انت وانا بقلمى

[fanaa]

الغيمه مهد
وأنا قلبى كان لسه صبى
أخدتله عهد
أنه يكون عاشق غبى
قفل حواسه عن الحياه
داير يلف يقول مدد
كانت عينيك بر ونجاه
كانت كذكر مالوش عدد
شوفتك أمل
راجع بيزرع فيا أرضى البور
لجل ما يطرح فيا ورد العيد
شوفتك بتحدف فيا خيط النور
بيبدد العتمه فى كل وريد
كان قلبى فرحان بل جد
مهو قلبى عمره ماكانله حد
غير تفاصيل الالم
بس انت جيت زى القلم
فلقتنى سطر !
مستنى فيه حلم أتهدم
أنك تعيده من العدم
مستنى يغرق بين ايدك
فى حبر بحر !
شوفتك ملاذ
شوفتك ايجاز
لكل كلمات البشر
بس الحقيقه كات سكوت
يا نجم فرحان بالسما
أنا ورده مدفونه بتابوت
كانت بتبكى ع الرحيل
أنت وأنا
والا مابينا المستحيل
aya yousef

[قلـــــــــــــــــم]

نص جميل بمفردات متناقضة

تحيتي اليك وتقديري

قلم

[*فجر الاسلام*]

مستنى فيه حلم أتهدم
أنك تعيده من العدم

^___^
انتى جميله وكلامك بحبه اوى
ربنا مايحرمنا من تواجدك

[يــزن]

الله ع الجمال نص برغم ما يحمل من ألم لكن التشبيهات والصور الجماليه
جعل من النص لوحة بألوان زيتية تدهش القارئ
ودي وباقة ورد

[روح الروح]

حواسك كلها اللى بتكتب
يا فنانه الحرف
تحيه عطره منى لا تنتهى

[دمعه حائره]

الله على جمالك ورقتك فى العتاب
كلمات فى منتهى الجمال تسلمى

[فداااااااااااء]

جميلة جدا فناء
كلمات واحساس رائعين

يدوم رقيك يا قمر

[ياسمينة ❤]

احساسك وكلماتك جميلة جدا

تسلم ايديكى

[w7dane]

الله عليكِ مبدعة

هذه المقطوعة موسيقاها ممتعة

و اعجبني تناغم الحروف هنا

دامت لكِ السعادة .

[fanaa]

اقتباس المشاركة الأصلية كتبت بواسطة قلـــــــــــــــــم نص جميل بمفردات متناقضة تحيتي اليك وتقديري قلم

من بعض ماعندكم استاذ عصام
لا تحرمنا مروركم