البنات تافهة و نكدية

[.Lamar]

فى حياة كل بنت و كل شاب حلم
هى بتحلم و بتحط مواصفات للانسان اللى بتتمنى
يشاركها حياتها و هو كمان نفس الشىء
فى بداية اى علاقة ارتباط .. خطوبة .. جواز
كل حاجة بتكون وردية و حلوة
مع الوقت المشاعر بتهدى و بينتقلوا من
مرحلة الاعجاب و اللهفة لاكتشاف الاخر
لمرحلة التعود و التكرار
اما بنوصل للمرحلة دى البنت عموما
بيكون عاجبها البدايات و متمسكة بيها
و بتفضل تقارن بين معاملته زمان و دلوقتى
بتبدأ تفتقد الحالة اللى كان معيشها فيها
و الراجل صراحة مبيتوصاش
غالبا مهما هى اشتكت بيحس انه مقصرش
و انها بتتلكك او بتنكد او بتأفور
و من هنا بتبدأ المشاكل و الخلافات
اللى ممكن تضيع كل حاجة مع الوقت
هى ليها طلبات معينة و معقولة
و مش هتجهده و ان ملقيتهاش منه
هتلاقيها فين
و هو مش بيستوعب دة و بيحس
انها زنانة و احتمال تافهة
و ان فيه اولويات اكبر من اللى بتفكر فيه

ليه كل دة بيحصل و ليه مش كل واحد
بيقدر عقلية التاني و يحاول يحتويه
و ليه بيسيبوا المشاكل تكبر
لحد ما تهدم كل حاجة حلوة بينهم
و تبقى الحياة بينهم مستحيلة
يا ترى دة عيب من البنت اللى لازم تستغنى
عن كلمة حلوة او اهتمام منه
و لا عيب الراجل اللى مبيحسش
ان دة حاجة مهمة عندها
و مش بيحاول يشوف ايه مضايقها
و يصلحه عشان يرضيها

[فداااااااااااء]

بعض الرجال ينظرون الى هذه الامور بتفاهة رغم انها مهمة خاصة للانثي لانها كائن يتحكم فيه المشاعر اكثر من العقل
ولكن الرجل لا ينتبه لهذا لانه يريد ان تتطبع الفتاة على طبعه وان تقبل فُتات مشاعره
لكن الحقيقة هذا الامر يتواجد فى العلاقات السطحية او ذات بريق مؤقت ام العلاقات القوية
فان مشاعر الاهتمام من الرجل بتكون متواجدة
الفتيات ليسوا نكديات الا من بطبعه هذا وانما يحتاجون للاحتواء لا اكثر

سلمتى لمار

[محمد العبادله]

فى بداية اى علاقة ارتباط .. خطوبة .. جواز
كل حاجة بتكون وردية و حلوة


اكيد لان القرد في عين امه غزال
الطرفين كل منهم يتغاضى عن مساوئ الاخر
واحياناً يصاحبها نوع من التمثيل
تحياتي لك فاضلتي

[maa£]

في البدايه كل واحد بيبقي عايز يظهر نفسه كانه ملاك نازل ع الارض عشان يسعد الطرف التاني بعد فتره بتكتشف ان الملاك ده انسان عادي زي باقي الناس وهنا بتظهر الصدمه وبعدين الاولويات بتختلف من الراجل للسكت للاسف الراجل مش مقدر ده وان البنت ممكن تعيش علي كلمه كويسه علي حبه اهتمام وتقدير
موضوع مهم جدا
تسلم ايديك

[جااارة الوادي]

تمام البدايات دائما جميله
انتى لخصتى فعلا العلاقه بين الطرفين
وغالبا بتكون النهايه اما فراق
او يستمر الوضع مع تنازل احد الطرفين
او يحاول التغيير من اجل الاستمرار

تسلمى على موضوعك القيم

[د/ عبد الله]

أنا شايف ان الموضوع مش تفاهة قد ما هو عدم فهم لطبيعة الاخر وسوء اختيار للتوقيت
يعني البنت بطبيعتها بتحب الراجل يتكلم معاها كتير وتحب تكلمه ف الحاجات الصغيرة اللي مش شاغلة باله
تحب لو هي زعلانة يقولها مالك 75 مرة ..وتكون حاطة الرقم ف دماغها وترجع تقول ده مقاليش مالك غير 74 مرة

الراجل مبيحبش يتكلم كتير وبيكون عايز اجابات محددة وبيقول اجابات محددة
لو سألته مالك وقال مفيش يبقى مش عايز يتكلم ولما تقوليله مفيش يبقى فاهم انك مش عايزه تتكلمي

الراجل بيكون شاغلة 100 حاجة بيفكر فيها غير البنت
فمعلش لو لقيتيه في وقت مبيقولش كلمة حلوة أو نفسيته مش كويسة
مش لازم تزني عليه..لان فعلا كتير من البنات زنانة
يبقى تختاري الوقت المناسب وتقدري ظروفه.

[دمعه حائره]

مشكلة البدايات التمثيل
كل طرف بيبن احسن مايمكن مش بيظهر شخصيته الحقيقية
لما بتعدى البدايه بتظهر الطلبات والشخصية الاصليه
لا هى قنوعه ولا هو بيتمنى رضاها
بتحصل المشاكل من هنا
موضوع جميل تسلمى لولو

[Mind language]

هى مش تافهه وزنانه ونكدية

ولا هو مكبر دماغه من ناحيتها

كل الفكره انى فية معادلة فى المنتصف

لو قدروا يحلوها ساعتها هتستمر الحياة

بشكل افضل ويقدروا يوصلوا للحب الحقيقى

اللى يخليهم يستحملوا اى خلاف ويعتادوا

على طباع بعض ويلاقوا حل لمشاكلهم مش

كل العلاقات والارتباطات بتنتهى بفشل فية

منها كتير بيستمر وبيكمل بنجاح وحب

مدى الحياة .



دومتى مبدعة يالولو طرح مميز

[ايمان طلعت]

لو الرجل قدر يفهم المرأه ويحتويها مش هيقول عليها نكدية
وبعدين مفيش زن في المشاعر

[.Lamar]

اقتباس المشاركة الأصلية كتبت بواسطة فداااااااااااء بعض الرجال ينظرون الى هذه الامور بتفاهة رغم انها مهمة خاصة للانثي لانها كائن يتحكم فيه المشاعر اكثر من العقل ولكن الرجل لا ينتبه لهذا لانه يريد ان تتطبع الفتاة على طبعه وان تقبل فُتات مشاعره لكن الحقيقة هذا الامر يتواجد فى العلاقات السطحية او ذات بريق مؤقت ام العلاقات القوية فان مشاعر الاهتمام من الرجل بتكون متواجدة الفتيات ليسوا نكديات الا من بطبعه هذا وانما يحتاجون للاحتواء لا اكثر سلمتى لمار

مش شرط العلاقات السطحية يا مروة
بس جزء تتطبع بطبعه دة مضبوط
مع رفع شعار بلاش وجع دماغ

نورتى حبيبتى