برنامج بنقولك ارجع يــا bobaOo

[دمعه حائره]

السلام عليكم ورحمة الله وبركاته
أهلا وسهلا بأعضاء منتدى بنات مصر الغاليين
المنتدى بكل مافيه من ذكريات وأيام عمرها ماتتنسى
سايب أثر فى كل واحد فينا
فيه اللى سجل فيه وهو لسه طالب واتخرج واشتغل
وفيه اللى اتجوز وخلف اولاد
المنتدى عايش وباقى فى كل تفاصيل حياتنا
ومهما غيبنا او بعدنا بيرجعناالحنين لأيامنا الحلوة
وعشان كده فى برنامج بنقولك ارجع
بنفتكر اللى غابوا وننادى عليهم يرجعوا تانى
ينوروا مكانهم وبيتهم من جديد

والنهاردة اختارنا هبه
واحب اقولها ياهبه ارجعى وحشتينا
وحشتنا مشاركاتك وهزارك ووجودك الجميل
ارسلت رسائل لبعض الاعضاء المتواجدين وقتها
وطلبت منهم كلمه ل هبه
واتمنى اى حد بيتواصل معاها خارج المنتدى
يبلغها بالموضوع

bobaOo

مشرفه قسم النقاش

*حنايا الفجر*
بوبا انا عارفه انك هتشوفى الكلام ده لان حياه بتفتح
بس معرفش انتى مش بتفتحى ليه انتى وحشتينى اوى
اتمنى تكونى بالف خير وتفتحى نطمن عليكى
انتى عارفه ان فى موضوع لمدونتى المفضله
بقالوا ييجى سنه ماضفتوش
لانه بيتكلم عن مدونتك وانتى ولا هنا تشوفيه
معرفش صاحبه بيقول عليا ايه دلوقتى
وحشتنا طلتك بجد ربنا يحفظك ويسعدك يارب
بحبك فى الله
*فجر*

Aya 7ekaya
هبه من الناس الجميله يمكن مااتعاملتش معاكى
شخصيا لكن وجودك بيفرق و المنتدى محتاج للاعضاء
اللى كان ليهم بصمه ديما زيك
ارجعى
احساسى صحيح

بوبا دى اختى اللى بأعتز جدا بمعرفتها هى وهاجر
انا فاكر كويس اول ما سجلت كانت من اكتر الناس
اللى شجعتنى بالردود وباسلوبها الراقى
مشوفتش منها طول عمرى اى رد فعل يزعل حد
بالعكس كنت بشوفها بتتقبل الاساءه بالحسنى
بالفعل هبة اكتر واحدة لازم نطالبها ترجع تانى
واقولها حقك على راسى يا هبة لو اى حد زعلك
ونتمنى فعلا نشوفك تانى هنا
انتى روح المنتدى الطيبة والنفس الجميلة
اللى عمرها ما بتشيل من حد
يا رب تسمعى كلام اخوكى الكبير وترجعى تانى ..

جبل عالي
اقولها .... فعلا وحشتينا ووحشتنا لمتنا
اكيد انتى كمان المكان وناسه وحشوكي
تعالى ياهوبه


سهـــر
بوبا كفايه غياب كدا
لو بتختبري غلاوتك عندنا فانتي غاليه اوي والله
مفتقده وجودك في المكان
انتي من الناس اللي كانت بتحس بيا وبغيابي
وعلى طول تسال عني
وحشتينا :/
مستنياكي ^_^
^^khL oUD
هبه وحشتيني جدا جدا
اتمني تشوفي المسدج دي وترجعي م تان
تنوري المنتدي وتبقي وسطينا
مش هيبقي انتي واختك بقي
ترجعيلنا بالف سلامه يارب

Lamees

انا اعتقدت اننا ندخل البروفايل عندها
ونكلمها وعملت كده فعلا هههههه
هبة حبيبتي وحشتينا اوي ومفتقدينك
بجد في المنتدى يا ريت ترجعي يا قمر
اسرتنا مستنياكي

