اخويا والموبايل

[جااارة الوادي]

السلام عليكم

طبعا احنا فى مجتمع ذكورى والاهل ربونا على ان الولد له كل الصلاحيات
والبنت ياعينى كل حاجه عيب
الولد يخرج ويدخل براحته
ويبقى قاعد كدا باشا
وعايز كل حاجه تجيله لغاية عنده حاجه تفرس والله
وكله كوم والموبايل كوم
يعنى هو يسمع اغانى
ويتكلم فى اى وقت عاااااادى جدا
غير الفيس والانستا وواتس وتويتر
وتليفونه كمان بالبصمه

اما البنت ياعينى عليها
لو شافوها ماسكه الموبايل يحلى عمايل الشاى
ولو التليفون رن مين بيرن عليكى
واتكلمى هنا ومش تتكلمى بعد 10
وياسلام لو عملتله باسورد يبقى داهيه سودا
ويوم مش فايت يخربيت كدا

ما علينا مش دى المشكله

السؤال المهم بقا

هل من حق الاخ انه يشوف تليفون اخته ويفتش فيه
*****
نقطه
نيجى نتكلم عن الثقه يقولوا
احنا واثقين فيكى جدا
والام تقول انتى متربيه احسن تربيه

طيب يبقى ليه بقا التفتيش المفاجئ ده
تحيتى

[فداااااااااااء]

احيانا بيكون خوف زائد على البنت علشان كدا بيحبوا يطمنوا خاصة فى الزمن دا
مع انى مش حابة الاسلوب دا لانه بيعبر عن اهتزاز فى الثقة شوى

سلمتى جارة

[ستويتشكوف]

أتفق مع فداء في الرأي

[دمعه حائره]

كل ده من باب الخوف وحماية البنت لكن مش من حق الولد يفتش فى حاجة أخته
طالما الاب والام موجودين لو شاكك فى حاجة يقولهم وهم يتصرفوا
مبحبش التمييز واعطائه صلاحيات اكتر لانهم فى النهاية اخوات
ولازم المساواة فى التربية

[.Lamar]

الاخ مش من حقه يفتش فى تليفون اخته
و مش هكون مثالية و اقولك و لا الاهل
لانى بواجه نفس اللى بتشتكى منه
فهى ثقافة مجتمع صعب مهما عملنا تتغير
و بكرة هيكون لك بيت و اسرة
و مش بعيد من كتر خوفك و قلقك
تعملى زيهم برضو
تسلمى جارة الوادى
تحيتى

[SaMa.]

ال ماما وبابا هما الل بيسمحوا بكده ولو رفضتى
تبقا بتعملى غلط..

[جااارة الوادي]

اقتباس المشاركة الأصلية كتبت بواسطة فداااااااااااء احيانا بيكون خوف زائد على البنت علشان كدا بيحبوا يطمنوا خاصة فى الزمن دا مع انى مش حابة الاسلوب دا لانه بيعبر عن اهتزاز فى الثقة شوى سلمتى جارة

تمام كلامك فدا هو خوف وحرص زياده حبتين
بس احيانا بتبقى حاجه تضايق فعلا
سلمتى يا قمر على ردك الجميل

[رنيم حمدي]

تعليق جميل