التلقيح اسلوب حياة

[.Lamar]

من فترة كدة بيدور جواية شوية اسئلة
و غالبا اى حاجة مش بتكون من فراغ
و لاننا بشر طبيعى بنفكر و بنحاول نفهم
انهاردة زى ما واضح كدة من العنوان
التلقيح و التحفيل
يا ترى الظاهرة دى انتشرت ليه
ليه الانسان اللى مضايقه حاجة
ميروحش للى متضايق منه و يكلمه بهدوء و صراحة
ليه يكون البديل تلقيح
هل دة جبن و لا موضة جديدة
و بقى الكل حابب يجربها
عن نفسي بحسها قلة قيمة
و انسان ضعيف خايف يواجه
بيتدارى ورا الهزار او الكلام المرسل
عشان يقول اللى هو عايزه
من غير ما يتمسك عليه غلطة
او لو اتسأل هيقول انا محددتش حد بالاسم
ليه ما نرتقى باسلوبنا فى التعامل و الحوار
ليه ما نكون قد كلمتنا و نتحمل نتايجها مهما كانت
ليه تدارى ورا موضوع او مشاركة او نكتة
عشان تقول اللى عندك

تحية عطرة لكل اللى هيمر من هنا
فى حفظ الله

[رضا التركى]

هو اسلوب رخيص نابع من موضع جبن وضعف

ولو كان الشخص يتمتع بقوة في الشخصية لما كان يتوارى وراء قصدٍ في نفسه

والترفع عن ضغائن النفوس وحقد الآخرين أراه الحل الأمثل

دمتِ بكل الخير وراحة البال

[دمعه حائره]

التلقيح اسلوب جبان ورخيص وهناك من يجعله اسلوب لحياته
لانه لا يملك الشجاعه الكافية لمخاطبه الاخر ومواجهته بعيوبة
او ما لا يعجبه فيه
النصيحة محتاجة لباقه واخلاق ان كان هدفها نبيل
تسلمى

[ahmed 22]

مافيش احسن من الدوغري طبعا
والتلقيح سلعة المفلسين
بس يا ريت الناس فعلا تواجه
وتتحمل عواقب المواجهة
وتعرف ان في ضريبة لكونها صريحة
في مجتمع الصراحة بتزعل فيه
اكتر من التلقيح ..

ربنا يعين البشر علي عقولها

[د/ عبد الله]

هو التلقيح على حد يكون خصم وبينهم مشاكل فده أسلوب قذر
وعمره ما كان من صفات الرجال

لكن ف بعض الاحيان ممكن حد يستخدم أسلوب غير مباشر للفت انتباه شخص
لحاجة معينة ..بدون تجريح طبعا
فده ميكونش اسمه تلقيح.

[.Lamar]

اقتباس المشاركة الأصلية كتبت بواسطة رضا التركى هو اسلوب رخيص نابع من موضع جبن وضعف ولو كان الشخص يتمتع بقوة في الشخصية لما كان يتوارى وراء قصدٍ في نفسه والترفع عن ضغائن النفوس وحقد الآخرين أراه الحل الأمثل دمتِ بكل الخير وراحة البال

بتفق معاك فى رأيك
الانسان القوى مش هيستخبى
نورت اخى
تحيتى

[.Lamar]

اقتباس المشاركة الأصلية كتبت بواسطة دمعه حائره التلقيح اسلوب جبان ورخيص وهناك من يجعله اسلوب لحياته لانه لا يملك الشجاعه الكافية لمخاطبه الاخر ومواجهته بعيوبة او ما لا يعجبه فيه النصيحة محتاجة لباقه واخلاق ان كان هدفها نبيل تسلمى

اللى بينصح مش هيتبع الاسلوب دة اكيد منون

نورتى يا قمراية

[.Lamar]

اقتباس المشاركة الأصلية كتبت بواسطة ahmed 22 مافيش احسن من الدوغري طبعا والتلقيح سلعة المفلسين بس يا ريت الناس فعلا تواجه وتتحمل عواقب المواجهة وتعرف ان في ضريبة لكونها صريحة في مجتمع الصراحة بتزعل فيه اكتر من التلقيح .. ربنا يعين البشر علي عقولها

هتفق معاك برضو ان الصراحة بتزعل
بس افضل كتير من اللف و الدوران
نورت اخى
تحيتى

[.Lamar]

اقتباس المشاركة الأصلية كتبت بواسطة د/ عبد الله هو التلقيح على حد يكون خصم وبينهم مشاكل فده أسلوب قذر وعمره ما كان من صفات الرجال لكن ف بعض الاحيان ممكن حد يستخدم أسلوب غير مباشر للفت انتباه شخص لحاجة معينة ..بدون تجريح طبعا فده ميكونش اسمه تلقيح.

اللى اعرفه ان التلقيح تلقيح
مش هيفرق بين خصم او صديق
و معاك لو عايز تلفت نظر حد ممكن تلمح له
بس بينك و بينه
مش ننشر الغسيل و الناس كلها تتفرج
فى الحالة دى
يبقى انا كدة لفت نظره و لا شهرت بيه ؟؟
اللى عايز يلفت نظر حد و ينصح
بيكون فى السر مش قدام اللى رايح و اللى جاى

نورت اخى
تحيتى

[فداااااااااااء]

التلقيح بشكل عام محدش فينا لم يقم به سواء بقصد او دونه
فى خاطرة في قصيدة او كتابات اخرى او حتى فى الرسائل
حتى موضوعك ذات نفسه لمار بيدخل فى حيز التلقيح لانك بتتكلمى عن ناس بتقوم باسلوب غير جيد
بالنسبة لى الوضوح اهم من اللف والدوران انا غضبان منك فى وشك اقول عجبك الامر وتم التصالح كان بها لم يعجبك فهو علم بما اكنه داخلى اتجاهه
هو اسلوب به غرضين اما النصح او الاساءة
هل هو اسلوب خسة الحقيقة لا اعلم ربما هو اتجاه بيتم سلكه لعدم القدرة على المواجهة المباشرة او غير ذلك
وفى النهاية هى نفوس

سلمتى لمار