مجرد تنفس

[قلـــــــــــــــــم]

انا وانت فهمين اللعبة يا زعيم

عارفين ان الشعب فقير مسكين

يدوب اخر الشهر يلم ف الملاليم

من قلة اللحم بردت السكاكين

عارفينك بتبني وترمم في القديم

بس المواطن غلبان ضايع حزين

خليك على الفوق شوية ده السليم

خلى ال تحت يعيش له يومين

الدروس الخصوصية بالتعليم

تقسم الوسط تشوي الجنبين

صحة تعبانة محتاجة تقويم

والعلاج غالي الطق طاقين

خليك لارج وبلاش دور الحليم

بصراحة فهمينك بتقلد مين

لا انت هو ولا هو كان زعيم

خَلّفِتْكْم هبلة بيوم مطمين بطين

من يوم ال بتقلده وحالنا عديم

باع هو السودان وانت بيع شلاتين

قسمة العدل علشان تكون زعيم

بعد تيران وصنافير بيع كمان حتتين

بلاش تمثل بكلمتين دور الزعيم

الحياة مش دايمة يا ابو السلاطين

اعمل للآخرة يوم تقبل ربنا العليم

شبرين في الارض يا سيد المعلمين

دعاوي وهتلاقيها من صحاب الملاليم

لا هينفعك وزير ولا مشير بسفين

انا وانت فهمين اللعبة يا زعيم

ولادنا في الغربة عايشين مدمرين

سفير يقبض اخضر وولادنا ملاليم

كفيل بعقال يدفعه في الشهر مرتين

سلامي يا جنرل أسف يا زعيم

كريزمتك قدمت والشعب حزين

بص شويه للشعب متبقاش لئيم

المواطن بنك لا دا يدوب عايشن

فوق قبل فوات الاوان اهتم بالتعليم

الجهل زاد والبركة في السادة الممثلين

وجهة بلدنا المشرفة بالبعثات يا زعيم

شوية ممثلين حتى لغة عربية مش فهمين

سلام يا ابو مصطفى معلش يا زعيم

وآسف نسيت السجن متعبي مظلومين



مجرد تنفس

قلم

[.Lamar]

صراحة كلامك كله مضبوط اخى
عن نفسي حاسة انه لا يصلح
مبحبش الناس اللى كل همها الكرسى
و لو على حساب اى حاجة بس توصل
و هو كداب من يومه
و مفتكرش وعد مرة ووفى بوعده
غير ان حال الناس من سىء لاسوأ
مفتكرش جه علينا عصر زى اللى عايشينه
جوع و فقر و جهل و مرض و ظلم
و الناس ربنا يكون فى عونها
سالت كتير و بسأل تانى
انت مش قد حاجة ماسك فيها ليه
يوم الحساب هتقول ايه لرب العالمين
عن كل واحد اتظلم
الكلام فعلا مش هيخلص غى الموضوع دة
اصبت جرح نازف اخى
اجدت التعبير
تحياتى يسبقها تقديرى

[دمعه حائره]

اه والله السجن مليان مظاليم
والشعب بقت عيشتةطين
بس هكلم وتقول لمين
ده ودن من طين والتانيه عجين
صح لسانك اخى احسنت وابدعت
والله المستعان على اللى احنا فيه

[قلـــــــــــــــــم]

اقتباس المشاركة الأصلية كتبت بواسطة .lamar صراحة كلامك كله مضبوط اخى عن نفسي حاسة انه لا يصلح مبحبش الناس اللى كل همها الكرسى و لو على حساب اى حاجة بس توصل و هو كداب من يومه و مفتكرش وعد مرة ووفى بوعده غير ان حال الناس من سىء لاسوأ مفتكرش جه علينا عصر زى اللى عايشينه جوع و فقر و جهل و مرض و ظلم و الناس ربنا يكون فى عونها سالت كتير و بسأل تانى انت مش قد حاجة ماسك فيها ليه يوم الحساب هتقول ايه لرب العالمين عن كل واحد اتظلم الكلام فعلا مش هيخلص غى الموضوع دة اصبت جرح نازف اخى اجدت التعبير تحياتى يسبقها تقديرى

بجد استاذة لمار
احنا دخلنا منحدر الخروج منه صعب جدا
ومش مستعجل شهر سبتمبر قادم وليس بعيد

والدولار راح يزيد اكثر من معدله في حالة ما زود الضرايب 8%

يعني المواطن البسيط ازاي راح يعيش

لما واحد يبقبض. فوق ال 50الف ويقول مش مقضينه لان الحياة صعبة

طب المواطن والمهني يعمل ايه بس

الله المستعان وربنا يستر من الجاي

وأتمنى أكون. خطاء.

تحيتي اليك وتقديري واحترامي

عصام

[روح الروح]

الفات كله عارفينه
الجديد باه خَلّفِتْكْم هبلة بيوم مطمين بطين
ههههههه حلوة
باقات الياسمين
لمداد قلمك

[قلـــــــــــــــــم]

اقتباس المشاركة الأصلية كتبت بواسطة دمعه حائره اه والله السجن مليان مظاليم والشعب بقت عيشتةطين بس هكلم وتقول لمين ده ودن من طين والتانيه عجين صح لسانك اخى احسنت وابدعت والله المستعان على اللى احنا فيه

بالفعل يا استاذة منة

في أمور بدت غريبة وال يتكلم ولا يفتح فمه يتلم بدون ادانة

والنظرة الدونية أصبحت امر شائع

وهذا انهيار اخلاقي بخلاف الانهيار التعليمي

تحيتي اليك وتقديري واحترامي

عصام

[قلـــــــــــــــــم]

اقتباس المشاركة الأصلية كتبت بواسطة روح الروح الفات كله عارفينه الجديد باه خَلّفِتْكْم هبلة بيوم مطمين بطين ههههههه حلوة باقات الياسمين لمداد قلمك

جايه تنقي

بشك فيك ههههههههههه يا سمسمة

كانت مستغطية يا باشا


ربي يسلم حضورك

تحيتي وتقديري واحترامي. اليك

عصام

[احساسى صحيح]

ايوة والله اخى عصام
على رأى الصعايدة
والعيشة بجت امطينة بطين


يسلم فكرك الراقى
تحياتى وتقديرى ..

[قلـــــــــــــــــم]

اقتباس المشاركة الأصلية كتبت بواسطة احساسى صحيح ايوة والله اخى عصام على رأى الصعايدة والعيشة بجت امطينة بطين يسلم فكرك الراقى تحياتى وتقديرى ..

فعلا يا أستاذ يا سر
بقت مطينة بطين وهو بيزيد الطين بله

يعني من هنا او من هنا لا شيء يجزي

تحيتي اليك والى تواجدك الراقي الناضر

تقديري واحترامي

عصام