🚫التيتانوس🚫

[Magic Dreams]

#كلمتين_يهموك
هنتكلم النهارده عن :
#مرض_الكزاز
طبعا مستغرب الاسم 😯
الكزاز هو المرض اللي بتسببه بكتيريا التيتانوس↙

🚫التيتانوس🚫

👈عاوز اقول لحضرتك أن ميكروب التيتانوس عبارة عن بكتيريا موجوده غالبا في أماكن مختلفة زي التربة العادية وخصوصا الأراضي الزراعية وبالأخص أماكن تواجد المواشي وبتكون موجوده برضه في الحاجات القديمة او المركونة واي أدوات معدنية ملوثة بالميكروب وفي لعاب الحيوانات
والبكتيريا دي اسمها العلمي
Clostridium tetani:
(G +ve spore forming anaerobic bacilli)
خلي بالك قلنا G+ve anaerobic ماتنساش😌ركز ياساجط😀

👊وبكده المسمار مش هو السبب الوحيد للاصابة بالتيتانوس ياعم الحاج ...
يعني ممكن لو ازازة عورتك او حتة بلاستك من الشارع او ما بين المدمنين اللي بيستخدموا حقن ملوثة وحتى ممكن ف العمليات اللي مش خاضعة للتعقيم الكافي او عضة حيوان او اي جرح لأي سبب ممكن يكون الجرح ده سبب في دخول ميكروب التيتانوس لجسمك ومش شرط يكون المسمار مصددددددددي😤

👍طيب لحد كده كويس ...لكن فعلا لازم مايعديش 6ساعات على الجرح علشان ناخد حقنة التيتانوس؟
..بص يا كبير الكلام ده الافضل كل ما كان أسرع انك تاخد الحقنة يكون احسن لكن لو عدى 6 ساعات او كنت في مكان بعيد مثلا وعدى يوم بحالة او حتى اكتر لازم تاخد الحقنة لأن فترة حضانة الميكروب في الجسم من 3 لحد 21يوم ...
👈لو الميكروب ده دخل جسمك بيفرز مادتين واحده اسمها
▫Tetanolysin
ودي من اسمها lysin بتعمل تلف للانسجة ..
و ممكن يعمل تلف للأعصاب
▫tetanospasmin
ودي من اسمها spasmin بتعمل زي تقلص عام ف العضلات وتشنجات وتوصل للصرع ...
وممكن توصل لشلل وتوقف بالتنفس وممكن يسبب الوفاة ببساطة 😔
لكن معدلات الوفاة حسب كلام منظمة الصحة العالمية بينخفض يعني عندك مثلا 275 الف حالة وفاة سنة 97 ..لكن ف سنة 2011 ...14 الف حالة ...والرقم ده قل جدا السنة اللي فاتت ..

💡يعني حوار (الست ساعات) بلسان السادات ☺ ده مش شرط
..ونسيت اقولك أن لو الجرح نزل دم او كويته بالنار فده مايمنعش انك لازم تاخد حقنة برضه😀هتاخدها يعني هتاخدها

💉لكن حقنة التيتانوس (tetanus antitoxin ) دي لازم قبل ماحد ياخدها بيتعمل له اختبار حساسية....
طيب سؤال كده يا د رؤف ؟
اتفضل يا سيد الناس👐
لو الشخص ده طلع عنده حساسية من الحقنة دي ايه الحل؟؟؟؟
الحل هنا بيحتاج تقييم للحالة والمفروض الشخص يكون تحت الملاحظة وبالمنسبة للمضاد الحيوي المناسب (G+ve anaerobic)فااااكر؟
▫الأول كانوا بيكتبوا البنسلين ممتد المفعول وكان هو ال drug of choice
🔹penicillin G
لكن وجدوا ضرورة استخدام ال
🔹metronidazole
ويعتبر هو الdrug of choice ...
وantibiotics تانية زي
▫tetracycline
▫clindamycin
▫chlramphenicol.

🙎🙋نسيت أقولكم أن الاطفال لحد 10سنين مش ضروري ياخد تطعيم التيتانوس لو حصل جرح لأنه اخد التطعيم غالبا على 3مراحل وهو صغير ولو اخد مافيش مشكلة وربنا الشافي.....
شكرا قسم الميكرو

[قلـــــــــــــــــم]

اولا كل عام وانت بخير وعقبال ال 100عام

بالفعل التيتانوس ده خطر وبيشكل خطر على المهمنين او زوي الحرف

أشكرك على موضوعك الهادف الجميل

وما فيه من توعيه

تحيتي اليك وتقديري

عيد ميلاد سعيد

قلم

[Abdallah]

موضوع قيم و مفيد جدا
تسلم و جزاك الله خيرا .

[د/ عبد الله]

تمام..تسلم للإفادة
لكن نقطة ان التتراسيكلين والكلينداميسين والكلورامفنيكول بتأثر ع الكلوسترديا جديدة عليا.
نبحث فيها بقى

[Muhammad_Adel]

التيتانوس ^_^ وليله كبيره ساعتك ^_^
اسم المرض جميل ياخي ^(^ ينفع اسم محارب اسطوري !
,,
موضوع مفيد جداً وقيم , استفدت منه بمعلومات كتير قوي
ربنا يجعله في ميزان حسناتك
عاااااااااش يا دكتور بجد

[Aya 7ekaya]

موضوع قيم
تسلم ايدك على المعلومات

[حـيـــــآة ❤]

ربنا يحفظنا يارب
تسلم ادوك

[*فجر الاسلام*]

ربنا يسترها عليا ويبعدنا عنه
تسلم على المعلومات

[شاعرة الرومانسيه]

منور يادكتور
بيتك ومطرحك
تسلم ايديك