صحصحى ---

[*فجر الاسلام*]

اسرقى منا الاجابه
وارميها فى وسط غابه
وسط وحوشك المفتريه
اللى تاكل الغلابه

كممى كل الأنفاس
وامحى طيبتك من الأساس
واللى يحاول يعمرك
اكسرى من ايده الفأس

طمنى كل غريب
واوهميه انه حبيب
وشيليه فوق راسك
وبعدى كل قريب

دفنتى ليه القلب الحزين
اللى حبك من سنين
وانتى بهجرك ضيعتيه
ورمتيه تحت الطين

الحال كده عاجبك
عايشه ازاى من غير قلبك
صحصحى قبل ماتفوقى
وماتلاقيش حد جنبك
.
*فجر*
20/9/2018

[ساحر الأحزان]

كلمات عامية جميلة حنايا
احسنتى جميل البوح
والتعبير

[Abdallah]

طرح جميل و تسلم أيديك .

[غدي فلسطين]

دام نبض قلمك ..
قرأت حروفك ..لكن لم يصلني المعنى المراد منك
هل هو نداء لحواء تكون لنفسها كل شيء
ام هو نداء استغاثة ...
ام ماذا بالضبط ..
تحياتي واحترامي

[ايمان طلعت]

هنا بتكلمي نفسك
ولا بتكلمي البلد
اذا كان دة او دة فلازم تصحصح عشان تعيش


تحياتي

[*فجر الاسلام*]

دى الوطن.. ......

[د/ عبد الله]

وهتصحصح ازاي بس وهي مكتوم نفسها ومتغمي عنيها
محتاجة حد يحارب اللي كاتمين نفسها ويهزها جامد عشان تفوق

أبدعتي فجر
تحياتي

[احساسى صحيح]

عبرتى عن كل ما يجول بخاطرنا
تسلمى يا رب
زيدوم ابداعك

[نجاة حسام]

حلو كتير فجر اللى يقرها يقول بتكلمى وبتنصحى حد ولو هى البلد
يبقا هنستنى فتره لحد ماتفوق وتحن عالينا باين
تسلم حروفك ياقمرتى

[*فجر الاسلام*]

ساحر الأحزان
الاجمل مرورك الطيب
تسلم نورتنى