رئيس جمهورية نفسي

[ahmed 22]

يعني يا ياسر كل اللي طلعت بيه من الموضوع
اني عاوز احمل الشعب المسؤلية ..

ماشي يا عم
بس علي فكرة أنا كل اللي كنت عاوز اطلع بيه من الموضوع
منة قالته في أول رد ليها ولخصته في تلت كلمات
ان احنا ناقصنا الثقافة السياسية
وكل اللي محتاجينه هو الوقت عشان نكتسبها
بس كدا ... ولا كان في دماغي ادخل في أي جدل ..
لكن عشان تقدر توصل الفكرة لازم تستعين بأمثلة من الواقع اللي انت عايش
فيه وتشرحه بشكل ابسط ... عشان تقدر تاخد النتيجة اللي انت عاوز توصل ليها ..

اما الحوار البسيط اللي نتج بعد كدا فهو نقاش جانبي
طلعت بيه من الردود ليس أكثر .. وده الطبيعي ..
وكنت كل اللي عاوز اوصل ليه .. هو الدور الإلهي
في تدوير الأمور وحكمته الغير معلومة إلي الآن ..
لأن عنينا قاصرة أنها تشوفه ..
وده في الرد اللي قبل ردك ..

زى ما إنتا مش عاجبك رفض الناس للحاكم الحالى
لازم بردوا تحترم رايهم فى رفضه او عدم تقبله
ورأى دا نفس منطق كلامك إنتا
والعوامل التى أثرت على الناس او على ما نحن فيه بالعموم
هو سلاح القوة والاعلام والترهيب والحبس وتكميم الافواه


علي فكرة منطق كلامي ماختلفش
أنا طول عمري الشئ الوحيد اللي بحرص عليه هو أني ماقعش في فخ التناقض
المشكلة في نظرتك أنت .. وزي ما قلتلك برضه قبل كدا
مشكلتك أنك حابب تشوف اللي انت عاوز تشوفه بس ..
مش اللي انا بقوله ...

هي كل المشكلة انك شايف عدم تأييدي لنظام سابق
وأني شايف بالفعل أنهم ماكنوش علي قدر الأمانة أنهم يتحملوها
لأسباب أنا شايفها وملايين غيري شافوها ...
أن ده تأييد للنظام الموجود حاليا واتباع اعمي بدون ما اشوف عيوبه ...

وأنا عاوزك تقولي انا ماحترمتش رأي غيري في ايه برضه ؟
أنا اصلا رأيي مش محسوب علي النظام الموجود
عشان ارفض أو اقبل .. ولا محسوب علي رأيك
عشان اوافقك عليه ..

انت فعلا لو قريت كلامي اللي فوق هتعرف أنا بقول ايه ...
انا مش بتاع شعارات المثالية ...
احنا في مجتمع الانسان فيه مش متكامل عشان يخلق بيئة مثالية
انا إنسان بتعامل مع الواقع بمتغيراته ..
ودي رؤيتي للحياة وحقي ومؤمن بيه
زي ما ليك حق أنت مؤمن بيه ..

احيانا بتفرض الحياة عليك رؤية غيرك فتخليك مقهور طول الوقت
لأنك مش قادر تعمل فعل ... او احيانا بتتلون عشان تعيش ..
في حين أنك ممكن تكون قادر أنك تشوف الحياة باللون الأبيض
أواللون الاسود عشان انت قادر تميزه مش بتشوفه باللون الرمادي
وبتبني عليها كلامك وافعالك للمستقبل
وبالتالي لما تميز بيكون
بيكون ليك حق الرد في الوقت المناسب والمكان المناسب
لأنك قدرت تفكر في ازاي هتنفذ خطوتك الجاية ...


إنتا ذكرت نقطة آخرى إن الناس بتقول لو كنا تركنا الحاكم الفلان
كانت الاوضاع إتحسنت وإنتقدت الكلام ده وفى نفس الوقت بتدافع عن حالة ميؤس منها
وبتقول عليها تجربة مفروض ننتظر عليها ونبنى على أساسها
وهل البناء المرتفع يصح أن يبنى بدون اساسات او عمدان ؟
ما نحن فيه يا صديقى لا هو بأساس ولا بناء ولا يسمى اى شىء


انت اللي مش واصلك المعني يا معلم ..

