يوميات موظف كادح ( رباعيات )

[ahmed 22]

1

أنا اللي وقت ما اجوع بداوي معدتي بالنوم
ولما بتغفي جفوني يهزني ميت كوع
ام العيال قارفاني بالدرس والمصروف
يا ولية غوري كدا نامي فاضل كمان اسبوع

2

صبرت والدنيا فصلت شحن
وانا عمري قلبي ما شاف غير نحت
كشف المرتب وصل الله ده بقا يوم عيد
كشف الديون اتحط نصي اللي تحت اتلط ..

3

أنا اللي راتبه من ورق
وقالولي قيمته فلوس
زهرة شبابي أنسرق
في الدرج بكالوريوس

4

ليه يا دنيا كل اللي بينا ابواب
كل ما اعافر فيكي مالقاش لرجلي ركاب
صوت الخطاوي اقترب زرع في ابني الخوف
مديون في وسط الفزع مستني قبض اليوم ..

[احساسى صحيح]

رووعة بجد ابو حميد
عجبنى التسلسل جدا
وتعبيراتك كانت متوافقة والصورة

موفق يا رب
تحياتى

[نجاة حسام]

دى كده يوميات موظف مصرى 🤗 احسنت الوصف
تحياتى

[*فجر الاسلام*]

جميل اسلوبك
ربنا يصلح الحال
تسلم ايدك
بالتوفيق

[يــزن]

جميل يا راقي ما جودت به
والله المستعان على المسئولية ويرحمنا
كل التحية لك أخي الغالي والتقدير

[فداااااااااااء]

الموظف زمان كان الكل يحسده
دلوقتي يحتاج للعطف

سلمت اخى وبالتوفيق لك

[دمعه حائره]

ماشاء الله رباعيات جميله
رائعه تسلم وموفق يارب

[.Lamar]

اللي راتبه من ورق
وقالولي قيمته فلوس
زهرة شبابي أنسرق
في الدرج بكالوريوس

عجبنى الجزء دة اوى
الفلوس بقيت ملهاش اى قيمة
و الشهادات مركونة محدش بيشتغل بيها
بلد كل حاجة فيها ماشية بالمقلوب
وواخدانا فى سكتها

جميل تعبيرك عن الصورة
تسلم اخى

[ساحر الأحزان]

ربنا معاة
يعينة ويصبرة
أحسنت يا أحمد

[fanaa]

واقع مرير
ومافيش اى تغير
كلمات جميله ومعبره جدا