دايرتك

[*فجر الاسلام*]

‎رغم ظروفي...كنت بنور شمعة حبك
وكتمت خوفي...عشان يطمن قلبك
وبكفوفي...دوست وخبيت ذنبك
وياريت بتشوفي...هم اللي عاش جمبك
‏**‏‎ ‎
ومش نافع...اي حاجه حلوه قدمتها
والواقع...الآمه كبيره مهما كتمتها
كله مواجع...والمحبه اسوارها دمرتها
ولا هدافع...ع ذنوب ليكي سترتها
‏**
اسكتي...مش بطلت حب وشوق
وسكتي...اللي تحت بقت من فوق
ودكتي...بعتها في اقرب سوق
اصل وكستي...اتعلمت ومنها بفوق
‏**
اخدت ايه...غير اني اكون متهان
ولزمتي ايه...لو ماليش اي مكان
والقلب دمرتيه...ومافيش ليكي حنان
عادي سبيه...إعتبريه قلب وخان
‏**
واركني...ع الرف قصص مداريه
واتمسكني...واعملي فيها الضحيه
وعكنني...ع روح برئه بتمثليه
هاتتمكني...من قلوب تانيه غبيه
‏**
ولعبتك...هتلعبيها من جديد
ودايرتك...هتقفلها بالحديد
بس صدمتك...هتبقي من صنع الايد
عشان دنيتك...ف يوم هتدمر اكيد
‏**
فجر

‏‎‎

[د/ عبد الله]

هو الكلام من حبيب لحبيبته
ويمكن تكون الحبيبة دي الوطن

الحقيقة يا فجر انتي كل يوم بتثبتيلي انك بترتقي ف العامية أكتر
العمق ف الكلمات والسلاسة ف اللحن بقوا حاجة حلوة عندك
بعض الاحيان بشوف الجملة تكون سلسة أكتر بتعديل بسيط
زي مثلا اتعلمت منها وبفوق
لو كانت اتعلمت ومنها بفوق هتبقى سلسة أكتر
ايه رأيك؟
أرجو انك تقبلي رأيي
مع خالص تحياتي

[*فجر الاسلام*]

هي تتفهم الاتنين فعلا انا قصدت كده عشان انوع الفكره
والله يادكتور شهاتك اعتز بيها
وطبعا اتقبل منك اي حاجه
تبديل الواو فعلا حسيت انها فرقت اوك تمام
اسعدني مرورك بجد ربي يسعدك

[شاعر الحب الحزين]

الله عليكي وعلى إحساسك يا فجر
كلمات قوية ثائرة من قلب مفعم بالإحساس
سلمتي والنبض يا فجر ربي يوفقك ويسعدك
شكري وتقديري وامتناني

[ساميه عبدالرحمن]

‎رغم ظروفي...كنت بنور شمعة حبك
جميل قوي

[ahmed 22]

نص جميل ومختلف ومتنوع ..
والتسلسل اللي اتعمل
سواء ما بين كل فقرة والتانية في نهايات الجمل
وما بين حتي كل شطر والتاني في الجملة نفسها
اتعمل فيه مجهود كبير وواضح
عشان يكون فيه توافق
علي قدر الاستطاعة ..

دام التألق يا فجر
كل التحية ..

[*فجر الاسلام*]

اقتباس المشاركة الأصلية كتبت بواسطة شاعر الحب الحزين الله عليكي وعلى إحساسك يا فجر كلمات قوية ثائرة من قلب مفعم بالإحساس سلمتي والنبض يا فجر ربي يوفقك ويسعدك شكري وتقديري وامتناني

يارب يفرحك دايما
متشكره اوى لتفاعلك نورت

[*فجر الاسلام*]

اقتباس المشاركة الأصلية كتبت بواسطة ساميه عبدالرحمن ‎رغم ظروفي...كنت بنور شمعة حبك جميل قوي

الاجمل تواجدك
نورتى

[*فجر الاسلام*]

اقتباس المشاركة الأصلية كتبت بواسطة ahmed 22 نص جميل ومختلف ومتنوع .. والتسلسل اللي اتعمل سواء ما بين كل فقرة والتانية في نهايات الجمل وما بين حتي كل شطر والتاني في الجملة نفسها اتعمل فيه مجهود كبير وواضح عشان يكون فيه توافق علي قدر الاستطاعة .. دام التألق يا فجر كل التحية ..

الاجمل مرورك الطيب استاذ احمد
الحمد لله اهو بحاول ع قدى
شكرا ليك ربنا يكرمك نورت