حلقة مفرغة

[Mind language]

السلام عليكم ورحمة الله وبركاته هتيجى عليك فترة وتحس انك بقيت فى حلقة مفرغة اتعلمت وخلصت واخدت شهاداتك واشتغلت هتبص لنفسك فجأة هتلاقى نفسك فى حلقة مفرغة كل اللى عملته واللى هتعمله مش حاسس انه لية اى قيمة مزودكش ولا نقصلك حاجه على الرغم من انى ناس غيرك شايفينك حاجة كبيرة الا انى انت حاسس انك فى حلقة مفرغة معتقدش انى الجواز والعيال هو اللى هينقص الحالة دى هيجى وقت وتقول انا اية اللى عملته ؟طيب انا فين من كل الاحداث دى عندك حالة لا مبالاه شديدة مش مركز ولا واخد بالك من حاجة ولا ليك نفس تفكر ولا تتكلم مع حد كأنى عقلك وكل كيانك متجمد بتشوف وبتسمع لكنك مش حاسس معندكش قدرة تتجاوب مع العالم الخارجى كأنك بالظبط اشبه فى التعبير من ريموت كنترول بطاريته خلصت مع الاسف الشديد ياسادة كثرت الضغوط والجرى فى كذا اتجاه فى وقت واحد هى اللى بتوصلك للحالة دى هى اللى بتقولك لو سمحت على فين انت رايح كدا انت ماشى فى طريق ما لا نهاية ليه اوقف وشوف نفسك عملت اية لو جواك طاقة سلبية هتحس بكل اللى عملته ولا حاجة وفراغ لو جواك طاقة ايجابية هتحس بنفس الاحساس ولكن بمفعول اقل يخليك تصحى تانى يوم وتكمل مشى ومتاخدش بالك اية اللى فكرت فية امبارح عودوا نفسك على نظام الريفريش افصل اهرب اجرى من الضغوط ولو لساعتين زمن اعمل فيها شيئ بتحبه لنفسك وبس ريفريش عشان تقدر تقاوم وتكمل .

[شاعرة الرومانسيه]

اه والله محتاجين الوقت ده
تسلم ايديك

[فداااااااااااء]

الانسان لازم يعطى لنفسه بعض الوقت
ويغير من نمط حياته علشان مايحسش بالملل

كلنا محتاجين وقت لانفسنا

سلمتى يا قمر

[مهيب الركن .]

التغيير مطلوب لتجديد الحياه
سلم قلمك

[Lamees]

كلنا محتاجين التغيير والله
ميرسي على النصيحة

[ستويتشكوف]

صح الطاقة الإايجابية هي الأساس شكرا على الموضوع

[دمعه حائره]

كسر الروتين مهم جدا لتجديد الطاقة والحياة
تسلمى

[.Lamar]

لازم تغيير كل فترة عشان متوصليش للحالة دى
لازم تحاولى تعملى حاجة جديدة فى حياتك
تحسى معاها بالرضا عن نفسك

ربنا ييسر لك كل امورك يا مرمر

[Doaa Hammam]

روحوا عن قلوبكم قان القلوب تمل

سلمت يمناك

[سيناا]

مبدعه كعادتك

اللهم احسن الاحوال

جميل الشخص يغير الروتينات ولا يتغير