اختبر لا تنبهر

[د/ عبد الله]

اقتباس المشاركة الأصلية كتبت بواسطة غدي فلسطين موضوع يستحق الوقوف عنده ...والتوسع في حيثياته .. بداية العمر الطويل اتمناه لك ..وأسأل الله ان يبارك في عمرك وينير بصيرتك ويحفظك لشبابك .. أما بالنسبة لماتفضلت به ..فبرأيي .. أن ليس كل مايلمع ذهبا ..وليس كل ما يسقط على الأرض يفقد رونقه ... ولاتنسى ياصديقي أننا نحيا في زمن كثرت فيه الأقنعة ... والانجرار الأعمى أصبح ديدن الكثير .. لذلك لابد للمواقف ان تظهر معادن الأشياء او الأشخاص سيان . ونعمة العقل التي وهبنا الله اياها قادرين من خلالها ان نميز ونتمحص ماهية الأمور والمواقف .. ولانجعل عاطفتنا تسيطر على كل تصرفاتنا لأنها حتما ستعطينا الصورة ضبابية ... بعقلك... وازن .... ميز ... فكر ... استنتج ... استدل على وجهة نظر نابعة من خلال قناعتك ووعيك الود يسبقه ورد لشخصك د/عبدالله وتحيتي لك مبجلة ياابن النيل العظيم

أصبتِ الحقيقة
العقل...لازم نفكر الأول ونفهم ونعرف...ساعتها هنشوف كل حاجة واضحة
يعني منغلبش العواطف أو المصالح الشخصية
كل ده بينعكس على كل حاجة ف المجتمع صغيرة أو كبيرة.

غدي... أهديكِ التحية والشكر خالصين يا ابنة غزة العزة
دمتِ بكل ما يسعد قلبك في الدارين

[احساسى صحيح]

فعلا يا دكتور رأيك صحيح
كتير ناس إنصدمنا فيه
نتيجة إنبهار زائف من مجرد شعارات وف الاخر ظهرت حقيقتهم
الوسطية فعلا مهمة فى الحكم على الاشخاص والاشياء
موضوع قيم
يسلم فكرك الراقى
تحياتى وودى ..

[*فجر الاسلام*]

ربنا يبارك فى عمرك يا دكتور
موضوع مهم اوى بجد لان قلة خبرة شباب كتير ضيعهم وخلاهم يمشوا ورا اوهام تحت مايسمى بالتدين
والموضوع مهم لانه يفتح دماغ ناس كتير
الحمد لله عن نفسى لا انبهر باى شخص ملتزم او اى واحده لابسه لبس ملتزم اوى
لانه مش بالشكل وحياة ربنا انا بشوف بلاوى فى الناس دى
مش كلهم اكيد بس على الاقل مانديش حد اكبر من حجمه
وربنا يسترها علينا جميعا

[.Lamar]

الموضوع فكرته حلوة جدا
فعلا احنا بننبهر بالمظهر
و بناخد الامور على انها مسلم بيها
دة بتاع ربنا مثلا
فخلاص كدة انتهت
مبحاولش ادور ايه النقص او العيب اللى فيه
هو فى النهاية بشر
انبهارى بيه بيحطه فى مكانة الملايكة
اللى استحالة تغلط
بس للاسف الصدمة بعدها بتكون كبيرة
لو الانسان دة صدر منه تصرف
او ظهر فيه عيب او نقص معين
وقتها بيتهد التمثال اللى كنا راسمينه فى خيالنا
و فيه ناس بتفقد بعدها القدرة
انها تصدق ان دة مجرد مثال سىء
بس فيه غيره ممكن ناس كويسة
بتفقد ايمانها بالكل بسبب شخص

موضوع قيم اخى
تسلم
تحياتى

[Doaa Hammam]

الموضوع أعجبني جدا

ليـــس كــل مــا يــلـمـعُ .. ذهـبـــــاً
وليس كل من كلمنا أصبح .. صاحبا
وليس كل من قال أحبك صار .. حبيبا
وليس كل من صلى صار .. مؤمنا

حكمة اتمنى يتعلمها ويعيها الشباب جيدا

تقبل مروري المتواضع

[fanaa]

موضوع قيم يا د/ عبد الله
الانساب مش بالمظر.. او الشيء الظاهر منه
كلنا شياطيين وبنلغط
والحماس الزياده والانبهار الا مالوش معنى بيعك على دماغنا فى الاخر
الله يطول عمرك

[د/ عبد الله]

اقتباس المشاركة الأصلية كتبت بواسطة ندوشه 2011 كلامك عين العقل استمر واحنا وراك بالشواكيش هههههاي

وماله
بس ياترى الشواكيش دي رايحة فين

[د/ عبد الله]

اقتباس المشاركة الأصلية كتبت بواسطة فداااااااااااء امر الانبهار لابد وان يحدث هذا امر طبيعي لدى الانسان ولكن عندما ننبهر علينا ان نحذر خاصة فى الامور الهامة ولكن اعتقد ان الخبرة ليست متوقفة على من يكبرنا سنا لاننا وجدنا وللاسف بعض من يكبرنا يكون اكثر تسرعا منا فى انبهاره للامور او الاشياء والاشخاص ربما يكون صغيرا عنا ولكن اكثر فطنة منا للامور نصيحة قيمة عن تجربة منك سلمت اخى عبدالله بارك الله فى عمرك

تمام
الانبهار الطبيعي يكون للحاجة المستحقة ويكون بالقدر المناسب
ميكونش لحاجة مش مستحقة وبقدر زايد عن حده.

وفعلا ممكن يكون واحد كبير عمرا لكن مش فاهم فينبهر بما لا يستحق
عشان كده قلت قلة الخبرة وعدم المعرفة

شكرا لمرورك القيم فداء
دمتِ بكل خير

[ايمان طلعت]

فيه ناس بتلمع زي الماس المزيف ننبهر بيها
وناس بتكون لؤلؤ مخفية ولا نسأل فيها
فمش كل من له بريق ماس
و لا كل من في التراب ينداس
العبرة في الداخل مش في المظاهر

موضوع قيم دوك
تحياتي

[د/ عبد الله]

اقتباس المشاركة الأصلية كتبت بواسطة احساسى صحيح فعلا يا دكتور رأيك صحيح كتير ناس إنصدمنا فيه نتيجة إنبهار زائف من مجرد شعارات وف الاخر ظهرت حقيقتهم الوسطية فعلا مهمة فى الحكم على الاشخاص والاشياء موضوع قيم يسلم فكرك الراقى تحياتى وودى ..

زي ما قلت يا ياسر الوسطية مهمة في كل حاجة
والمعرفة هي السبيل لكشف كل الحقائق
ومعرفة القيّم من الزائف.

نورتني بوجودك وتعقيبك يا ياسر
كل التحية والتقدير