يوم الحساب

[ahmed 22]

هل لأن الدنيا واقفة
ولا أني كنت ساكن
قصر الطريق الزم حكايتي
انها تخلق مشاكل
فصر النفس خلي الحجج
تخلق حوايج
طول النفس دخان سجاير
صنعته يعمل دواير
يلفها حوالين رقاب ...

وبعدها ..
يدعي حق المثول للمسكنة
يدعي حق امتلاك النمردة
يستقي دور الحمار في الساقية
لما اهتدي صاحبه
وقدمله الهداية
وحطه قدام المرايا ..
ومكنه انه يعاين لون جراحه
فيثور ويحكي انه انتهي
يخلق قصص متحصنة
بدور ضحايا المطحنة
وازاي ملامحه اتشقلبت
وازاي حكايته اتغيرت...

لحظة بداية ..

ولما انتهي دور النحيب
ركز علي نفس المرايا
صوته اتخرس ..
صوت الملامح انتفض

شيطان وقلب بوش داكن
تركيب غريب جوا السكك
بين العيون
قسوة تجاعيد الزمن
متأسسة بدفعة شرور
طول الخطوط جوه الوشوش
متركبة بصنعة كابوس
مستأسدة بضعف المٌشاع
متقسمة بفرض الدراع

لما اكتسب دوره بحكم السوء
سوء اختيار الأسمدة
اللي حصادها كان تملي
بيان سواد الأفئدة
اللي مجري عين دموعها
جف بدون قلبه ما يقسي
في قلب بحر جزره ومده
في لحظة واحدة
سواد وزحمة في وقت رحمة
القلب ضج بدون ما يعمي
النفس تشكي بدورها حايرة
لا عارفة تبكي ولا هي بدورها غارقة
مافيش نهاية بضحكة سارحة

كل الملامح والحواس تصرخ
بحق الاستماع ..
حق اللجوء بره ميدان المعركة
بره حدود اللغبطة ..
بره انتكاسة بكرة
لما
تقفل البيبان
لما
يعلن الحداد
انه كان اليوم مراجعة
وان بكره البدلة واسعة
فوق حدود المقدرة ...

[شاعر الحب الحزين]

كلمات في قمة القوة والجمال

أبدعت بإحساسك العالي

شكري وتقديري وامتناني

[دمعه حائره]

كلمات رائعه تسلم ويدوم وجودك المميز