سر الخلطة

[شاعر الحب الحزين]

شاغلة قلوب وعقول بحسنك ودلالك

كل اللي يشوفك يقول ما شفت بجمالك

يا حلوة ما شفت فيكي غلطة

مش هتقوليلي إيه سر الخلطة

كل يوم يزيد حلاكي وبعدين معاكي مالك

يا غيرتي يا حيرتي وانتي ولا على بالك

كل شيء بيجذبني ليكي

كل الحاجات بتفكرني فيكي

مين ده اللي يربح قلبك ويكسب ودك وصالك

مين قدي من قلبه حبك من قبل حتى ما يشوف جمالك



مش هطلب منك تعرفيني على نفسك زيهم

يموت حبي معايا قبل ما اعترف بيه

مع إني جايز اكون حبيتك اكتر منهم كلهم

بس الحب علمني أفضل دايما مداريه

لكن إنتي جمالك حالة خاصة غير اللي عرفتهم

أخلاق أدب ورقة إيه سر الخلطة إيه



شـــــــــــــــــــــــــــ . حــــــــــــــــــــــــــ

[countess doha]

ياسلام ياسلام ^^
يابختها بقي

ربنا يسعد قلبك

[شروق محمود]

جميل جدا
دمت نبعا متدفقا

[شاعر الحب الحزين]

اقتباس المشاركة الأصلية كتبت بواسطة countess doha ياسلام ياسلام ^^ يابختها بقي ربنا يسعد قلبك

تسلمي وتسلم طلتك ضحى
الله يديم هالطلة يارب
ربنا يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة شروق محمود جميل جدا دمت نبعا متدفقا

الأجمل حضورك الرقيق يا شروق
تسلم هالطلة ربي يديمها يارب
ربي يوفقك ويسعدك

[ندوشه 2011]

سر الخلطه طماطم وكمون وفلفل اسود وشويه بهارات هاهاها

[فداااااااااااء]

جميلة اخي شاعر احساس عالي بين الكلمات
دام نبضك الراقي اخي

[شاعر الحب الحزين]

اقتباس المشاركة الأصلية كتبت بواسطة ندوشه 2011 سر الخلطه طماطم وكمون وفلفل اسود وشويه بهارات هاهاها

انتي كده خليتيها طبيخ خالص ههههاي
منورة الدنيا ندوشه

[شاعر الحب الحزين]

اقتباس المشاركة الأصلية كتبت بواسطة فداااااااااااء جميلة اخي شاعر احساس عالي بين الكلمات دام نبضك الراقي اخي

الأجمل حضورك اللي بعتز بيه وبحترمه جدا
أسعدتيني بعودتك وحضورك ربي يديم هالطلة فداااء
شكري وتقديري وامتناني