و ثار القلم ..ردا علي عذبوه علشان شريف

[السفيره عزيزه]

عذبوه وعذبوها..
اربع صوابع شافوها
واضرب المربوط شعار..


زهرة العمر الضاعت
و ضماير ماتت و باعت
وفي الجلسه كان القرار


السياده للبياده
والقرار من القياده
لا كانت ثورة ولا ثوار


البلد بلد ابونا
بطلوا بقا تصدعونا

وبطمعكم تقرفونا

وليل ونهار نقار





والانجزات مش خد وهات
فكرين هتعيشوا في تبات
سمحنا بشوية فتات
غصب عنكم مش خيار


التعليم احنا الاوائل
والمعضلة وحل المسائل
وعلي صوتك يا م وائل
قالوا علينا ايه.
طبعا قلنا عار.


والمريض ما يروح في داهيه
ريحوه بحقنه ناهيه

مفيش حقوق والدنيا ساهيه

يلا مشوها انتحار.


والبره وال جوه

تعبنا وما عاد مروه
حاكم ده ولا فتوه
كذاب يا عالم هو هو
لساه بيولعها نار

والبحيري وميزوا العميل
جيين لنا بدين خطير
وكتير اوي من دا الفصيل
آآآآآآآآآآآآه يا احقر حقير
حقد اسود حالة سعار..


وكفايه بقا كده النهارده
صحيح انا في اجازه عارضه
محتاجه قهوه افكاري شارده
وسطوري دي بقا اختصار..


................



تحياتي واحترامي لحضراتكم

[دمعه حائره]

صح كفايه كدة مبقاش حد مستحمل
احسنتى سفيرة وتسلمى على كلماتك الرائعه

[احساسى صحيح]

احسنتى الوصف وأصبتى المراد اختنا السفيرة
حروف عانقت الحق واظهرت الحقيقة
ربنا يزيح عنا الغمة
تحياتى وشكرى ..

[سيناا]

رووووووعه رووووووووعه كعادتك اختي السفيرة

حقيقي برافو ربي يخليلك هل الموهبة الجميلة

مفيش احلى من وصف الواقع وبالاخص المرير

تحياتي العطرة

[Lamees]

حروف وكلمات تنطق بالحقيقة المرة التي نحياها
قلم ثائر حقا احسنتي حبيبتي

[ايمان طلعت]

كل دة وافكارك شاردة هههههه
قلمك جميل قوي كالعاده
تحياتي سفيرتنا الجميلة

[فداااااااااااء]

اسوء شيئ حينما نجد ان التعبير الوحيد المسموح لنا هى الكلمات

ولكن الواقع لا يتغير عزيزتى
تلك سياسة الديكتاتورية

سلم قلمك ونبضك مودتى

[ياسمينة ❤]

اجدت الكلمات فى التعبير عن الواقع

دام نبض قلمك الجميل الثائر

تحياتى واحترامى

[countess doha]

احسنت فكرا وتعبيرا
يدوم عطاؤكِ
تقبلي مروري

[السفيره عزيزه]

وتسلمي شمس دوما يارب.
ما كان الدم دا كله .يعدي كده
نستحمل للاجر ولكن للظلم كل الرفض
والله المستعان


تحياتي يسبوقهاشكري وامتناني
اختي الجميلة