اتنصب عليا ^ــ^

[ايمان طلعت]

السلام عليكم و رحمة الله وبركاتة

يا جماعة لازم البنات تدخل المطبخ من صغرها و تتعلم
مينفعش اللي بيحصل دة والله
امبارح حصل ايه
كنت بعمل كشري مصري
قولت يا منه ( بنتي داخلة تالته اعدادي بس لسة مدخلتش المطبخ ودة عيب مني للاسف)
المهم
خدي يا منة نقي العدس
حاضر يا ماما
ماما فيه عدس اصفر اشيله
اه شيلية
الحقي يا ماما
فيه ايه
اتنصب عليكي
وجتلي المطبخ معاها عدساية مكسور منها جزء
بصي ضحكوا عليكي الرجل اداكي عدس اصفر وحاطتت عليه البتاع البني دة



مش هينفع اكتب قولتلها اية عشان الرقابه
بس انا جتلي نوبة ضحك جامدة منها

بس كدة وعملت الكشري
اتفضلوا معايا بقى
لو عايزين انشر الطريقة بتاعته قولوا





تحياتي

[Abdallah]

و عليكم السلام

الحمدلله انا دخلت المطبخ من صغرى
و بعرف اطبخ و بعمل نفس طبق الكشرى
بس فرق بسيط بقطع البصل حتت صغيرة
و الرز بعمله بشعرية ، يالله جوعتنينا .

[ايمان طلعت]

اقتباس المشاركة الأصلية كتبت بواسطة abdallah و عليكم السلام الحمدلله انا دخلت المطبخ من صغرى و بعرف اطبخ و بعمل نفس طبق الكشرى بس فرق بسيط بقطع البصل حتت صغيرة و الرز بعمله بشعرية ، يالله جوعتنينا .

طيب كويس ان فيه رجل بيعرف يطبخ
الرز عملاه بشعرية وبعملة دايما بشعرية بيبقى اطعم كتير من الابيض
جوعت ايه بس اومال لو شوفت الدقه والشطة هتعمل اية
تصدق جوعت ههههه
تسلم عالمرور
تحياتي

[countess doha]

هههههههههه
بالف هنا
انا بعرف ع ادي كدا
بس يلا قولي الطريقه

[فداااااااااااء]

ههههه بالهنا على قلبكم ايمى

[ملك جبال الاحزان]

حلو الشكل عجبنى
ابعتيلى طبق وهتنازل وهاكله 🙌

اصلى جعان الصراحه 😂

[شاعرة الرومانسيه]

ههههههه نفسى اعرف قولى لها ايه ههههههه ياترى زى ماتوقعت
لو انا اكيد كنت هاقولها ههههههه
ربنا يخليها لكى حبيبتى

[حـيـــــآة ❤]

هههههههه
اصدمك انا دخلت المطبخ من وانا 13سنه
وبعرف اغمل حاليا كل حاجه
ماعدا الرز عمره ماظبط معايا ودمعه تشهد هههههه

[Muhammad_Adel]

ههههههههههه لا كده ربنا يكون في عون الجيل اللي طالع بجد ^_^
وصعبان عليا الأجيال اللي هيطلعوها كمان بلاش أزايد علشان متشتميش أحم أحم ^^

أعتقد اني بطبخ أجمل من كده ^_^ , بحبه من غير عدس
وفي انتظار الطريقه ^__^

[احساسى صحيح]

ههههههه دمها خفيف اوى
باين عليها لسة بدرى ف الطبيخ
مممممم الكشرى شكله يجنن

يسلم الايدين إيمو

نزلى طبعا