اختبر لا تنبهر

[د/ عبد الله]

بما إني قفلت التلاتين وداخل على31.. ومش عايز أدخل..
فحبيت أشارك معاكم خلاصة أكيدة طلعت بيها ف العمر ده .
وأنا ف الكلية في بداية فترة التزمت فيها دينيا (للأسف انتهت) كنت ببص لجماعة ملتزمين أكبر مني
في رابعة وخامسة على انهم ملايكة واني مجيش حاجة مقارنة بيهم.
وفي بداية ظهور حزب شهير جدا ينتمي للتيار الاسلامي
كنت من أوائل المنتمين ليه وكنت بدعو ليه وأعلق في ورق الدعاية بتاعته.
دلوقتي...
مبقتش أبص للشخص الملتزم ظاهريا على انه ملاك أو انه مبيغلطش
مش بشكك فيه أو أقول انه منافق ..أبدا
أنا بظن فيه الخير..لكن مش بنبهر بيه
هو شخص زيه زي غيره ممكن يكون كويس وممكن يكون وحش
والتعامل هو اللي هيبين.
وأنا في فترة كان الناس بتبصلي نفس النظرة اللي كنت ببصها لغيري.. مع اني مليان بلاوي.

انبهاري بالحزب المحسوب على التيار الاسلامي تلاشى وتحول للضد
بسبب الأفعال اللي صدرت منه (بالنسبة لي) وظهرلي عكس ما كنت أتوقع.

اللي عايز أقوله ان كلنا في بداية فترة الشباب بيكون عندنا الحماس الزايد
وبننبهر بأي حاجة أو أي شخص يكون جديد علينا أو حاجة بتلمس عواطفنا.
الانبهار الزايد ده سببه قلة الخبرة وعدم المعرفة
قلة الخبرة عند الشباب لان الشاب بيكون حاجة جديدة عليه فينبهر بيها
وعدم المعرفة ممكن يكون عند شخص كبير عمرا لكنه مش عارف
فينبهر بحاجة لمجرد شوية تذويق أو كلمتين كبار من واحد مش فاهم أصلا..
مع ان الحاجة دي للي فاهم مليانة أخطاء ومتستحقش الانبهار أبدا.
الخلاصة...
متنبهرش بشخص أو عمل ما لدرجة تخليك تتغاضى عن الأخطاء
اختبر قبل أن تنبهر, ولو مش فاهم ف الحاجة دي يبقى تشوف أراء الناس اللي فاهمة فيها.
متقدسش حاجة أو حد.
عبر عن اعجابك بالقدر المستحق .

[Aya 7ekaya]

اولا ربنا يبارك بعمرك
ثانيا عجبتنى الفكرة اللى وصلها موضوعك
ديما ده بيحصل فعلا لقله خبرتنا
و الدين تحديدا كان ستار لناس كتير جدا
بس ديما عندى قاعده انك بتشوف الناس باللى جواك لو انت شخص نقى هتظن فى كل الناس خير لو العكس هتظن ان كل الناس مش كويسه
لكن هنا بتيجى التجارب و المواقف علشان تعمل توازن و تضيف للحياة الوعى اللازم للتعامل مع الناس
موضوع جميل و رساله قيمه

[ياسمينة ❤]

موضوع هادف لخصت الكلام

المظاهر دايما خداعة والحكم على الاشخاص
بيبان من التعامل والمواقف ومرورالايام ايا كان انواعهم
الواحد مابقاش يلتفت وينبهر باى كلام او مظاهر
لاننا فى مجتمع اصبح السائد فيه اقواله و افعاله المزيفة

تقبل مرورى وشكرا ليك على الطرح

[Lamees]

كل حاجة في الدنيا محتاجة الوسطية
حتى الانبهار لازم يكون بالمعقول
فعلاً دكتور عبد الله احسنت القول
تحيتي

[غدي فلسطين]

