أول ما بلمحك

[شاعر الحب الحزين]

مريض بيجري عشان ياخد دواه

ميت واتفتحت قدامه طاقة حياه

وحيد شايف كل الدنيا بقت معاه

ده اللي بحسه لما ألمحك


أي صدفة اللي هتكون أجمل من مقابلتك

غير إن روحي من قبل ما اشوفك قابلتك

طلتك بتأسرني ما بالك كلامك ومعاملتك

شوفتك خلت حتى الدمع ضحك



مين أهم منك يشغل وقتي وقلبي

هتمنى إيه من الدنيا وانتي جنبي

بحاول بكل الطرق أعبرلك عن حبي

واتغير 180 درجة عشان افرحك



تأسرني كل تفاصيلك اسيب الدنيا وأجيلك

نفسي كل كلام الحب احكيلك والحنه واغنيلك

حبك ليا كان أحلى هدية ياريتني اقدر ارد جميلك

ما عشت ولا كنت لو فكرت اجرحك



كنت بلمح ملامحك انتي في صورهم

شفتك في جمالهم ورقت مشاعرهم

صورك اللي معايا كل ذكرى كل حكاية

احب اشوفهم أكتر من أي حاجة غيرهم

لسه محتفظ بيهم لو انسى الدنيا بفتكرهم



أول ما بلمحك بتفكريني باللي عمري ما نسيته

ولما تكلميني بتخليني أعرف مين اللي بجد حبيته



شـــــــــــــــــــــــ . حــــــــــــــــــــــــ

[شروق محمود]

رووووعه شاعرنا
كأنها حكايه مش عايزنها تخلص
سلمت والنبض
دمت بتميز

[نجاة حسام]

متالق ياشاعر كتيررر
بس كده تبقى شاعر الحب الجميل مش االحزين
بالتوفيق ديما

[شاعرة الرومانسيه]

الله عليك يا خالد حروفك تستفذ قلمى وتحاوره ماروعك دائما

[ندوشه 2011]

ايه دا يا واد كل دا حب اوعدنا يارب

[.Lamar]

لخصت حالة الحب
بشكل اكتر من رائع اخى
هو كدة الانسان وقت ما يحب بصدق
سلمت يمينك
ودى واحترامى

[فداااااااااااء]

رائع اخى شاعر
حروفك تتراقص على معزوفة رومانسية جميلة

يدوم ابداعك اخى

[SaMa.]

حلوة اوى ثانكس خالد

[شاعر الحب الحزين]

اقتباس المشاركة الأصلية كتبت بواسطة شروق محمود رووووعه شاعرنا كأنها حكايه مش عايزنها تخلص سلمت والنبض دمت بتميز

الله يسلم نبض قلبك يا طيبة
الأروع حضورك ومساندتك الجميلة
نورتيني واسعدتيني بحضورك
شكري وتقديري وامتناني

[شاعر الحب الحزين]

اقتباس المشاركة الأصلية كتبت بواسطة همس الرحيل متالق ياشاعر كتيررر بس كده تبقى شاعر الحب الجميل مش االحزين بالتوفيق ديما

ده بيعكس جمال طلتك يا همس
أشكرك على كلامك الجميل الرقيق
شهادة أعتز بها من إنسانة لها قدرها الكبير
شكري وتقديري وامتناني