وانا كمان ابن خالى عنده ...

[Mind language]

السلام عليكم ورحمة الله وبركاته


بقالى زمن مجتش هنا حبيت انهارده
اطرح موضوع واشوف آراء حضرتكم
متفقين معاية فية ولا مختلفين اول
حاجة انى فية ناس بتحكى معاها تلقائى
مش بتقصد انك تتكبر فى الكلام ولا تتباهى
بحاجة عندك فيفهم الطرف التانى انه تكبر
منك يروح موقفك بكلمة وسط الكلام انا كمان
ابن خالى عنده كذا او صاحبتى معاها كذا
بنت خالتى عملت كدا فعلا زيك انا اخدت انا
عملت انا روحت انا جيت فمعظم الكلام لحد
النهاية وهو فية نفس الاسطوانه ان مكنش هو
عمل الحاجة يدور على اقرب حد لية عملها ويقول
فلان كذا هنا الشخص ده من وجهة نظرى اما عنده
نقص بيداويه بالمقارنه طول الكلام يا اما مرض
ملازمه ومش قادر يستغنى عنه اصلى مش منطقى
يعنى انى كل ما اقول على حاجه تكون انت عملتها
واخدتها وروحت وجيت واهلك كلهم عملهوا ان مكنش
اهلك يبقى اقرب صاحب ليك ان مكنش صاحب يبقى
جيرانك هى بتحصل اكيد وبتتشابه الافعال بس مش
لدرجة الافوره الزيادة المبالغ فيها من وجهة نظرك
الشخص ده بيكون فعلا الناس دى حصل معاها نفس
اللى انا بحكيه ولا مجرد كلام فاضى من الشخص ده
ونقص بيحاول يكمله بانتظار آراكم ونصائحكم فى
التعامل معاه يكون ازاى بعد كدا ؟؟

[countess doha]

ده بيكون شخص حاسس بنقص من اللي بيتكلم
ف بيحاول انه يعوض النقص ده بحاجات تانيه زي ماقولتي كدا حد قريب ليه عملها
او حتي معملهاش المهم انه ميحسش انه قليل
واللي بيحرق الدم اكتر انهم بيعيشوا الدور في حياه ناس عارفين هما ع ايه او ايه هيا حقيقتهم
ف الناس دي اللي بنعمله معاها بناخدهم ع اد عقلهم لانك لو احرجتهم هتدخل في متاهات تانيه

نورتي من جديد ياغاليه

[Mind language]

اقتباس المشاركة الأصلية كتبت بواسطة countess doha ده بيكون شخص حاسس بنقص من اللي بيتكلم ف بيحاول انه يعوض النقص ده بحاجات تانيه زي ماقولتي كدا حد قريب ليه عملها او حتي معملهاش المهم انه ميحسش انه قليل واللي بيحرق الدم اكتر انهم بيعيشوا الدور في حياه ناس عارفين هما ع ايه او ايه هيا حقيقتهم ف الناس دي اللي بنعمله معاها بناخدهم ع اد عقلهم لانك لو احرجتهم هتدخل في متاهات تانيه نورتي من جديد ياغاليه

كلام جميل والاجمل مرورك على التوبيك نورتينى برايك شكرا

[غدي فلسطين]

أولا ..مساؤك جوري وبيلسان سيدتي ..
انرتي معالم الكون باطلالتك الوردية ..
من وجهة نظري قصيرة المدى ... أعتقد ان هكذا شخص يعاني من "فوبيا الالتقاء الذاتي "
ويحاول ان يعوض ذلك بالتحدث عن الاخرين ..حتى لو لم يكن هناك أحد ليتكلم عنهم ..ينسج من خياله قصة ليوصل رسالة مفادها "أنا مثلك "

[.Lamar]

بصى يا اميرة هى حاجة ممكن تعصب
بس مع التكرار قدامك حل من اتنين
يا تتعودى و تكبرى دماغك
يا تقصرى فى الكلام
و دة حسب الشخص دة ايه
هل حد تقدرى تتجنبيه او لا
فى جميع الاحوال فيه ناس متحبش
تبان مش فاهمة او اقل من اللى قدامها
و زى ما قولتلك القرار فى ايدك
تتعاملى ازاى

هروح اشكر اللى زعلوكى ههههه
عشان جيتى و كتبتى الموضوع
منور الدنيا يا باشا

[د/ عبد الله]

أنا هختلف معاكو شوية
معظم الناس في مصر بيحبو يشاركو اللي بيكلمهم ف الحوار بشكل كبير
يعني ان قلت مثلا انا عملت كذا وكان الموقف حصل معاه او مع حد يعرفه
تلاقيه ع طول يذكر الموقف وهو حصل معاه ايه واتصرف ازاي
على سبيل انه يفيدك بالتجربة والنصيحة.
يعني ف الغالب بيكون كلام بحسن نية.
ده ميمنعش ان فيه بعض الناس بيكون مبالغ فيهم
او عندهم عقدة نقص.

[دمعه حائره]

هى لو من باب التحاور وتبادل الخبرة والمعرفه مفيهاش حاجه
لكن لو اسلوب حياة وتفاخر اعتقد هتكون مبالغه وغير مرغوب فيها
سلمتى

[ايمان طلعت]

فيه ناس بتحب تتباهى عندي كذا او عملت كذا
وفية اللي يقول بردو عندي وعملت وبيكون كدب عشان متظهرش انها اقل منك ودي عقدة نقص او عدم رضا
فالاحسن تتجنبي الكلام مع النوعية دي ويبقى التعامل في حدود