موضوع يستحق الوقوف عنده ...والتوسع في حيثياته ..
بداية العمر الطويل اتمناه لك ..وأسأل الله ان يبارك في عمرك وينير بصيرتك ويحفظك لشبابك ..
أما بالنسبة لماتفضلت به ..فبرأيي .. أن ليس كل مايلمع ذهبا ..وليس كل ما يسقط على الأرض يفقد رونقه ...
ولاتنسى ياصديقي أننا نحيا في زمن كثرت فيه الأقنعة ... والانجرار الأعمى أصبح ديدن الكثير ..
لذلك لابد للمواقف ان تظهر معادن الأشياء او الأشخاص سيان .
ونعمة العقل التي وهبنا الله اياها قادرين من خلالها ان نميز ونتمحص ماهية الأمور والمواقف ..
ولانجعل عاطفتنا تسيطر على كل تصرفاتنا لأنها حتما ستعطينا الصورة ضبابية ...
بعقلك... وازن .... ميز ... فكر ... استنتج ... استدل على وجهة نظر نابعة من خلال قناعتك ووعيك

الود يسبقه ورد لشخصك د/عبدالله
وتحيتي لك مبجلة ياابن النيل العظيم

[د/ عبد الله]

اقتباس المشاركة الأصلية كتبت بواسطة aya 7ekaya اولا ربنا يبارك بعمرك ثانيا عجبتنى الفكرة اللى وصلها موضوعك ديما ده بيحصل فعلا لقله خبرتنا و الدين تحديدا كان ستار لناس كتير جدا بس ديما عندى قاعده انك بتشوف الناس باللى جواك لو انت شخص نقى هتظن فى كل الناس خير لو العكس هتظن ان كل الناس مش كويسه لكن هنا بتيجى التجارب و المواقف علشان تعمل توازن و تضيف للحياة الوعى اللازم للتعامل مع الناس موضوع جميل و رساله قيمه

تمام يا اية فعلا احنا بنشوف الناس باللي جوانا ونعتقد ان الكل زينا
والفكرة اللي أقصدها مش مقتصرة على المعاملات الاجتماعية أو الدين بس
لكن في كل حاجة في حياتنا.

تسلمي اية

[ندوشه 2011]

كلامك عين العقل استمر واحنا وراك بالشواكيش هههههاي

[فداااااااااااء]

امر الانبهار لابد وان يحدث هذا امر طبيعي لدى الانسان
ولكن عندما ننبهر علينا ان نحذر خاصة فى الامور الهامة
ولكن اعتقد ان الخبرة ليست متوقفة على من يكبرنا سنا
لاننا وجدنا وللاسف بعض من يكبرنا يكون
اكثر تسرعا منا فى انبهاره للامور او الاشياء والاشخاص
ربما يكون صغيرا عنا ولكن اكثر فطنة منا للامور

نصيحة قيمة عن تجربة منك
سلمت اخى عبدالله
بارك الله فى عمرك

[د/ عبد الله]

اقتباس المشاركة الأصلية كتبت بواسطة ياسمينة ❤ موضوع هادف لخصت الكلام المظاهر دايما خداعة والحكم على الاشخاص بيبان من التعامل والمواقف ومرورالايام ايا كان انواعهم الواحد مابقاش يلتفت وينبهر باى كلام او مظاهر لاننا فى مجتمع اصبح السائد فيه اقواله و افعاله المزيفة تقبل مرورى وشكرا ليك على الطرح

فعلا المظاهر خداعة
والمشكلة اننا بقينا في وقت أي حد ممكن يتكلم ف أي حاجة وهو مش فاهم فيها وكتير بينخدعوا وينبهروا بيه أو بعمله لعدم الفهم.

شكرا ليكي ياسمينة...نورتيني

[د/ عبد الله]

اقتباس المشاركة الأصلية كتبت بواسطة lamees كل حاجة في الدنيا محتاجة الوسطية حتى الانبهار لازم يكون بالمعقول فعلاً دكتور عبد الله احسنت القول تحيتي

الانبهار أو الاعجاب لازم يكون على قدر العمل
يعني ندي كل حاجة حقها ..واللي مش عارف يسأل أو يعرف وبعدين يتكلم

شكرا ليكي لميس... شرفتيني