الطلاق في مصر

[haytham ali]

بسم الله الرحمن الرحيم

السلام عليكم ورحمة الله وبركاتة



زي ماهو واضح في العنوان حابب اتناقش معاكم النهاردة عن الطلاق في مصر

بس قبل ما نتناقش خلينا نوضح الارقام والنسب اللي منشورة في مواقع كتير


في 04 مايو 2018 نشر موقع اليوم السابع خبر عن حالات الطلاق في مصر


رصد الجهاز المركزى للتعبئة العامة والإحصاء، فى تقرير حديث صادر عنه، إحصاءات الطلاق فى مصر خلال 2017، والتى أوضح بها أن إجمالى حالات الطلاق بلغت فى العام الماضى، 190.032 ألف حالة.



في 19 يوليو 2018 نشر موقع صيني ان عدد الحالات بيزيد


أما طبقا لفئات السن بالنسبة للمطلقين، فقد سجلت أعلى نسبة طلاق في الفئة العمرية من 30 إلى أقل من 35 عاما، حيث بلغ عدد حالات الطلاق بها 40 ألفا و53 حالة بنسبة 20.2 %، بينما سجلت أقل نسبة طلاق في الفئة العمرية من 18 إلى أقل من 20 عاما، حيث بلغ عدد الحالات بها 690 حالة بنسبة 0.3 % من جملة الحالات.

وبالنسبة للمطلقات، فقد سجلت أعلى نسبة طلاق في الفئة العمرية من 25 إلى أقل من 30 عاما، حيث بلغ عدد حالات الطلاق بها 38 ألفا و842 حالة، بنسبة 19.6 %، بينما سجلت أقل نسبة طلاق في الفئة العمرية من 65 عاما فأكثر، حيث بلغ عدد الحالات بها 1315 حالة طلاق بنسبة 0.7 % من جملة الحالات.



اما موقع عربي بوست فكان بيناقش أسباب الطلاق واعتقد تحليلات مش منطقية




وجود السوشيال ميديا أيضاً له دور كبير في تغيير نظرة الرجل والمرأة عن الزواج. فالرجل يرى نجمات الغناء والسينما العربية والغربية، ويقارن زوجته بهنَّ، وهي مقارنة غير عادلة بالطبع، على الأقل من حيث الظروف الاجتماعية والإمكانات المادية. وفي عملي أستمع لبعض الشكاوى تدور حول تلك المقارنات، التي رَفعت سقف طموحات الرجل في جمال زوجته، وبعض النساء أصابهن هوس التجميل والموضة؛ كي ترى نفسها في القالب المتعارف عليه للجمال. وكثيراً ما يحدث أيضاً أن يقارن الرجل زوجتَه بالزوجات السوريات والمغربيات، وهي أيضاً مقارنة غير عادلة، فتكاليف الزواج وأعرافه تختلف كثيراً، فقلَّما تجد زوجة عربية تُعيل أسرتها، بينما يكثُر هذا بمصر بشكل جزئي أو كلي.


المرأة في مصر الآن تبذل جهداً يقارب جهد الرجل أو يتفوق عليه، بعضهن تعمل أكثر من وظيفة؛ كي تساعد زوجها في تكاليف الحياة، خلاف عملها داخل المنزل ورعايتها لأبنائها، ممَّا يؤثر بشكل قوي على دورها كأم وزوجة، وهذا بالطبع ضد فطرة المرأة. إيقاع الحياة سريع، وتكاليف الحياة كثيرة، الوضع الاقتصادى مؤسف، حتى الشوارع ووسائل المواصلات سيئة، الناس في مصر كثيراً ما يصيبهم الإحباط، والإحباط هو المولِّد القوي للعنف السلبي والإيجابي. وكل هذه الضغوطات تضع الشخصَ في حالة دائمة من التوتر المُزمن، وتأثير التوتر على الإنسان كبير جداً، بدايةً من الأمراض النفسية كالاكتئاب واضطرابات القلق وحتى الإصابة بالسرطان! وكذلك يتأثر جهاز المناعة بشكل قوي بالتوتر المزمن. والحقيقة أننا نعيش في بلد غني بأسباب التوتر؛ أسباب اقتصادية وبيئية، وطرق مزدحمة، وتلوث، نحن نعيش على حافة التكنولوجيا بشكل يضر أكثر مما ينفع؛ حيث صار نجاح الزواج في تلك الظروف أمراً صعباً جداً، والزواج الناجح ليس فقط بعدم الطلاق، فكثير من الزيجات مستمرة فقط لأسباب اجتماعية أو نفسية، لكنها ليست زيجات صحية وفعالة.



يا تري ليه نسبة الطلاق في مصر رقم 1 في العالم


هل الحموات سبب في زيادة نسبة الطلاق


في الخبر دة


احصائية بتقول ان من اسباب الطلاق


الخلافات المادية
واحتلت الخلافات المادية نصيب الأسد من الخلافات الزوجية وخاصة استغلال الأزواج للزوجات وإجبارهن على الإنفاق فى 2017 وسلبهن رواتبهم بالكامل بـ55% .