محمد عادل
هبه من الناس الجميله المُحترمه اللي ليهم طباع وشخصيات جذابه ^^ .. أتمني تكوني وأهلك بكل خير
بقولكِ ارجعي لأننا افتقدناكِ .. في المنتدي بشكل عام وفي الصفحات بشكل خاص .. كنت متابع دائم لمدونتك لأنها جميله , لسه حتي فاكر منها مواقف زي لما كنتي بتشتري ’’ كريب أو فطير تقريباً والولد كان مفكر انك سوريه ^ـــ^ ’’ .. ما اعرفش سبب غيابك ايه ؟!
صحيح كل شخص عنده ظروفه ومشاكله وحياته الشخصيه .. لكن أتمني ترجعي تنوري المنتدي والصفحات بكتاباتك من تاني حتي ولو بجزء بسيط من وقتك .. العيله ليها حق عليكي ^^ .. وهنا كل شخص ليه ذكرياته الخاصه واللي أتمني متفرطيش فيها بسهوله وترجعي تحييها من تاني .. يمكن قصرنا بالسؤال إلا اننا بنقولك ارجعي ^^ .. عايز أشوف المدونه منوره قبل ما اروح الجيش ^_^
-------------------------------------------------------------------------------

وفيه اعضاء كتير نفسهم ترجعى
ولما ترجعى هتعرفى بنفسك
اتمنى تكونى بخير وسلامه
فى حفظ الله

[Aya 7ekaya]

بعد الكلام الحلو ده و الناس اللى بتحبها ان شاء الله ترجع تانى وتنورنا
تسلمى دمعه يدوم مجهودك الجميل ووجودك بينا

[قلـــــــــــــــــم]

ال يعرف عنوانها يبعته ليا

ضبط احضار ومخزن يتفرغ جنب رجليها الشمال

تقعد هنا سنه ما تعمل خروج

ارجعي يا بنتي وتقصير الشر ما تعرفيش الاشرار ال هنا ممكن يعملو فيك ايه لو مرجعتيش

وقد اعذر من أنذر

موضوع حلو يا منة

ربي يجعلك سباقة بالخير

عصام

[fanaa]

ان شاء الله هترجع وتنور مكانها من جديد

[ندوشه 2011]

يارب تكون بخير وترجع تنور المنتدي وحشتنا

[Lamees]

هترجع ان شاء الله
تسلمي يا منون

[Muhammad_Adel]

دايماً أنا كده متأخر في كل حاجه ^_^ .. بعت رسالتي لمنه ويارب تتضاف والموضوع يتعدل ^^
...
عجبني كمان فكرة ا.لميس .. إشارة جميله ^^
...
منه دماغك دي ألماظ ^^ .. فكرة البرنامج من أجمل الأفكار اللي شوفتها هنا ان لم تكن أجملهم ^^
ربنا يجعل وجودك دايماً فيه خير وسبب تجمع للناس ومحبتهم .. واحياء ذكريات جميله ليهم ..
..
ان شاء الله تشوف الموضوع وترجع تنور من تاني .. عجبني كلام كل الناس في الموضوع او في الردود , متابع
..
عاش يا منه ..

[شاعر الإحساس]

هبه والله من اطيب الناس اللي عرفتها
واجملهم...انسانه راقيه وخلوقه
ولها تواجد ولاشك مؤثر بالمكان....
بالفعل غيابها طال ومش عارفين السبب ايه...
كل اللي نتمناه ان يكون المانع خير...
وان تكون بخير وصحه وعافيه والاسره جميعا...
وتطمنا عليها بتواجدا الراقي كشخصها...


موضوع جميل منه...ولاشك كعادة مواضيعك
وبرامجك الهادفه المميزه...
وهذا ليس غريب عن شمس المنتدى...
ونتمنى من الجميع ان يعود وان يعطي المكان
جزءا من وقته...


تحياااتي وتقديري واحترامي
دمتم بخير جميعا



شاعر الإحساس

[ايمان طلعت]

هبه من الناس الجميله اللي سوفتها هنا
ياريت ترجعي ولو حتى بجزء بسيط من حياتك
صحابك ليهم عليكي حق بردو
ولو حد زعلك هنا كبري دماغك
فكرة حلوة منون

[سيناا]

ياريت ياريت والله هبوش ترجع والله كانت عاملة أجواء رائعة

وشغلها وتفانيها وبصمتها هنا كانت واضحة

وربي نفسي اضربها كيف هيك انقطعت عنا

الله يسر دربها وين ما كانت