اولا .. انا كل كلامي اللي في الموضوع مبني علي كافة الافتراضات
وكاتبه بدون تبني وجهة نظر ( مع – ضد ) وده واضح
أنت اللي عندك مشكلة
في رؤيتك لاتجاهات او ميول كاتب النص اللي انت صنعتها في عقلك مش محتواه ...
انت شايف قدامك الكاتب .. مش الموضوع .. ولذلك أنت ردك بنيته
علي غير منطقي مش أكتر
وبالتالي أنت حكمت عليا بالتناقض..
في حين اني افترضت الفكرة ..
بس نقدت حكم البعض في سوء ظنهم بحكمة الخالق
فيما يحدث ...
اعتقد الفرق كبير

كيف سيرتفع بناءها وجيوب الشعب مثقوبة ومثقلة بالديون لاخمس قدمها ؟
لك الحرية أن تتبنى ما تشاء وتناصر من تشاء

وللأخرين عقول ايضاََ تستطيع التميز بين ما هو إيجابى وسلبى
من غير الممكن أن يوضع سبب فشل دولة على شعبها
فهذا ابعد ما يكون عن اى منطق ..
مصر لو تولاها شاب فى الثلاثينيات خريج سياسة وإقتصاد شريف وامين

اصلا كل الموضوع مبني أن كل شخص وليه عقله والمفروض
هو اللي يوجهه في ظرف أن فيه دولة مش واضح فيها الصح من الخطأ ..
فمنين ييجي مضمون كلامك
أني مثلا بحكر علي عقول الناس في ارائها ..
اساسا عنوان الموضوع اسمه _ رئيس جمهورية نفسي _
اوضحها اكتر من كدا ايه بس ...

علي فكرة أنت فاهم الفكر غلط
مش معني أني بفرض لرأيي مساحات عشان اوضحه فيها
اني بقولك اتبعه ... او بجور عليك في رأيك ..
او بقول ان غيري لا يستطيع التمييز
غيري قادر يكلم عن نفسه ..
انا مش بكلم باسم حد ...

انا ناقشتك في أفكارك يا ياسر
ندخل بقا نكلم في السياسة

كل الاختلاف بيني وبينك
مبني علي رؤيتنا للأحداث اللي مرت بشكل مختلف
انت شايف فيها المر والظلم لفصيل أنت منتمي ليه ...

انا شايف فيها الشمول
وان المعاناة اللي فيها سواء في الحاضر
أو في الماضي ..
جزء اساسي من تكوين المستقبل ...
لأن ايا كان ملة واتجاه الشخص اللي هيحكم ...
لعدم الرضا هيظل حالة سائدة من الكل طالما هتتواجد المعاناة والتكشف ...
في ظل تراكمات من الفقر والبطالة اللي بتسبب الحاجة
والانهيار في منظومة التعليم والصحة اللي بتأخر البنا للمستقبل ...

وبالتالي السلاح الوحيد اللي بنملكه دايما هو العاطفة اللي بتقودنا في اختياراتنا
ومع ذلك العاطفة بتاعتنا هتظل هي نقطة الضعف الوحيدة اللي بترجعنا للخلف
لأنها مبنية علي الهوا .. ومبنية علي كلمة حق يبني حق
وباطل يبني باطل .. في ظل اصلا
بلد مابقاش فيه حد قادر يفرق بين الحق والباطل
من كثرة المتلونين اللي كانوا علي الساحة
والمتصارعين في الماضي والحاضر لتولي الحكم
أو حتي عدم قدرة الشعب علي اختيار حاكم يتوافقوا عليه
لما اتيحت ليهم الفرصة ودايما انحيازهم للي بيتاجر بفقرهم
ويملي دماغهم بشوية كلام ممزوج بشوية شعارات
عشان كدا كنت بقول ان الموضوع هو اكتساب الثقافة السياسية ..
عشان الشعب يعرف أنه بيختار موظف مش فرعون ..
والسطرين الأخيرين دول كانوا ملخص موضوعي ..

بمعني أني لو وضعت عاطفتي علي ذكريات الماضي
طالما الحاضر مش قادر اغير في تكوينه
يبقي هخليني عاجز عن صنع المستقبل ..

أتمني يكون المغزي وصل يا ياسر ..
أنا عاوزك تعرف اني مش أعمي عن حالنا
بس بحاول استكشف فين المفروض تكون أولوياتنا في الوقت اللي احنا فيه ..

