ورود النرجس

[رضا التركى]

قساوتك علمتني ازاي ابقى قاسي

وهجرك خلاني غريب وسط ناسي

يا ترى ايه اللي مستخبي ليه تاني

ما خلاص اتهديت انا من اساسي

كنت دايما بتلاقيني حتى بالاشارة

وانت دايما مجافيني حتى بالامارة

لو سألت دمع عيني هيقول خلاص

انا اتعذبت وبعت الغالي بالخسارة

يا ورود النرجس ونعومة ياسمينُه

يا نسمة عليلة لقلبي وشرايينه

قولولي ازاي انسى وامحي حبه

وقلبي وفكري لسه مش ناسيينه

نسيت اللي بينا وخلفت بوعدك

ونسيت عهودنا عهدي ويا عهدك

اقول ايه تاني يا مجافي روحي

يكفيك بعدي وخسارة اللي ودك

[fanaa]

الله استاذ رضا
كلمات سلسه رغم الالم فيها
تسلم ايديك

[Abdallah]

قصيدة جميلة
تسلم أيديك .

[بقايا عشق]

رغم الوجع بين السطور

الا انها حروف متألقه

وهمسات مميزة

فدمت بهذا التألق

ودام قلبك بكل سعادة

مودتي

[دمعه حائره]

الحب الحقيقى عمره مايتنسى مهما مر عليه ظروف او بعاد
كلمات رائعه تسلم اخى ومنور المنتدى

[د/ عبد الله]

الله يا سيدي
أول مرة اشوفلك حاجة عامية
بس الله ينور...جميل
متحرمناش بقى يا غالي

[.Lamar]

مش بنختار نحب مين و امتى
و لا نقدر نوقف قلوبنا انها تحب
حتى لو الشخص دة مش مناسب
او ميستاهلش الحب دة
و دى مشكلة
تعيش متعذب عشان قلب حتى مش فاكر اسمك

جميلة خاطرتك اخى
و بانتظار المزيد
تحياتى و تقديرى

[Aya 7ekaya]

يكفيك بعدي وخسارة اللي ودك

افضل خساره ل اللى باع انه يخسر و الخسارة بتظهر مع الوقت
كلمات رائعه و اسلوب مميز
تسلم ايدك ويدوم نبض قلمك

[*فجر الاسلام*]

جميله اوى وسهله
تسلم ايدك

[فداااااااااااء]

عتاب محب والكلمات حزينة

سلمت اخى ودام هذا النبض الجميل