك هخون المواطن الغلبان

سلام مربع كامل الألحان

لوطن تعيش فيه حيران

تقول الحق يقولو عليك اخوان

تسكت تموت من الشر جعان


سلام يا وطن يا سيد الاوطان


سمعني الجمهوري طفل مريض مات فطسان


2018/08/24


قلم

[دمعه حائره]

اصبح وطن الاغنيا بس والفقير انعدم والمواطن بيصرف على الحكومة
كلمات فى الصميم بتحكى واقع أليم تسلم استاذنا

[روح الروح]

ازيك ياوطن
عارف الغليان طول عمره غلبان
من الفراعنه لحد الآن
ازيك ياوطن
الشقيان بيفضل تعبان
فى كل عصرو اوان
ازيك ياوطن
ابن الحسب لوغلط فوق الرأس
وابن الغلبان ينداس
يتحاسب لو سرق فجله
أو قلم رصاص
أخرس انت بن كناس
ازيك ياوطن
فى قلبى كتير وساكت
بس الفقير طول عمره مداس
ا
معلش مستاصداك يا قلم ههههههه
دام عبق قلمك الجميل في كل الألوان

[fanaa]

أذيك ياوطن ...
أذيك يا نجمى العالى
اذيك فى سود الوانى
فصول موتى على الضفين
بتكتب عن حياتى معاك
وبرغم انى ماشوفت حنين
لساك غالى فى قلبى مُناك

..............................................
عمر الوطن ماكان ليه عيوب..
العيب ف جشعنا وطمعنا
جميل ما نثرت استاذى
♥

[قلـــــــــــــــــم]

اقتباس المشاركة الأصلية كتبت بواسطة دمعه حائره اصبح وطن الاغنيا بس والفقير انعدم والمواطن بيصرف على الحكومة كلمات فى الصميم بتحكى واقع أليم تسلم استاذنا

ربي يكون في عون اغلب الشعب وخاصة محدودي الدخل والنَّاس ال عايشة على رواتب الضمان ال عدمها أفضل بجد حال صعب

أشكرك استاذة منة

تحيتي اليك وتقديري

عصام

[قلـــــــــــــــــم]

اقتباس المشاركة الأصلية كتبت بواسطة روح الروح ازيك ياوطن عارف الغليان طول عمره غلبان من الفراعنه لحد الآن ازيك ياوطن الشقيان بيفضل تعبان فى كل عصرو اوان ازيك ياوطن ابن الحسب لوغلط فوق الرأس وابن الغلبان ينداس يتحاسب لو سرق فجله أو قلم رصاص أخرس انت بن كناس ازيك ياوطن فى قلبى كتير وساكت بس الفقير طول عمره مداس ا معلش مستاصداك يا قلم ههههههه دام عبق قلمك الجميل في كل الألوان

عارف آخرتها

هكبر دماغي ههههههههه بدل ما اتحبس


أشكرك. استاذة سمسمة

تحيتي اليك وتقديري

عصام

[قلـــــــــــــــــم]

اقتباس المشاركة الأصلية كتبت بواسطة fanaa أذيك ياوطن ... أذيك يا نجمى العالى اذيك فى سود الوانى فصول موتى على الضفين بتكتب عن حياتى معاك وبرغم انى ماشوفت حنين لساك غالى فى قلبى مُناك .............................................. عمر الوطن ماكان ليه عيوب.. العيب ف جشعنا وطمعنا جميل ما نثرت استاذى ♥

الوطن وما فيه بالطبع غالي

ولكن الكفائات النادرة التي تشد بزمام الأمور هي من خربت الوطن

لذلك نلوم على الوطن

فلا وطن بدون مواطنين


أشكرك جزيل الشكر

تحيتي اليك وتقديري

قلم

[احساسى صحيح]

طبعا قلمك الجميل الساخر
غطى اغلب معاناة الناس

وببساطة شديدة تصل القلوب بسهولة
دمت منبع الابداع اخى عصام
تحياتى وودى وتقديرى ..

[*فجر الاسلام*]

رغم انها مكتوبه بطريقه ساخره
بس كلها جت ع الوجع ومافيش اكتر من الغلابه
الله المستعان
تسلم ايدك

[Muhammad_Adel]

علشان اراضيك وأطبلك هخون المواطن الغلبان .. تقول الحق يقولوا عليك إخوان
,,
زي ما ذكرت منه , وياسر
كلام كله في الصميم , غطي أغلب المُعاناه اللي بقينا بنعيشها جميعاً !
بتلمس القلب بسهوله ,
قرأت قبل كده انه عندما يشتد الظلم ويصل الي ذروته فهذا معناه ان نهاية الظالم اقتربت !
وربنا قال (( قُل من كان في الضلالة فليُمدد له الرحمان مداً )
عليهم من الله ما يستحقون ,, مازلت أذكر موقف سيدنا عُمر اللي قرأته وانا صغير لما قال :-
لو عثرت بغلة في العراق لسألني الله تعالى عنها .. لِمَ لم تُمهد لها الطريق يا عمر !
ولهذا كان المُسلمين أعظم أهل الأرض وقتها ..
..
جميل وصفك الساخر لمعاناتنا يا أستاذ عصام .. دوام الإبداع يارب ^^