يا هل المفروض نخلينا في حالة انتحاب وانكار لشئ اصلا موجود
ومعطيات الواقع مش قادرة تغيره لاسباب كتيرة واضحة
ولا نتعامل أن فيه مستقبل جاي
ممكن يكون فيه فرصة ان احنا نصلح ما افسده الأخرون
بطريقة لا تزيد الأمور أكثر مما تحتمل..

لأن الثورة حاليا اضرارها أكثر من فوايدها بكل منطقية والكل عارف كدا
حتي المعارضين حتي اصلا الشعب ماعندوش النية عالرغم من سوء المعيشة والغلاء...
وبالتالي الكلام في الماضي هدام لأن مافيش أفعال هتأيده ..

وبالتالي انا بكل وضوح نقطة الفصل بالنسبة ليا أنا محددها من 5 سنين وهو سنة 2022
هي اللي هتحدد مستقبل البلد رايح فين ...
لاما ثورة جديدة او انطلاقة جديدة

بس انا عارف ومتأكد أن نقطة الانطلاق هتكون بدايتها
أن الناس تعرف انه فعلا بقا في عندنا رئيس سابق ..
ورئيس حالي ..
دي هتخلينا نكتسب ثقافة جديدة علينا
وهتفرق معانا كتير جداا .. فوق ما أي حد يتخيل ..
والايام هتثبت ده ..

ودي مسؤلية القوي المدنية ودورها انها تبدأ تجهز من دلوقتي لحد وتقدمه للناس
علي أنه مرشح التغيير وتجهز برنامجه والمفروض ده المشروع
اللي يحصل في أي بلد سوي ..
المهم الناس تبادرقبلها بسنتين مش تستني قبلها بشهرين
وفي الأخر تدور الدايرة من تاني والكل يستهبل و يقولك البلد بيحكمها العسكر ليه ..

اللي بيحكم دلوقتي عمال يبني في طرق وكباري ومدن ومصانع
علي حساب الغلاء والعيشة وسمعة البلد اللي كانت عمالة تستدين او يقبل معونات
ونظرهم ماكنش شايف في الوقت ده غير انهم يعملوا كدا
بس ماحطش لحد دلوقتي اساسات صحيحة انه يبني انسان سوي ..

و الرئيس اللي بعده هيلاقي الطرق والمدن والمصانع متشيدة
فاللي قبله يحاسب علي المشاريب وياخد كل الشتيمة ..
وهو يحصد نتايجهم كمشاريع تجيب دخل للدولة
و بعد كدا ياخد المجد كله بشوية اجراءات تخص المواطن في الصحة والمعيشة
وقرار يخص حقوق الانسان سواء بعمل صلح او افراج عن ناس بعد سنة او اتنين
وبعدين قرار يخص الاجور وغيرها عشان يترشح لفترة تانية ..
لما ميزانية الدولة تتفرغ من بنود كتيرة كانت شغلاها قبل كدا في البنا..

هي الحياة شايفها هتمشي كدا وبآمل انها هتكون كدا ...
هتدور وكل واحد فيها هياخد نصيبه بس لما يقدم الدور اللي ربنا كتبه عليه
ومطلوب منه ... لاما ياخد جزائه .. لاما تثبت حسن نواياه ..

عشان كدا لازم يكون ولائك لأفكارك عشان تكون متقبل
أنك تختلف علي الأشخاص وتعطيهم حجمهم الطبيعي ..

وانا مدي كل واحد حجمه الطبيعي في دماغي علي الأقل
عشان كدا لا بنبهر بحد ولا بنصدم من حد ..
اللي بيحكم بيمثل ليا مرحلة ..
هو بذات نفسه اللي بيحدد بدايتها من نهايتها بأفعاله
ومدي قدرة الناس عالصبر ..
و مدي حسن نواياه من سوءها ...
وفي دماغي دايما ان احنا مش في زمن الصحابة والتابعين
عشان اظن في دماغي ان اللي هيحكمنا هييجي علي نفس الصورة والمنوال
لازم هيكون منقوص من شئ .... وعمره ما جلنا حد وحكم اخر كام قرن الا ما كان عليه مش ليه ..
كل اللي معانا الأمل ليس أكثر ...
ده حتي في زمن الصحابة علي الرغم من فتوحاتهم وتمسكهم بثوابتهم
كان مليان فتن ومصاعب ليمتحن الناس في اخلاقهم وسقط ناس كتير...
فما بالك بينا .. ربنا يعافينا

[ahmed 22]

