التعليم فى مصر ( نجوم الحصريات)

[دمعه حائره]

بسم الله الرحمن الرحيم
***********
مع بداية العام الدراسى الجديد
أريد إلقاء الضوء على مشكلة كبيرة يعانى منها المجتمع المصرى
على مدار أعوام متتاليه
مشكلة التعليم
فبداية من المعلم الذى يكون غالبا غير مؤهل علميا أو تربويا
للقيام بتلك المهمه الكبيرة
مرورا بالطالب الذى لم يجد من يهتم بمواهبه وميوله
وحصروا مهمته فى الحفظ والتلقين
وحفظ مواد دراسيه هو نفسه لا يعرف ماذا سيستفيد منها
مناهج قديمه ومكدسه وبها من الملل مايكفى لإهمال الطلاب لها
هذا بالإضافة لمبانى المدارس العتيقه الآيله للسقوط
يلجأ البعض من الأسر القادرة ماديا على التعليم الخاص
لكنه لايختلف كثيرا سوى فى الشكل عن التعليم المجانى
فالجميع مطالبون فى النهاية لتلقى دروسا خصوصية فى كل مادة
لفهم المناهج مما يثقل كاهل رب الاسرة
مشكله التعليم من وجهة نظرى حلها ليس بالمستحيل
بل يستحق التأمل والنظر قليلا فى الاولويات
فيكون الاهتمام الاول بالماده العلميه والكتب الدراسيه والمناهج
بتطويرها وجعلها تناسب العصر وعقليات التلاميذ
فلايكون هدفها الاول الحفظ والتلقين بل الفهم
ومجاراة ميول الطالب وقدراته
ثم الالتفاف للمعلم بتطوير مستواه العلمى وتحسين راتبه
هذا من وجهة نظرى فما الحل من وجة نظركم؟
mena_hassan

[ايمان طلعت]

المناهج عايزة تتغربل
كلها حشو مالوش اي لازمه واغلبها مالوش لازمه في الحياه
ليه طفل ٨ سنين يقوله هات رقم الفرق بينه وبين التاني لو اتقسم على كذا و جمعنا كذا يدينا دة
ليه اللفه واللخبطه ديه كدة يعني هيبقى ذكي مثلا
التعليم المفروض يبقى لتدريس الحاجات الاساسيه في الابتدائي وبعد كدة يتعلموا حاحات مهمه تستخدم في الحياه ويتعاملوا بيها بعد كدة كل واحد حابب مجال يكون ليه مدرسة لوحدة
مثلا خلصت اعدادي وحابب مجال الفلك ادخل مدرسة يبقي مهمتها تعليم الفلك وهكذا اي مجال يبقى تخصص
مش يبقي طفل وياخد افلاك ومجرة وتاريخ قديم وحديث وتضاريس ولوغريتمات وغيرة والمفروض يطلع فاهم وعارف كل دة
طب ما اللي بيتحفظ بعد الامتحان خلاص مفيش بيتنسي ولا ليه لازمه
يبقى لزمته ايه التعليم بقى
لازم نغير طريقة ومنظومه التعليم ونعرف هنعلم ولادنا ايه و ازاي

تصدقي انفع وزيرة للتعليم ههههه
موصوع قيم وحيوي
تحياتي

[countess doha]

اقتباس المشاركة الأصلية كتبت بواسطة دمعه حائره بسم الله الرحمن الرحيم *********** مع بداية العام الدراسى الجديد أريد إلقاء الضوء على مشكلة كبيرة يعانى منها المجتمع المصرى على مدار أعوام متتاليه مشكلة التعليم فبداية من المعلم الذى يكون غالبا غير مؤهل علميا أو تربويا للقيام بتلك المهمه الكبيرة مرورا بالطالب الذى لم يجد من يهتم بمواهبه وميوله وحصروا مهمته فى الحفظ والتلقين وحفظ مواد دراسيه هو نفسه لا يعرف ماذا سيستفيد منها مناهج قديمه ومكدسه وبها من الملل مايكفى لإهمال الطلاب لها هذا بالإضافة لمبانى المدارس العتيقه الآيله للسقوط يلجأ البعض من الأسر القادرة ماديا على التعليم الخاص لكنه لايختلف كثيرا سوى فى الشكل عن التعليم المجانى فالجميع مطالبون فى النهاية لتلقى دروسا خصوصية فى كل مادة لفهم المناهج مما يثقل كاهل رب الاسرة مشكله التعليم من وجهة نظرى حلها ليس بالمستحيل بل يستحق التأمل والنظر قليلا فى الاولويات فيكون الاهتمام الاول بالماده العلميه والكتب الدراسيه والمناهج بتطويرها وجعلها تناسب العصر وعقليات التلاميذ فلايكون هدفها الاول الحفظ والتلقين بل الفهم ومجاراة ميول الطالب وقدراته ثم الالتفاف للمعلم بتطوير مستواه العلمى وتحسين راتبه هذا من وجهة نظرى فما الحل من وجة نظركم؟ mena_hassan

