مسرحيه العيال كبرت !

[countess doha]

مساء الخير عليكم
العنوان غريب شويه .. صح ؟
طبعا المسرحيه دي كلنا بنحبها وبتضحكنا وبنستني من العيد للعيد عشان نشوفها

بس ايه مضمونها ؟!
يعني اللي بنضحك عليه ده مستوعبينه؟
يعني لما تشوف الدور اللي قام بيه سعيد صالح انه ولد مشاغب وولد وولد عاق لوالده بصرف النظر عن اللي حصل ف الكام دقيقه ف الاخر , ده لما ابني وابنك وبنتك يشوف حاجه زي دي هيستمد منها ايه غير الاهانه والفشل عشان يحس انه خلاص بقي بطل زي بتاع المسرحيه ؟

طيب ماعلينا م الموقف ده
لما تشوفه في المقطع بتاع (اختك ماشيه مع الواد ممدوح)
ودي بيندرج تحتها كلام كتير وكبير ...
ده بقي بيعلم شبابنا ايه
غالبا يعني بقت مشكله جيل باكمله
اللي هوا مش معاكسه بنات
لا ده بيغتاب في سيره البنات
غير طبعا انه بيخوض في عرضهم وده بقي اسمه (رمي بالمحصنات) اللي هوا لو يعرف عقوبته هيستغفر ربنا لسنين قدام
اللي هوا مجرد شوفت بنت ماشيه ف الشارع حكمت علبها وعلي لبسها وعلي اهلها وعلي سلوكها لمجرد معجبكش لبسها
وحهة نظرك تلقيها ع صاحبك او زميلك وزميلك يقولها لزميله وزميله يقولها لزميله وتبقي حفله ع البنت عشان مظهرها معجبكش
طب انت مش خايف ع اختك؟ , ولا لا قطع لسانك اختي اشرف م الشرف !!
طب والحل ايه ؟!
الحل ايه ف جيل بينصب نفسه حكم ع الخَلق ؟
وقيس ع ده مسرحيه مدرسه المشاغبين وغيره من الابتذالات اللي ودتنا وودت شبابنا في داهيه

[احساسى صحيح]

هو فى خطأ على الاتنين
متقدريش تحملى طرف واحد
ودا مش معناه إنى موافق على إللى بيعمله الفئه دى من الشباب
أنا أقصد إن الوقاية خيراََ من العلاج
وبعدين فى اصناف من البنات بتختلف كل بنت فى تربيتها زى الولاد بردوا
بتختلف تربيتهم مش كلهم بيعملوا زى ما ذكرتى
يعنى إللى لابسة لبس محتشم ومحجبة ولا يوجد ما يعيبها
اكيد مش هتكون زى إللى لابسة جينز على وضع الجسم
او لابسة بلوزة عارية الاكتاف وشعرها مسيباه وماشية تتمخطر
بالتأكيد فى إحتلاف كبير
لأن إللى نازلة بالمنظر ده عارفة إننا مجتمع نامى او عالم تالت زى ما بيقولوا
وإنتى مش ممكن تفرضى الاحترام على واحد قليل الادب
غير بشىء واحد إنك تتجنبى تلفتى نظرة بشكلك ككل
الحرية إللى إنتى ممكن تكونى بتفكرى فيها مش هتلاقيها فى مجتمعنا
هيكون صعب جدا فى ظل حالنا الحالى او حتى الماضى ..
نقاش جميل ضحى تسلمى ..

[countess doha]

اقتباس المشاركة الأصلية كتبت بواسطة احساسى صحيح هو فى خطأ على الاتنين متقدريش تحملى طرف واحد ودا مش معناه إنى موافق على إللى بيعمله الفئه دى من الشباب أنا أقصد إن الوقاية خيراََ من العلاج وبعدين فى اصناف من البنات بتختلف كل بنت فى تربيتها زى الولاد بردوا بتختلف تربيتهم مش كلهم بيعملوا زى ما ذكرتى يعنى إللى لابسة لبس محتشم ومحجبة ولا يوجد ما يعيبها اكيد مش هتكون زى إللى لابسة جينز على وضع الجسم او لابسة بلوزة عارية الاكتاف وشعرها مسيباه وماشية تتمخطر بالتأكيد فى إحتلاف كبير لأن إللى نازلة بالمنظر ده عارفة إننا مجتمع نامى او عالم تالت زى ما بيقولوا وإنتى مش ممكن تفرضى الاحترام على واحد قليل الادب غير بشىء واحد إنك تتجنبى تلفتى نظرة بشكلك ككل الحرية إللى إنتى ممكن تكونى بتفكرى فيها مش هتلاقيها فى مجتمعنا هيكون صعب جدا فى ظل حالنا الحالى او حتى الماضى .. نقاش جميل ضحى تسلمى ..