اقتباس المشاركة الأصلية كتبت بواسطة فداااااااااااء سؤال كيف لشعب يتم تهميش رأيه فى كل النواحى ويعامل وكأنه طفل صغير ومن يحكمون هم الاوصياء العقلاء عليه ان يدفع نحو الاصلاح ؟!!!!! لقد فعلها فى الثورة السابقة وماذا كانت النتيجة تم احباط كل شيئ حتى جعلوه اسوء حالا من ذى قبل وكانهم يعاقبونه لانه صرخ مناديا بالعدل والاصلاح ماهى مسئولية الشعب اذا كان لا يملك السلطة ؟!!ان يثور ماهو ثار بالفعل ونادى باسقاط الديكتاتورية ثم ماذا اتى ديكتاتور اخر العيب في اختياره ؟!! ماهو اختار وفى النهاية عينوا شخص بلا شخصية وخاضع لجماعته ثم قاموا بحبس كل من وقف امامهم بتهمة الخيانة واى معارض اعتقلوه والصقوا له التهم ماذا يفعل الشعب ثانى ان يثور ايضا ثم يعود ثم ماذا الحقيقة هناك الكثير من الكفاءات هل تعلم لماذا انظر الى المصريين الذين يتولون مناصب اوربية وناجحون وانت تعلم اننا نملك الكفاءة ولكن نحن خاضعون للجبروت وانا اؤيدك فى امر واحد ان علي الفرد ان يكون تابع لعقله لا ان ينساق خلف فكر الاخرين سلمت اخى

طب كويس ان احنا اتفقنا علي حاجة ده شئ كويس

بس هو ايه دور الجبروت انه يمنع الكفاءات في الخارج من تولي مناصب داخل مصر ؟

علي فكرة انا من زمان الحوار ده مستفزني .. يعني شوفت أكثر من رئيس وزراء
في اكثر من عهد لكام رئيس اخر كام سنة .. بيقولك عرضنا علي أكثر من شخصية
في الخارج انه يعود ويتولي منصب في وزارات زي الاقتصاد والتعليم وبيرفضوا
لأسباب مختلفة .. فيهم ناس مش حابة أنهم يكونوا في العمل العام.. او شايفين ان المرتب
لا يقارن باللي بيخدوه في الخارج ....وفيهم اللي ناقم علي البلد ومش عاوز يرجع اصلا..
واكيد فيهم ناس بيحبوا البلد وفيهم ناس عاوزة تعيش حياتها .. مش شرط يكون عندهم
قدر المسؤلية اللي انتي متخيلاها فيهم ..
يعني اسباب كتيرة ...

فايه معني أنك تمتلك كفائة في الخارج رافض انه يتصدي للعمل العام او انه يشارك في نجاح البلد؟

وعلي فكرة انا ماعندناش كفائات ... احنا عندنا استثناءات او فلتات ...
.. ونجحوا في الخارج لظروف وفرت ليهم النجاح
زي مقولة احمد زويل المشهورة دي ....
ممكن يكون قادر أنه يتعامل في ظروف بره
لانه عاش هناك سنين طويلة بسيستم محدد
وظروف كتبت ليه هناك
انما لو جيه هنا .. فصعب أنكي تقدري تحكمي علي مقدار تأقلمه
او مدي استيعابه للعراقيل او الدولة العميقة كما يقال عليها ..
لانها ماعشش الظروف دي وسط الناس

اللي هيقدر يقوم البلد .. الناس اللي عايشة فيها
وسط ظروفها .. بس علي مراحل مش هتكون محسوسة ...
لأن احنا سقوطنا كان علي مراحل برضه وصلتنا لما نحن فيه الأن ..

احنا ممكن نلاقي 5 اسماء بارزين زي زويل او مجدي يعقوب الله يرحمهم
بس برضه مش كل واحد برضه بقا مدرس في الجامعة في الخارج
او عمل أكثر من بحث علمي مثلا ..
يبقي المفروض ان احنا نعتبره كفائة قادرة انها تفيد البلد
هو علي مقياسنا يعتبر كفائة .. انما علي مقياس العالم
فهو يعتبر واحد من ضمن الف ممكن يتصنف وسطهم وممكن لاء ..

الفكرة مش بالمسمي الكبير والكيان
الفكرة في قدرتهم علي العطاء من عدمه ...
نيتهم موجودة انهم يخدموا البلد فعلا ولا لاء
اصحاب شعارات ولا اصحاب افعال ..
وهل ما يمتلكوه قادر انه يفيدنا ولا لاء ..

