fanaa روحى اشوف فيكى يوم

[.Lamar]

صباح الخير عليكوا

صراحة مش عارفة ابتدى منين بس هقول للبت فنا
اشوف فيكى تلات اربع ايام ملونين غامق

دخلت المنتدى الصبح كالعادة و فى موضوع من المواضيع
كان فيه رد لفنا
طبعا مفيش اختلاف ان لها موهبة مميزة فى التصميم
عن نفسي كل حبة اروح اعيط لها تعملى تصميم

المهم بصيت لقيت جملة كتباها على التصميم
)) هم يقولون يا حسين
وانا اقول .. يا طبيب ))

فضلت باصة للصور حبة كتير كدة
ايه دة
البت فنا صاحبتى طلعت شيعية

طب دة مكنش باين عليها
طب دة بجد و لا تهيؤات
و رغم ان العادى اننا نحترم تفكير الاخر
بس انا فضلت افكر طول اليوم فى الموضوع دة
و مش عارفة اسالها هحرجها و ممكن تتقمص

او تقولى دى حرية شخصية مثلا
بس الفضول كان هيموتنى

و دة طبع و امى دايما تقولى
بطلى كدة بس انا مفيش فايدة

المهم روحت لفنا و قولتلها ازيك و كدة
حلو الرمزية بس ممكن تفهمينى معنى الكلام
عشان مفهمتش مين الطبيب فى الموضوع

لقيتها سكتت و اكتب لها و تشوف و متردش
وحرفيا قطعت النفس

طبعا قولت بس دى زعلت و اخدت موقف
و بدات احس انى زى الكتكوت اللى وقع فى المسقة

لحد ما ربنا كرمها و ردت قالت النت ضعيف
و فضلت تضحك و تقولى انتى كمان هتقولى كدة
و ان دة جزء من فقرة فى روايتها بتقول

هم يقولوا ياحسين ..وانا أقول يا طبيب.هم يناجوا بالتراب.وانا اقول ياطبيب.. هم يطلبون الرجيه من غير الله.. وانا اقول ياطبيب.. ياطبيب.. اوا ليس لديك عن قلبي خبر.فأنا افقد عقلي من كل هؤلاء ." الطبيب هو الله"

طيب يا بنتى يا حبيبتى جايبة من النص ليه
وتخلى اى حد يفهم غلط


تضحك و تقولى المهم انا عارفة نفسي

فبالنسبة لى كان يوم طويل و الحمد لله خلص

بس حلفت لاحفل عليها هنا

عقابا لها

و دة كل اللى حصل

[fanaa]

هههههههه
والله يالمار لو فضلت اهتم دا هيفهم ايه ودا هيفهم ايه
يبقى مش هكتب حاجه ابدا
لما كتبت" ما نال قلبى من الصلاه سوى دمع العذراء.. يا يسوع قلبى متى تلاقى المنتظر " اتقالى معقول انتى مسيحيه !!!! مع ان معناها فى صميم الاسلام
ولما كتبت.. لست من بنى قريش. ولم اتخيل ابدا ان الشياطين متدينه.. ولن اسأل ابدا كيف ومتى واين قلبى فقد الله.."!! اتقالى ينهار اسود هو انتى ملحده !!! مع ان معناها فى صميم الدين..
اجى بقى النهارده اكتب. هم يقولوا يا حسين.. وانا اقول يا طبيب. اطلع شيعيه
ينهار ضحك :174 :
ياخوفى أكتب."نالتنى شهقات الجوى. فلا انا أصبر ولا انت تأتينى اطلع بنت ليل

والله الواحد بشوف العجب
عجبنى شكلك وانتى بتعيطى فى المسقه
وبما انى المره دى طلعت شيعيه فأنا لازم احتفل باللحظه التاريخيه دى
فلنلطم لطمه جماعيه
يخرب عقلك يالمار فصلتينى ضحك اقسم بالله

[.Lamar]

لطمة جماعية فى عينك
اضحكى اضحكى ياختى
تعالى يا اية اغرقك فى المسقة
ما دامت عجبتك
اهوه نخلص من اللى بتعمليه فى خلق الله

[fanaa]

اقتباس المشاركة الأصلية كتبت بواسطة .Lamar لطمة جماعية فى عينك اضحكى اضحكى ياختى تعالى يا اية اغرقك فى المسقة ما دامت عجبتك اهوه نخلص من اللى بتعمليه فى خلق الله

وبعدين يابنتى بدل ما كنتى تسألى السؤال دا
كنتى اسألى الاول هل انا بحشش ولا لاء
اصل الصنف بيفرق
عاوزه القتل اصلا

[.Lamar]

انتى بتقولى ايه يا مجنونة
أيوة انتى فعلا عايزة القتل
رميا بالقباقيب يا حياتى

[قلـــــــــــــــــم]

طبعا أنتم عارفيني

لحد ما تعيشو اللحظة أكون انا

وبعديها

وانزل العمل أوقع وارجع

وبعدين




واكيد طبعا مش راح اسيبكم

انا


ربي يحفظكم ويجعل البسمة ما تفارق ملامحكم ولا قلوبكم

[ايمان طلعت]

انتي هتقوليلي على فضولك يختاااااااااااي عليكي لما تحطي حاجه في دماغك
طلعتي البنت شيعية وهي داعشية
اي خمة ايه
امشي انا بقى

[fanaa]

اقتباس المشاركة الأصلية كتبت بواسطة .lamar انتى بتقولى ايه يا مجنونة أيوة انتى فعلا عايزة القتل رميا بالقباقيب يا حياتى

عاوزه تقتلى محاميه
شبحى هيطلع ويسجنك
تطبير
الله اكبر

[fanaa]

اقتباس المشاركة الأصلية كتبت بواسطة قلـــــــــــــــــم طبعا أنتم عارفيني لحد ما تعيشو اللحظة أكون انا وبعديها وانزل العمل أوقع وارجع وبعدين واكيد طبعا مش راح اسيبكم انا ربي يحفظكم ويجعل البسمة ما تفارق ملامحكم ولا قلوبكم

انا لازم حقى يجي انا طلعت شيعيه وانا مش عارفه
الله يفرح قلبك استاذنا

[fanaa]

اقتباس المشاركة الأصلية كتبت بواسطة ايمان طلعت انتي هتقوليلي على فضولك يختاااااااااااي عليكي لما تحطي حاجه في دماغك طلعتي البنت شيعية وهي داعشية اي خمة ايه امشي انا بقى

داعشيه!
يا سنه سوووخه " بصوت رامى جشوع"