صحيح كمان مينفعش نقول كل واحذ يخليه ف حاله
ربنا يهدي الجميع
نورتني.💛💛

[فداااااااااااء]

هو فن الغرض منه الاضحاك حتى وان كان بطريقة سيئة

المجتمع العربي يحكم بما يرى لا بما يتعامل ولازم ندرك ذلك جيدا ومن الصعب تغييره
وانا ارى ان الانسان تنعكس اخلاقه بالتعامل بنسبة 80 فى المئة ولكن المظهره الخارجى ايضا له نسبة لا يمكن انكارها
بمعنى ان الاحتشام امر من اوامر الله لحماية المرأة وصونها فلا يمكن ان اقول لشاب الذى يرى فتاة ترتدى ما هو سيئ وكذلك الشباب
الا يكون لهم نظرة ولو بنسبة ما على ان هؤلاء سيئين الخلق الشخص هو من يعطى الايحاء بذلك
ولكن معكِ ليس من حق احد ان ينصب نفسه حكما على اخلاق احد
سلمتى يا قمر

[countess doha]

اقتباس المشاركة الأصلية كتبت بواسطة فداااااااااااء هو فن الغرض منه الاضحاك حتى وان كان بطريقة سيئة المجتمع العربي يحكم بما يرى لا بما يتعامل ولازم ندرك ذلك جيدا ومن الصعب تغييره وانا ارى ان الانسان تنعكس اخلاقه بالتعامل بنسبة 80 فى المئة ولكن المظهره الخارجى ايضا له نسبة لا يمكن انكارها بمعنى ان الاحتشام امر من اوامر الله لحماية المرأة وصونها فلا يمكن ان اقول لشاب الذى يرى فتاة ترتدى ما هو سيئ وكذلك الشباب الا يكون لهم نظرة ولو بنسبة ما على ان هؤلاء سيئين الخلق الشخص هو من يعطى الايحاء بذلك ولكن معكِ ليس من حق احد ان ينصب نفسه حكما على اخلاق احد سلمتى يا قمر

معاكي
بتكلم ف نقطه انها استفزت الشخص بلبسها مالوش داعي نشهر , يعني نقضي بيني وبين نفسي
ودع الخلق للخالق
نورتيني

[Muhammad_Adel]

موضوع مهم يا ضحي
بثبت حضور وليا عوده ان شاء الله .

[ايمان طلعت]

بالنسبة للعيال كبرت
بيعلم ان لما تكون العيال فاشله البيت بيخرب
ولما اتأدبوا والتزموا البيت اتصلح

لكن لو هتقيسي الاخلاقيات والتربية اللي الشباب بيتعلموها من الاعمال الفنيه يبقى على الاخلاق السلام
مفيش اصلا حاجه بتتذاع حاليا عندنا تعلم حاجه بل بالعكس كلها حاجات تفسد النشئ
حتى الكرتون فيه كتير حاجات ماثونية
الافضل كل واحد يربي ويعلم ويراقب بنفسة ويبعد اي مفسدات

تحياتي

[Abdallah]

أتفق من الزملاء فى رأيهم
الوقاية خير من العلاج .
و لابد من وجود راجل(صفة) بالبيت
سواء يربى الأناث او الذكور .

[countess doha]

اقتباس المشاركة الأصلية كتبت بواسطة Muhammad_Adel موضوع مهم يا ضحي بثبت حضور وليا عوده ان شاء الله .

انتظــرك

[countess doha]

اقتباس المشاركة الأصلية كتبت بواسطة ايمان طلعت بالنسبة للعيال كبرت بيعلم ان لما تكون العيال فاشله البيت بيخرب ولما اتأدبوا والتزموا البيت اتصلح لكن لو هتقيسي الاخلاقيات والتربية اللي الشباب بيتعلموها من الاعمال الفنيه يبقى على الاخلاق السلام مفيش اصلا حاجه بتتذاع حاليا عندنا تعلم حاجه بل بالعكس كلها حاجات تفسد النشئ حتى الكرتون فيه كتير حاجات ماثونية الافضل كل واحد يربي ويعلم ويراقب بنفسة ويبعد اي مفسدات تحياتي

بس هما اتصلحوا ف اخر ربع ساعه م المسرحيه
الل هو طول ال 3 ساعات اهانات والفاظ مش كويسه

وجهة نظر تحترم
نورتيني