أهو جه ياولاد أفرحو يا ولاد( صورة فى رباعية)

[(طائر الشرق)]

أهو جه يا ولاد أفرحو يا ولاد
*****

أخر الشهر يا أخــر الشهر منتظرين بقالنا دهـر
*****

راتب جاى ومعاه الفرح بعد تفكير عصرنى عصر
*****

أخماس ف أسداس يارب متفضحنا وجملها بالستر
*****

العيشه بقت صعبة والناس بتقـول يا شر اشتر
*****

فيه عــيال بتقــول هـــم عــيازه تلبس وتتغندر
*****

ومحصل كهــربا واقف على الـباب بيشخط وينتر
*****

وبقال عمال بينده ياعــم احمد بقينا اخر الشهر
*****

ولا المــدام ايوه المــدام طلباتها تكسر الضهــر
*****

دروس ومكياج وأنــتر نـت وزيت وكـــريم لشعــر
*****

ليلاتى سهران أجيبها يمن شمال لوش الفجــر
*****

اقــول هــانت هتتعدل يارب لك ألف حمد وشكر
*****

دفعنا الميه ومقاضى البيت يادوب باقــى الجـزار
*****

تليفون بيرن الو أبعت ياعـم باقــى فلـوس النجار
*****

والله أنت بقيت محتار ديون كتير فـ طابور الأنتظار
*****

والـراتب يوم واحــد فى الشهر بلغنى قرار الفرار
*****

ودمتم
*****

عصام مرزوق

[فداااااااااااء]

ودى معاناة كل موظف
الاسرة بقت تحتاج الى راتب راتبين ثلاثة علشان تقدر تعيش بشكل كويس
جميلة الكلمات
سلمت اخى وبالتوفيق لك

[*فجر الاسلام*]

كل ده الله يكون فى العون
تسلم ايدك
بالتوفيق

[دمعه حائره]

الله يعين الناس على اللى هم فيه
معاناه بجد تسلم اخى كلمات معبره

[.Lamar]

الحال بقى صعب على كل الناس
حتى اللى كانوا عايشين مرتاحين
ربنا يهون
جميلة اخى
سلمت يمينك

[احساسى صحيح]

كلمات واقعية
جسدت حياة اغلب الناس
تسلم اخى عصام
ربنا يوفقك

[fanaa]

الموظف المصرى الكحيان
مش هيفوق ابدا
الله يعينه
كلمات واقيعه وحلوه
يدووم التميز

[(طائر الشرق)]

اقتباس المشاركة الأصلية كتبت بواسطة فداااااااااااء ودى معاناة كل موظف الاسرة بقت تحتاج الى راتب راتبين ثلاثة علشان تقدر تعيش بشكل كويس جميلة الكلمات سلمت اخى وبالتوفيق لك

حتى أن كان راتب أو خمسه مطالب الناس

أصبحت تفوق الأحتمال ومفيش حد راضى

مهما كان الدخل كل ما يكتر المال كل ما تتفتح

ابواب أكتر

شرفتينى فداء

[ساحر الأحزان]

فكرتنى بشهر رمضان
أحسنت عصام
فى جمال وحسن التعبير منك
موفق اخى

[د/ عبد الله]

جميلة كلماتك وصعبة المعاناة
بالتوفيق