بلاش الغدر

[*فجر الاسلام*]

يا دنيا باقيه عليا كده ليه
ولا شوفتى حلم فاضل قررتى تدمريه
ولا شعاع الامل ناويه خلاص تطفيه
بتخططيلى بس لايه
ايه تانى هتكمليه
وكل القصص منتهيه
وقلبى قربتى تقضى عليه
سبيلى نفس سبيلى روح تناديه
يمكن نبض الفرح يرجع تانى يحييه
سبيلى شعاع نور امشى طريقى بيه
ماتقضيش على كل حاجه
ده الوجع صعب حد يراضيه
مديلى ايدك انا طالبه الامان
وبلاش الخوف انسيه
حطيت بينى وبينك ميثاق
وعهد على قلبى ما تاذيه
اتمسكت بالوعد فاتمسكى
وبلاش الغدر ابعديه

*فجر*
13/9/2018

[يــزن]

لنا الله تمسكي بحبله
معبره كنت هنا بل كنت أكثر مؤثره
ربي يسعد قلبك أمين
تحية تليق بك

[countess doha]

طالما قلبك قادر ينبض يبقي املك هتلاقيه
ربن يفرحلي قلبك
احترامي لابداعك
راق لي

[ايمان طلعت]

بما انك تنعمي بالحياة
اذن فالامل موجود

مناجاة رائعة للحياة
دام نبض قلمك وقلبك
تحياتي

[فادي العراق]

هي الدنيا تلف تدور
واقدار بنا تلهو تجور
فيا نفس!
صبرا لاتجزعي
فلنستبشر خيرا ونتفائل
لعل القادم افضل
لروحك اكاليل الياسمين

[احساسى صحيح]

كلمات رائعة من قلبك الكبير
ربنا يسعد اوقاتك
تحياتى وودى ..

[دمعه حائره]

خلى ثقتك فى الله كبيرة انه هيكتبلك الخير
كلمات رائعه تسلمى فجر

[.Lamar]

ايه يا بنتى كمية الوجع دى
ربنا يروق بالك يا فجر

[fanaa]

غدر ايه بس ياقمرى
الحياه جميله حبيها بمرها وحلوها وغدرها
كل شيء بيعدى
والا انكسر فيكى دلوقت مجرد تمهيد لجبر من الله مكنش على بالك خالص
ربنا بيخلصنا من حاجات واحنا مش عارفين انها بضرنا
فتقبلى كل شيء كما هو
لان عوض الله كبير جدا

[د/ عبد الله]

الدنيا مبتستمرش على حال أبدا
يوم فرح ويوم حزن ..يوم جرح ويوم جبر
ودوام الحال من المحال

وع رأي المثل:الدنيا زي المرجيحة يوم تحت وفوق هههه
روقي يا فجر وخليها ع الله وكله هيعدي