هيا وزارة محتاجه اعاده تاهيل كلي
لما تكون مدرس تعليم اساسي (ابتدائي)وقدامك ف الفصل 80 تلميذ
ودول اطفال يعني محتاجين رعايه خاصه
وان المدرس ده بيكون اكثر معاناه لان هوا اللي بينشأ الاجيال اللي بنشوفها بعد كدا
ف انت محتاج تعيد تدوير ف ميزانيه الدوله
عشان تبدا استصلاح المباني الغير ادميه , عشان تدي طاقه اجابيه للتلميذ قبل المعلم انه يحب التعليم ويقبل عليه لانه هوا هيجبر المعلم انه يادي واجبه ع اكمل وجه
اما بالنسبه للمناهج ف دول محتارين يعملوا ايه ولا ايه
حشو وكلام كتير وباب فيه 3 فصول والفصل 45 صفحه وف الاخير بيجيب السؤال بره المنهج
حقيقي حسبي الله ونعم الوكيل ف التفكير العقيم
والله المستعان

[Aya 7ekaya]

احنا خرجنا برا التصنيف العالمى للتعليم انتى متخيله !
الحرب دلوقتى مابقتش بالاسلحه ي منه بقت بالجهل والفقر
حال المعلم اللى ف الدول المتقدمه هو صاحب اعلى مرتب و من اعظم المهن اللى الناس بتحترمها هنا مايساويش
لما المدرس مايأخدش حقه هيضطر يلجىء للدروس الخصوصيه و طبعا بكده هيهمل الشرح ف المدرسه على يرغم الطلاب على الدروس الخصوصيه
المناهج لا تجارى الواقع ولا التطور اللى عايشينه
للاسف احنا عندنا افشل منظومه تعليم فى العالم

[دمعه حائره]

اقتباس المشاركة الأصلية كتبت بواسطة ايمان طلعت المناهج عايزة تتغربل كلها حشو مالوش اي لازمه واغلبها مالوش لازمه في الحياه ليه طفل ٨ سنين يقوله هات رقم الفرق بينه وبين التاني لو اتقسم على كذا و جمعنا كذا يدينا دة ليه اللفه واللخبطه ديه كدة يعني هيبقى ذكي مثلا التعليم المفروض يبقى لتدريس الحاجات الاساسيه في الابتدائي وبعد كدة يتعلموا حاحات مهمه تستخدم في الحياه ويتعاملوا بيها بعد كدة كل واحد حابب مجال يكون ليه مدرسة لوحدة مثلا خلصت اعدادي وحابب مجال الفلك ادخل مدرسة يبقي مهمتها تعليم الفلك وهكذا اي مجال يبقى تخصص مش يبقي طفل وياخد افلاك ومجرة وتاريخ قديم وحديث وتضاريس ولوغريتمات وغيرة والمفروض يطلع فاهم وعارف كل دة طب ما اللي بيتحفظ بعد الامتحان خلاص مفيش بيتنسي ولا ليه لازمه يبقى لزمته ايه التعليم بقى لازم نغير طريقة ومنظومه التعليم ونعرف هنعلم ولادنا ايه و ازاي تصدقي انفع وزيرة للتعليم ههههه موصوع قيم وحيوي تحياتي

والله افكار جميله وجايه عن تجربة طبعا وده بيأكد اهميتها
فكرينى لما امسك الوزارة اخليكى وزيرة التعليم
نورتى ايمى