[فداااااااااااء]

انا اخبرك اننا نملك من الاشخاص وهم كثر وليسوا فلتات يمتلكون الكفاءة العالية وخير دليل من هم فى الخارج
وانت اجبت بنفسك كيف نجحوا فى نظم تسعي الى التطوير والتقدم ولم يهتموا بما كانوا عليه وليس بمن يسير الى الان بالبيروقراطية العفنة
وان كنت تشير اخى الي سوء حالنا فاعتقد ان اليابان التى دمرت بالنووى لم تكن افضل حالا منا
انظر كيف كانت اولوياتهم كان بناء الانسان ذاته عبر الاهتمام بالعلم والصحة ثم الاهتمام بالحرف الصغيرة وماذا اصبحت الان
وليس بمن يهتم ببناء عاصمة جديدة يسكنها اصحاب الاموال ولا بالكبارى التى ما من رئيس ياتى الا ويكون هذا اول مشروعاته
فى اخر حديثي اخى رغم ان هناك الكثير من الكلام ولكن لا فائدة منه
اقول اذا كان رب البيت بالدف ضاربا فشيمة اهل البيت الرقص
بمعنى اذا كان من يرأسوننا فسادون وفاشلون فماذا تتوقع ان يكون الشعب

الله يصلح الحال اخى

[ahmed 22]

والله انا عاطول عارف ان الكلام مالوش فايدة
بس انا بكلم عشان احتمال أخرج بشئ جديد ..


بمناسبة اليابان أنا كنت ناوي اكتب موضوع علي نفس الفكرة اللي بتكلمي فيها دي
وخصوصا ان عدد سكان اليابان برضه 120 مليون زي حالاتنا كدا
بس هكتبه هنا في الرد مختصر .. يمكن نوصل لشئ

علي فكرة اللي أوصل اليابان الي ما هي عليه حاليا
هي حالها قبل ما يترمي عليهم النووي ..
قبل القنبلة كانت اسمها الامبراطورية اليابانية

ادخلي الويكيبديا وابحثي عن فترة اصلاح ميجي
اللي بدأت من 1868
وشوفي المبادئ الخمسة للدستور بتاعهم ..
اللي اسست للامبراطورية اليابانية حتي قبل الحرب العالمية الثانية
اللي كانت بتنافس امريكا وانجلترا في الأسواق ..

عودة اليابان ماجتش من العدم
البلد دي ليها عادات وارث متحافظ عليه بيتم تناقله بين الأجيال
ناس من أصل عاداتها حب العمل وعدم الكسل

يكفي اني اقولك أنه من الاعراض الجانبية للتطور بتاعهم
أنهم بسبب انشغال الرجال والنساء بالعمل واسرافهم فيه
ادي ذلك الي قلة معدلات الانجاب لعدم تواجدهم اساسا
وزيادة نسبة العجائز اللي بيزيد عمرهم عن 70 سنة
الي 20 % في وقتنا الحالي ...
وده مسبب ليهم فزع الي حد كبير ..
الناس هناك بتحب تشتغل أكتر ما بتحب تقعد مع عيلتها

اللي حصل في اليابان ده ثقافة شعب مبنية
علي ايمان ملزم بالعمل ...
الناس دي بتموت بسبب الاسراف في العمل
ده سلوك شعب من قبل النووي بقرون ..
مش سلوك اتولد بعديها ...

القنبلة دي اديتهم الحافز انهم يكونوا افضل ..
ويسرعوا من وتيرة التقدم بتاعهم ...


اليابان قصة شعب عمل لنفسه كيان ..
مش قصة شعب في خناقة مع حاكمه طول الوقت..

اللي اكتشفته أن اليابان تجربة أبعد ما تكون عن ثقافتنا
وبالتالي عمرنا ما نقدر نجاري سرعة الرتم بتاعهم اطلاقا
والا هنظلم نفسنا لو قارنا نفسنا بيهم ...
حتي الأمريكان نفسهم بيقولوا كدا ...
يعني محتاجين ان احنا بكرة الصبح نغير من شخصياتنا
للعكس 360 درجة ....

المفروض نبحث عن تجربة مقاربة للمقاييس بتاعتنا ..
ومن سخرية القدر .. اقرب تجربة لينا هي الأمريكية ..
لأن ثقافة شعبهم مقاربة لينا الي حد ما ..