انا كده صح ولا غلط( محتاجة رأيكم)

[ايمان طلعت]

السلام عليكم و رحمة الله وبركاته

عايزة رأيكم

دلوقتي كلنا عارفين ان صلة الرحم واجبة وان قطعها ذنب كبير
طيب لو صلة الرحم دي بتجيب اذى
وصلة الرحم دي شخص تربيتة سيئة
وكل واحد ليه تربية و بيربي ولادة زي ما اتربى

القصة باختصار
ابني وابن عمه وساكنين في بيت واحد
ابن عمة تربيتة سيئة وكتير يجيب مشاكل لابني
الاول كنت بقول انكم اخوات
دلوقتي بقول مالكش دعوه بيه خالص ولا تكلمه

هل انا صح عشان عايزة احافظ على ابني
ولا غلط عشان بقطع صلة رحم

مستنية رأيكم

تحياتي

[Aya 7ekaya]

موضوع شائك ي ايمى ومحير بصراحه
بس رايى الشخصى انه يتجنبه و لو فى تعامل من باب صله الرحم تكون فى الاعياد او اى مناسبه من بعيد كده لكن بشكل علم يتجنب التعامل معاه لو بيسبب له مشاكل
ونورتى من تانى ي ايمى ^^

[Abdallah]

الموضوع واضح جدا تجنب المشاكل أهم
انتى صح لازم تبعدى ابنك عن ابن عمه
مدام تربيته سيئه و سيسبب له المتاعب
اما عن صلة الرحم فيكفى السلام من بعيد لبعيد ،
و زيارات خفيفة فى الأعياد و المناسبات العادية .

[فداااااااااااء]

شوفي يا ايمان انا استمعت لاكثر من شيخ بخصوص الامر دا
بعضهم قال لابد وان تستمر صلة الرحم حتى لو هما وحشين
لكن لو فيها اذى فانا اخد برأى سيدنا عمر لما قال اعتزل ما يؤذيك
وانا مع الرأى السابق تكون الصلة فى نطاق محدد تجنبا للمشاكل

[يــزن]

أنا بتفق مع سابقيا تجنب الصحبة لكن تظل صلة الرحم في السلام
ومشاركة المناسبات في الحدود المسموح بها
اللهم ارزقنا التقى والصلاح
تحياتي

[.Lamar]

شايفة انك صح لان الولاد بيتأثروا جدا ببعض
خصوصا انه فى سن ممكن صعب يقيم الامور صح
لو شافه يسلم عليه
او يقعدوا سوا فى وجودك و متابعتك
تبقى عارفة بيتكلموا فى ايه
بس متضغطيش بشكل ملحوظ
عشان ابنك مش يعاند
سن المراهقة دة مشكلة

ربنا يحفظهولك من كل شر

[قلـــــــــــــــــم]

السلام عليكم ورحمة الله وبركاته

اولا

لا طاعة لمخلوق في معصية الخالق

اتفق أهل العلم على ذلك

لو ان الشخص يثير الفتن مشاغب فيجوز
ولكن لا يجوز قطع صلة الرحم مع والده
فالأخ وهو الزوج يعتبر صلة رحم من الدرجة الاولى
بالنسبة لزوجك
وهنا تقومي بترشيد الشاب او الابن وتكن العلاقة بين الولدين سطحية لا صداقة

موضوع مميز وقوي

[CAN _ 7LM]

الحل بسيط وانتى صح المفروض ما يبقاش بينهم غير السلام وحكم القرابة بس غير كده لكن يبقى قريبين وصداقة وكده بلاش احسن.
ربنا يصلح الأحوال 🙂

[ايمان طلعت]

اقتباس المشاركة الأصلية كتبت بواسطة aya 7ekaya موضوع شائك ي ايمى ومحير بصراحه بس رايى الشخصى انه يتجنبه و لو فى تعامل من باب صله الرحم تكون فى الاعياد او اى مناسبه من بعيد كده لكن بشكل علم يتجنب التعامل معاه لو بيسبب له مشاكل ونورتى من تانى ي ايمى ^^

نورك غاليتي
مهو دة اللي عملتة يبعد من غير قطع الصلة
يبقي في اضيق الحدود
اشكرك لرأيك
تحياتي

[ايمان طلعت]

اقتباس المشاركة الأصلية كتبت بواسطة abdallah الموضوع واضح جدا تجنب المشاكل أهم انتى صح لازم تبعدى ابنك عن ابن عمه مدام تربيته سيئه و سيسبب له المتاعب اما عن صلة الرحم فيكفى السلام من بعيد لبعيد ، و زيارات خفيفة فى الأعياد و المناسبات العادية .

ودة اللي عملته
اشكرك عبدالله لرأيك ولحضورك

تحياتي