عايز اعرف وجهات نظركم الاسباب ايه اللي تخلينا رقم 1

[فداااااااااااء]

كان ممكن زمان نحدد سبب بعينه انه هو وراء زيادة الطلاق في مصر ولكن في الاونة الاخيرة اصبحت عدة اسباب منصهرة في بوتقه
واحدة هي سبب في احداث تلك الزيادة في عدد المطلقات
منها الرغبة في حياة اجتماعية مرفهة وهذا غير متناسب مع مرتب الموظف بالاضافة لارتفاع الاسعار
رغبة الرجال في مرأة منزهة عن اي عيب وكاننا خلقنا كاملين
وفتاة تريد رجلا اميرا يمتلك خزانة مملؤة بالاموال
الزواج المبكر والتوهم ان الزواج هو ما يراه الشباب في الافلام

اهم شيئ بالنسبة لي عدم النضج وعدم تواجد التفاهم بين الشخصين
هي اسباب كثيرة اسيب غيري يسرد ما تبقي منها
انا مصدعة جامد بصراحة هههه فكفاية علي كدا

[ahmed 22]

اللي فهمته من الاحصائيات
ان نسبة الطلاق تتعدي 40% ما بين 25 ل 35 سنة
والطلاق عامة نسبته حوالي 50 % في المجتمع ككل ..

معدل السن ده بيوضح شئ مهم جدا
وهو ان في جيل محدد اختبر زمنين مختلفين للحياة
لأن الحياة قبل وبعد سنة 2000 اختلفت بشكل جذري
كل عقد ليه سماته المختلفة اللي خلقت فجوة كبيرة
في افكار الأجيال اللي ظهرت في الفترة دي
بسبب الطفرة المستوردة الغير محسوبة تكنولوجيا وثقافيا
اللي حصلت وغيرت من كيميا المخ
بشكل جذري وبطريقة غير محسوسة
لأننا كنا غير مأهلين اننا نستقبلها
واستقبلناها بدون فلتر ..

سواء فجوة في الرضا الاجتماعي .. معظم الناس بقت بتبص لبعض
فجوة في الطموح ... فماحدش بقا راضي بعيشته
او النضج المبني علي الاتكالية لأن الحياة أصعب
من أنك تبنيها لوحدك ... وبالتالي بتسبب تدخل الاسرة
فجوة بسبب الميديا اللي زرعت الشك في عقول الكل
بأخبار متناقلة ومتناثرة كل يوم فتحت عيون الشباب
لحقايق كان ممكن انك تغض عنها وبالتالي ماتكونش
سبب في بناء عقول تافهة

وفجوة بسبب التليفزيون والنت اللي شبع العقول بشهوة وغريزة
ولغي الحدود في عقول الشباب اللي ممكن يرضي بيها
فبقي كائن جشع غريزيا ...

وكل سبب من دول ممكن يتجمع في شخص واحد
وبيترتب عليه أنه يصنع حاله فتبقي ظاهرة واضحة للكل
تمثل خطر ...

اعتقد ان النسبة هتقل تدريجيا لأن العقول بدأت تستوعب الوضع الجديد
والهوجة بعد سنة 2000 بدأت تقل ...
فاضل بس الحالة الاقتصادية اللي لازم تتحسن عشان تكمل المعادلة ..

[ندوشه 2011]

اكبر نسبه طلاق بسبب الحموات الملعونه هاهاها

[دمعه حائره]

اهم سبب فى الطلاق هو التمثيل فترة الخطوبة
سواء من الزوجين او الحموات نفسهم
كل الاطراف بتحاول تبان فى احسن صورة
وبيتصدموا فى الواقع لما بتم الجوازة
ضيف عليهم اسباب مادية وتدهور الحاله الاقتصادية
وفيه اسباب خاصه بالخلفه سواء خلفوا او لأ فيه مشاكل
الرضا والقناعه والتفاهم اهم اسباب تخلى الزواج يستمر
وان كل طرف يتقى الله فى الاخر
تسلم

[جااارة الوادي]

الطلاق فعلا اصبح كارثه اجتماعيه
نتيجة تحول المجتمع فى عاداته وقيمه ومبادئه
لو جينا نشوف الاسباب هنلاقيها متشابكه
ومتعدده والكل عارفها
احنا فعلا محتاجين تغيير فى منظومة القيم والمبادئ وتربية الابناء من الاساس
طرح قيم
تحيتى

[countess doha]

الطلاق بقي احتفاليات في الفتره الاخيره

حاجه تحزن بجد , خصوصا لو فيه اطفال

ازاي في اشخاص او اهالي يطبقوا الطلاق لمجرد خلافات علي العزال ؟!

وده بقي اولي الاسباب حاليا
ربنا يستر بناتنا وشبابنا

[جالس لحالي]

من اهم اسباب الطلاق هو غباء الزوج من حيث انه بيتجوز مصرية علشان يستقر فبغبائه بيمضي على قائمة منقولات اغلبكم عارف ايه الى بيتكتب فيها وهي باختصار زيها زي وصل الامانة ممكن تلاقي نفسك مطلوب لتنفيذ حكم بالحبس ومراتك في بيتك !!!

تفاصيل كتير ممكن اكتبها وطرق شيطانيه عرفتها عن طريق تجربة مريرة لسه مخلصتش

بس بلاش لاني هتحامل فيها على الجنس اللطيف من واقع الى مريت بيه ولسه بمر بيه بس اصعب شىء ان بنتي تكون بعيدة عني 389 يوم وكل يوم بعدي الايام بتزيد والمرار مش بينتهي

الى عايز يتجوز ويستقر

يدخل بيت الرجالة الاول وبعدها يدور عندهم على بنت الاصول

[رنيم حمدي]

تعليق جميل