جواز من غير جهاز(نجوم الحصريات)

[*فجر الاسلام*]

لو جالك بتاع النيش قوليلو وحياتك مافيش
كان والله ع عيني هجبلك منين الصيني
وفناجيل وصواني وملامين بسعر تاني
وكاسات ومعرفش ايه حجات فاضيه بكام الف جنيه
طيب لو تلغيه ياريت والا ماتهوبش ناحية البيت
كفايه كتر هموم مش كفايه عليا الهدوم
اسعارها زادت النص لقيت بتفرج بس وابوص
من غير شوشره وربكه اعمل حسابك ف مهر وشبكه
ابويا عاوز الدهب ميه ايوه عارفه قليل شويه
هتقول الجرام بكام طيب اوك تمام
جبت الزيت والسراميك شقتك جاهزه والشبابيك
لسه استنو عليا مافيش حاجه باديا
اه ده انت جاي غلط مش ناقصه وربنا عبط
حد قالك تتجوز وتيجي تشحت وتبوز
انا مالى هاجيب منين لمايبقي ف ايدك مليونين
تفكر تدخل الباب ف ايامك دي الهباب

ماتحلموش ان الجواز يبقي من غير جهاز :-D
احلموا بانبوبه من غير بوتجاز
ولعو ف نفسكوا بجاز
غير كده
مافيش جواز من غير جهاز

[fanaa]

هههههههه طب ما اقولك ع حاجه اسهل
ينتحروووو
هههههه خوزعبوله جميله ياقمرى
بالتوفيق

[Aya 7ekaya]

ههههههه والله هم يبكى فعلا
احنا شعب بيحب الافوره وهو مش لاقى ياكل
تسلمى ي فحر بالتوفيق

[محمد العبادله]

الاخت الفاضلة
حرام عليكم يا بنات
الرجل حراث من المهد الى اللحد
يشتري شقه ويجيب جهاز ويجيب ويجيب
ارحمونا ههههه
تحياتي لك فاضلتي

[دمعه حائره]

الا النيش ده المتحف بتاع البيت 😊
متنفعش الجوازة من غيره يافجر
ربنا يوفقك

[يــزن]

هههههههههههه
طب هتعنزو زتخللوا
يعني مفيش جدعنه كدا
ههههههههههههههه
الله عليك يا فجر

[فداااااااااااء]

دى فى جوازات اتفركشت بسب المتعوس النيش دا

الحياة بقت صعبة
رغم اانها للفكاهة لكن امر واقع ومحزن
سلمتى فجر

[rami 77]

بظن الناس اصبحت مجبره خلاص
انها تستغنى عن حاجات كتير ومنها النيش

[جااارة الوادي]

ههههه فكرة حلوه برده
طيب ياريت يعملوا كدا
كان زمان الحال اتغير
خزعبلايه جميله