نقاب ولا عذاب

[(طائر الشرق)]

السلام عليكم ورحمة الله

أسعد الله مسائكم بكل خير

أعضاء منتدى بنات مصر الكرام

من دون مقدمات

من المتعارف عليه فى بلاد المسلمين أن النقاب هو ستر للأنثى لمن أردت

أرتدائه والغرض منه هو حجب جمالها عن أعين القناصه أو سنه أو زى شرعى

حسب مفهوم كل أنثى

ولكن ما يحدث الان يحتاج لتفكير عميق هل الغرض من الحجاب هو أرضاء لله

عز وجل أم هو هروب من شئ ما

عندما نجد أنثى ترتدى حجاب ليستر وجهها حتى كتفها ثم ترتدى جلباب يفضح

كل تفاصيل جسدها تنحت الجسد نحت والمكياج حول عينيها يفضحها ثم خطوات

لا أعلم ما القصد من خلفها أنا لا أعمم وأعلم أن هناك الكثير من تخاف ربها وتصون

عرضها وتحترم نفسها وتصون من أختارها لتكون شريكة العمر

تم

[countess doha]

النقاب ليه حُرمة وليه قوانين مش اي حد يلتزم بيها
وهوا زي امانة لازم تحافظ عليها وهتتحاسب اشد حساب لو قصرت في فروضه

انما بالنسبه للي بنشوفه اليومين دول
اغلب اللي بيلبسوه ف بيداروا بيه عيوب تانيه

او بيستخدموه في وسائل تانيه

في المجمل العام لو من هتصونيه البسيه

ربنا يسترنا وييستر نساء المسلمين

[*فجر الاسلام*]

والله انا سالت نفسى السؤال ده كتير
وشوفت الأشكال دى برضو
فأنا هتابع الردود لان نفسى افهم الغرض من كده

[غدي فلسطين]

متابعة موضوع في غاية الأهمية ... وحقيقة لايستحضرني بالضبط مااكتبه ..
فالظاهرة أصبحت متفشية جدا ... والمغزى لانعرفه للأسف ...

[fanaa]

الا اعرفه ان طالما هلتزم يبقى التزم بما يليق
النقاب ليه احترامه وهيبته
بس للاسف حتى الموضه دخلت فيه
متابعه

[د/ عبد الله]

النقاب مختلف فيه ما بين انه فرض أو سنة
وكل فريق ليه أدلته
ومن الناس اللي قالو ان النقاب مش فرض الشيخ الألباني
في كتابه جلباب المرأة المسلمة في الكتاب والسنة.
وكل واحدة ليها الحق تاخد برأي من الاتنين.

لكن اللي مفيش خلاف عليه هو مواصفات لباس المرأة
واللي لازم يكون فضفاض لا يصف ولا يشف ويستر الجسم كله...الخ
فستر الجسم ما عدا الوجه والكفين هو الفرض اللي مفيهوش خلاف

أحيانا بنشوف واحدة لابسة نقاب ولبسها ضيق إلى حد ما
ده غالبا بيكون لجهلها بمواصفات اللبس اللي المفروض تحافظ عليه

وفيه اللي بتبقى لابسة نقاب ولبسها وتصرفاتها غريبة
هنا غالبا النقاب مش تدين وله أسباب تانية
زي ان فيه حاجة ف وشها عايزة تداريها
أو مش عايزة حد يعرفها...أو غيره

مش شايف فرق بينها وبين اللي لابسة طرحة مغطية شعرها
وبنطلون جينز مبين كل تفاصيل جسمها

غير ان الطرحة بقت تتلبس كعادة فقط فبيكون الانكار عليها أقل
من المنتقبة اللي الناس بتبصلها على انها حاجة تانية.

