المطبلاتيه (نجوم الحصريات)

[countess doha]

السلام عليكم

زي ما هو واضح ف العنوان ...

في ناس في حياتنا دورها بس بيقتصر علي التطبيل سواء فردي او جماعي

اللي هما الناس اللي مبتقولش كلمه حق , الحق اساسا لا يعنيه , هو فقط يجيد التطبيل والتصفيق للي بيظهروا علي الساحه
الناس اللي زي دي لا يسعون للنقد البناء , ولا يهمهم الوجود من العدم , ولا يعنيهم هدف او غايه

دول بس بيحسنوا صورة السيئين وتلميعهم عشان نتقبلهم باي شكل

بس بين كل ده فيه مشكله
لا الناجح بيحس بنجاحه ولا الفاشل بيشعر بفشله

دلوقتي الناس دي وجودها طبيعي في حياتنا وهل لقب المطبلاتي ده لانه يشعر بالنقص في السعي وراء الاخرين دون تقييم , وانت تقبل وجودك معاهم ؟!

[ساحر الأحزان]

آمال احنا إلى مخلينا واقفين محلك سر
هما المطبلاتية
إلى بطبل عشان مصالحها
ودول ما ليهم عزيز
غير مصلحتهم فقط
ودول منتشرين بغزارة
زى إلى ماسك كرسى
وبيسلمة للى جاى بعدة
احسنتى النشر

[Abdallah]

انا الحمد لله بعرف الصح من الغلط
لذلك بحب المطبلاتى و متقبل وجوده
اه بحب الناس تمدحنى و لكن برده
بحب الناس اللى بتتنقدنى نقد بناء .

يكفينى ان اكون برأسك سواء باعجابك لى او العكس .

[countess doha]

اقتباس المشاركة الأصلية كتبت بواسطة ساحر الأحزان آمال احنا إلى مخلينا واقفين محلك سر هما المطبلاتية إلى بطبل عشان مصالحها ودول ما ليهم عزيز غير مصلحتهم فقط ودول منتشرين بغزارة زى إلى ماسك كرسى وبيسلمة للى جاى بعدة احسنتى النشر

بالظبط
اسعدني مرورك

[*فجر الاسلام*]

دول كتير بسميهم منافقين
لا أقبل وجودهم انا مابجبش التمثيل والناس اللى بتاعة مصلحتها دى
تسلمى

[countess doha]

اقتباس المشاركة الأصلية كتبت بواسطة *حنايا الفجر* دول كتير بسميهم منافقين لا أقبل وجودهم انا مابجبش التمثيل والناس اللى بتاعة مصلحتها دى تسلمى

نورتيني ياجميله

[د/ عبد الله]

أكتر ناس بتدايق منهم
المطبلاتي اللي عارف انه مطبلاتي وده اسمه منافق
وما أكثرهم الايام دي ..وهما سبب خراب البلد حاليا

المطبلاتي الجاهل اللي فاكر نفسه أبو العريف
وده يمكن أسوأ من النوع الأول

المطبلاتي ما هو الا عقبة في طريق أي إصلاح أو تقدم
وكمان بيمنع ويحارب اللي بيسعو للإصلاح.

المطبلاتية....عليهم اللعنة جميعا

[countess doha]

اقتباس المشاركة الأصلية كتبت بواسطة د/ عبد الله أكتر ناس بتدايق منهم المطبلاتي اللي عارف انه مطبلاتي وده اسمه منافق وما أكثرهم الايام دي ..وهما سبب خراب البلد حاليا المطبلاتي الجاهل اللي فاكر نفسه أبو العريف وده يمكن أسوأ من النوع الأول المطبلاتي ما هو الا عقبة في طريق أي إصلاح أو تقدم وكمان بيمنع ويحارب اللي بيسعو للإصلاح. المطبلاتية....عليهم اللعنة جميعا

والاسوأ منه الشخص اللي قدامه عارف انه بيطبل , وبيشجعه عشان ينتشر
كلهم بيصقفوا لبعض
ربنا يعافينا
نورتني يادكتور

[احساسى صحيح]

الشخصية دى بتكون بدون كرامة
بيكون عامل زى الجماد
لا يشعر بمنظور الامور
لا يوجد فى رأسه أو يرى سوى شىء واحد
مبرمج عليه يصحو وينام عليه
لذلك هو شخصية منبوذة

وسيبقى كذلك ابد الابدين
موضوع جميل يا ضحى
تسلمى يا رب ..

[countess doha]

اقتباس المشاركة الأصلية كتبت بواسطة احساسى صحيح الشخصية دى بتكون بدون كرامة بيكون عامل زى الجماد لا يشعر بمنظور الامور لا يوجد فى رأسه أو يرى سوى شىء واحد مبرمج عليه يصحو وينام عليه لذلك هو شخصية منبوذة وسيبقى كذلك ابد الابدين موضوع جميل يا ضحى تسلمى يا رب ..

بل بينمي قدرته ع الهبد
تسلملي يارب