[دمعه حائره]

اقتباس المشاركة الأصلية كتبت بواسطة countess doha هيا وزارة محتاجه اعاده تاهيل كلي لما تكون مدرس تعليم اساسي (ابتدائي)وقدامك ف الفصل 80 تلميذ ودول اطفال يعني محتاجين رعايه خاصه وان المدرس ده بيكون اكثر معاناه لان هوا اللي بينشأ الاجيال اللي بنشوفها بعد كدا ف انت محتاج تعيد تدوير ف ميزانيه الدوله عشان تبدا استصلاح المباني الغير ادميه , عشان تدي طاقه اجابيه للتلميذ قبل المعلم انه يحب التعليم ويقبل عليه لانه هوا هيجبر المعلم انه يادي واجبه ع اكمل وجه اما بالنسبه للمناهج ف دول محتارين يعملوا ايه ولا ايه حشو وكلام كتير وباب فيه 3 فصول والفصل 45 صفحه وف الاخير بيجيب السؤال بره المنهج حقيقي حسبي الله ونعم الوكيل ف التفكير العقيم والله المستعان

فعلا كثافه الفصول عاليه جدا
والطالب ضايع من المدرس
تسلمى ضحى نورتى

[دمعه حائره]

اقتباس المشاركة الأصلية كتبت بواسطة aya 7ekaya احنا خرجنا برا التصنيف العالمى للتعليم انتى متخيله ! الحرب دلوقتى مابقتش بالاسلحه ي منه بقت بالجهل والفقر حال المعلم اللى ف الدول المتقدمه هو صاحب اعلى مرتب و من اعظم المهن اللى الناس بتحترمها هنا مايساويش لما المدرس مايأخدش حقه هيضطر يلجىء للدروس الخصوصيه و طبعا بكده هيهمل الشرح ف المدرسه على يرغم الطلاب على الدروس الخصوصيه المناهج لا تجارى الواقع ولا التطور اللى عايشينه للاسف احنا عندنا افشل منظومه تعليم فى العالم

فعلا والتعليم مبقاش مجانى طالما فيه دروس
نورتى ايوش

[Lamees]

هو فين التعليم ده
لما تكون طالبة اولى اعدادي
لا بتقرا ولا بتكتب
ده معناه ايه

[محمد العبادله]

أرجو أن لا يزعجكم تطفلي عليكم أحببت أن أشارك طلبا للفائدة
مر التعليم في الاردن بمثل هذه المرحلة فاخذت الناس تولول كما تولولون الان
فتم تغير وزير التربية والتعليم ولامانة قام الرجل بتطوير المناهج وقام بوضع دورات للمعلمين
ومنع حالات الغش وعندما ظهر عوار الطلبة قامت الناس على الوزير بالاعتراض والاحتجاجات
فتم اقالته ورجع التعليم كما عندكم الان
الاخت الفاضلة مشكلتنا في الوطن العربي
لم نعد نعرف ما نريد
تحياتي للجميع

[احساسى صحيح]

هو فى مدارس فى اى بلد ف العالم بدون طلبة ؟
والدولة عارفه وفاهمه ومكتفية بالحصول على نصيبها
من مصاصى الدماء
المسمين مدرسى الدروس الخصوصية

اهم شهادة لطالب وإللى بتحدد مستقبله
الثانوية العامة
ادخلى اى مدرسة اثناء الدراسة وانظرى للفصول
اتحداكى ان تجدى طالب واحد او طالبة

للاسف الوزارة عارفه وشايفة

واى وزير بيجى مش بيغير اى حاجة

اول بذرة الاصلاح ف التعليم هو عودة الطالب إلى المدرسة
وتعليمه إن المدرسة لها قدسية وليست مكان للانتساب وأداء الامتحان فقط .. الدولة مسؤلة على مدار السنين الماضية
والحل هو فرض النظام وعودة الطلبة
وإلغاء الدروس الخصوصية

وتعظيم دور المدرس وتأهيلة ورفع راتبة ليتساوى

مع راتب المستشاريين والقضاة لأنه ليس أقل منهم

فى الاهمية بالنسبة للوطن ..
موضوع الساعه منه

موفقة يا رب ..