لايقيــن لبعــض

شاعر الحب الحزين · منذ /11-28-2018, 09:20 PM

بسم الله ماشاء الله لايقين لبعض

يا جمالكوا فيكوا من طيبة بعض

ربنا بالخير يوعدكم
وعن كل حقود يبعدكم

ويحفظكم تحت كل سما وفوق كل أرض

تستاهل بنت أصول صانت شرفها والعرض

عوضها ربنا باللي يصونها
قلب وفي ما يقدر يخونها

خلوق طيب ملتزم ما بيسبش أي فرض

ربنا بالحلال جمعهم ربنا يخليهم لبعض

إوعى الأيام تغيركم لو مهما يحصل إيه

ده حبيبك وصاحبك ارمي حمولك عليه

لو عايزة تفهميه ذاكري اللغة بتاعت عنيه

لو يطلب إيه قولي حاضر ما تقوليش ليه

وانتا يا صاحبي احترمها حبها قدر مشاعرها

لو مهما تشوف حلوين خليها ملكة تكون أميرها

حافظ عليها وارجع حبها لو حسيت انك هتحب غيرها

لو زعلتها راضيها إياك تحسسها بضعفها وتكسرها

لو مهما تخسر في الدنيا إوعى ف يوم تفكر تخسرها

ربنا يخليكم لبعض وتفضلوا طول العمر لايقين لبعض

شــــــــــــــــــــــ . حــــــــــــــــــــــــ

شروق محمود · منذ /11-28-2018, 10:23 PM

جميل والله
وفيه توصيات جميله للاتنين
تسلم شاعرنا

شاعر الحب الحزين · منذ /11-29-2018, 05:18 PM

اقتباس

المشاركة الأصلية كتبت بواسطة شروق محمود


	جميل والله وفيه توصيات جميله للاتنين تسلم شاعرنا

تسلمي الأجمل تواجدك يا شروق
أسعدتيني بحضورك الرقيق الطيب
ربي يوفقك ويسعدك

ندوشه 2011 · منذ /11-29-2018, 08:55 PM

لو عايزه تفهمي ذاكري.اللغه العربيه .استني استني.أنت بتقول ضرر.انت بتقول موال

شاعر الحب الحزين · منذ /11-30-2018, 09:34 PM

اقتباس

المشاركة الأصلية كتبت بواسطة ندوشه 2011


	لو عايزه تفهمي ذاكري.اللغه العربيه .استني استني.أنت بتقول ضرر.انت بتقول موال

استني كده اما اصورك

نورتيني يا ندوشه
ربنا يوفقك ويسعدك

فداااااااااااء · منذ /12-03-2018, 01:03 PM

حلوة النصايح اعتقد قليل اللي بيلتزم بها بس اول شهرهههه
جميلة كلماتك اخي شاعر دام نبضك

شاعر الحب الحزين · منذ /12-03-2018, 09:45 PM

اقتباس

المشاركة الأصلية كتبت بواسطة فداااااااااااء


	حلوة النصايح اعتقد قليل اللي بيلتزم بها بس اول شهرهههه جميلة كلماتك اخي شاعر دام نبضك