والحقيقة ان المنتقبة زيها زي غيرها ممكن تغلط عن جهل او عن عمد
وكل انسان هيتحاسب على تصرفاته وهو حر ف اختياره.
فمش لازم بقى نقول دي منتقبة وازاي تعمل كده
أو دي منتقبة فتبقى أفضل من غيرها
التصرفات والاخلاق هي اللي بقت تحكم
فبلاش نبني أحكام بناء على المظاهر وبس

[ahmed 22]

مش هكلم عن اللي لبساه لغرض غير الالتزام
فده مرض وسوء سلوك بيسوء سمعة النقاب ..
ومافيش فضيلة عامة الا وكانت ليها من يسئ فيها ..

انما المشكلة عمرها ما كانت في النقاب
أو حرية الاختيار .. فكل واحد مسؤل عن طريقه اللي اختاره
وماحدش يقدر يحجر علي حد عامة فيما آمن به..
الفكرة في عقلية اللي لبساه
ومدي استيعابها لخلفيتها الدينية والثقافية
والمسؤلية اللي هتعود عليها في اظهار صورتها
بما يليق فيما اختارته ...
المسؤلية اللي تخليها تكون صامدة ضد اغراءات كثيرة
في مجتمع الطالح عامم فيه أكتر من الصالح
مسؤلية حتي في اختيار شريك حياتها اللي يمدها بالقوة للمواصلة
مسؤلية أنها تكون قدوة في اظهار الوجه الحقيقي للالتزام
مش خيار بدون اقتناع يسبب ليها انتكاسة بعد ذلك
يعود بالضرر بعد ذلك علي غيرها ..
وخصوصا أن المجتمع أصبح لا يعارض التحرر
والبعض اصبح يري في عدم الالتزام ببعض المعايير الاخلاقية والعودة عنها
انتصار لصالح الحرية والحداثة ودعوة للمرأة من أجل حياة افضل
بل أصبح التحرر سمة من سمات تقدمه وعلامة لأن تكون
نجم ساحة او رول موديل زي ما بيتقال ..

المهم ان الناس لازم تستوعب ان في بعض القرارات في الحياة
لما الانسان بيتخذها يجب أن يعلم ان وراها مسؤليات مش مجرد تجربة
عشان مايكونش ليها توابع في المحيط الخاص بيها
فيصبح الأمر أكبر من أنه قرار شخصي ...
بل قرار يخص الديانة والعقيدة في مجتمع مذبذب
يقاس نسبة التحضر بمدي تعري المرآة من ثوابتها ..
والا فلتتدين بمقدار ما تملك من عزيمة ومدي معرفتها بنفسها وشخصيتها ..
فالنقاب عامة فضيلة واختلف العلماء في كونه فريضة ..
وبالتالي الاجتهاد والقرار الشخصي للفرض هو ما يثبت قناعاته في قرار
ارتدائه من عدمه ... واعتقد ان قرار ارتدائه حاليا هو بمثابه جهاد مصغر ..

[دمعه حائره]

الحجاب او النقاب اتعمل للستر مش للتستر
لما بتلبسهم عن اقتناع بتكون ملتزمة بالشروط والحلال والحرام
لكن لما بتتغصب عليه طبيعى تتصرف كده
ربنا يهدى

[عهود~]

بعض البنات تتخذ من الحجاب والنقاب وسيلة جمالية
وليس سترا و لا عفافا ..

شكرا

[Aya 7ekaya]

انا كمان نفسى اوصل لتحليل للتصرفات دى
مبدأيا الحجاب ف مجتمعنا عاده ، ف هتلاقى كتير من البنات لابسه الحجاب لانها لازم تلبسه لكن زيها لا يتناسب اطلاقا مع الحجاب فى شروطه
وممكن نطبق قاعده مشابهه على النقاب بعض البنات مجبره على النقاب وهى مش مقتنعه ف بتبدأ تحرف فى الزى
لكن اللى مش مفهوم انى اكون لابسه النقاب عن اقتناع ومش ملازمه بضوابطه وشروطه ف اكيد فى خلل نفسى
موضوع هام جدا و الكلام فيه يطول