مين السبب في ده كله

[واد حبيب]

اقتباس المشاركة الأصلية كتبت بواسطة همس الرحيل بص ياويكا اولا من غير ضرب ولا زعيق تمام 🤗 هو زمان مثلا كانو البنات كلهم لبسين نقاب زمان اللى اقصده ايام جدتى وجدتك كده اكيد شفنا افلام كتير هل بقا لبس زمان اللى كان حلو ولا الوقتى امممم البس ملوش دخل لان اللى لبسه نقاب فى الايام دى بتتخطف تخيل حتى الاطفال الصغيرين اللى اصلا لو مهما ما لبسو اطفال بيتحرشو بيهم العيب فى التربيه ياويكا فى واحد طلع مش متربى ولا عنده اخلاق هيعمل اى حاجه لانه ميعرفش الحلال من الحرام وهنا بقا منعرفش نلوم بردو على اللى بيعمل كده مهو لو اهلهو ذات نفسهم محترمين كانو ربو ابنهم على الصح والغلط العيب فى مجتمع كامل ياويكا تلفزيون ونت وفيس وايييييييه حسبنا الله ونعم الوكيل

اولا انا مقدرش اضربك ولا ازعقلك
انتي بتقولي كلام صح بس ايام جدي وجدك كان فيه احترام واخلاق بين الجميع دلوقتي انعدمت الاخلاق والاحترام خالص
عمر النقاب ما كان رمز للاحترام مع احترامي للجميع انا شوفت بنات كتير لبسه نقاب وهما مش محترمين خالص اللبس له عامل اساسي في الموضوع ده مثلا لو بنت لبسه بنطلون مقطوع غصب عني ابص عليها متجيش تقولي غض بصرك اقولك هيه لبسه كده علشان الناس تبص عليها
التلفزيون والت موجدين من زمان ولهم دور اساسي في الموضوع ده التلفزيون معتش فيه احترام البيوت وكل حاجه فيه مباحه
اما النت دي ممكن تستعملو في الصح وممكن تستعملو في الغلط

نورتي ياهمس

[واد حبيب]

اقتباس المشاركة الأصلية كتبت بواسطة دمعه حائره بالتاكيد لبس البنت عليه عامل بس كمان الولد المتربى ميعملش كدة يعنى التربيه فى البيت والمدرسة السبب لو انعدموا انتشر الظواهر دى تسلم محمد

بس برضو لو البنت متربيه مش هتلبس كده
انا عمري ما اجيب الغلط علي البنت بس الواد له دور كبير في ده انعدام الاخلاق والبعد عن ربنا بيعمل اكتر من كده
التربيه في البيت انعدمت مفيش حد فاضي لحد
لكن المدرسه دي اكتر المصايب بتكون فيها
نورتي يا دمعه

[واد حبيب]

اقتباس المشاركة الأصلية كتبت بواسطة .lamar الغلط من الاتنين وغلط البنت اكبر و اهلها هيتحاسبوا على لبسها وتصرفاتها اه مستوى الاخلاق انخفض عند الشباب المتحرش بس البنت اللى بتخرج بقصير او مقطع هى اللى بتفتح الباب انه يتعدى حدوده معاها فتلبس كويس الاول و بعدها تشتكى ربنا يعافينا كل الشكر لنقاشك القيم اخى

معاكي حق في كلامك الاهل هما السبب في ده كله
البنت يحسبوها علي طريقه لبسها والواد يتحاسب علي انه عمل غلط
لكن دلوقتي الكل مش فاضي لحد
نورتي

[ahmed 22]

هو اكيد الاسباب معروفة
والحلول موجودة ..
المشكلة ان التحرش بقا ظاهرة مرضية
زي الايدز او فيروس سي ..
مهما حاولت تحاصره كل يوم بتظهر حالات جديدة لا اراديا بسبب قلة الوعي ..
يعني المرض مش هيبدأ يزول غير لما الاعراض تبدأ تقل بزيادة الوعي ..
وحالة الهياج اللي عند الشباب في الوقت يبدأ يقل لما الدنيا تعلمهم
ولما يفصلوا الجهل وقلة الحيلة بسبب ضغوط الحياة اللي هما اعراض المرض
عن حتمية امتلاكهم للاخلاق اللي اتمسحت بسبب انفتاحهم علي عالم هما مش فاهمين
ادواته بسبب التكنولوجيا بكافة اشكالها اللي استقبلناها بدون فلتر ..
لأن اللي عنده مرض مش بيفرق بين حد سواء لابسة نقاب او لابسة مقطع
ومش بيتسخدم الأخلاق كمصطلح غير في اللي يخصه او اللي منه .. يعني اهل واصحابه
والباقي كله متاح ..

اللي متخيل ان حد هييجي يربي الشعب ويعلمهم الاخلاق ويزيد وعيهم في يومين
والناس هتمتثل يبقي عبيط .. ولو حتي عمل قوانين الدنيا والدين
في مجتمع البنات فيه اتربت انها تخاف تقول .. والاهل بتروح تكلم اهل .. بالتالي قوانين التحرش بح
والشباب لما تنضرب من اهلها تزيد في العند ..

لو عاوز تهزم ظاهرة انتشرت علي مدار سنين
لازم تقوم باجراءات علي مدار سنين تأسس لاجيال جاية تقدر تزرع فيهم الصح
وبما أنك مش هتقدر تحجم من التكنولوجيا لأن الأهل ليهم دور زي ما الدولة ليها دور..
وصعب الاتنين يتوافقوا مع بعض في مجتمع جاهل بطبعه ..
وصعب توفر ليه فرصة حياة كريمة في مجتمع بقا معقد عمليا والفرص فيه كل يوم بتقل
فعلي الأقل خلي المدارس مختلطة في كل المحافظات في المراحل الابتدائية والاعدادية زي الحضانة كدا
عشان نسبة كبيرة من الشباب علي الاقل يتربي من صغره جوا سور مدرسة واحد
انه بيعامل اخوات واصحاب .. مش هدف بيتربص ليه لما يكبر عشان عمال بيربي كبت ..
لأن الجهل مابقاش انك مش بتعرف تمسك ورقة وقلم ..
الجهل بقا عدم سيطرة علي مخ اتمسح بسبب ان الانفتاح اتمكن منه وهو صغير ..
فشايف العالم بصورة باهتة مبنيه علي رغباته وشهواته عشان ماعندوش احلام
في بكرة .. فمش شايف عواقب افعاله .. ولا حتي قادر يحدد مفهوم للاخلاق خاص بيه
لحد ما بقت مطاطة .. بتتمدد طبقا للتبريرات اللي بيخلقها لنفسه .. عشان يخليه دايما في
حالة الرضا وبعيد عن عقدة الذنب ..

[رعد السـماء]

الموضوع متشابك والأسباب كثيرة
ليس عندي إضافة أكثر ممن سبقوني


شكراُ على طرحك الراقي ..

[*فجر الاسلام*]

السبب فى تدهور الاخلاق الطرفين
هى لو محترمه ماتلبسس كده
وهو لو محترم ماينظر لحد
والله فى اللى لابسه كويس وبتتعاكس برضو
العيب ف الطرفين طبعا

[SaMa.]

الاتنين السبب وموش متربيين
ولازم يكون العقاب كبير عشان يبطلو

[رنيم حمدي]

تعليق جميل

[sara mahmoud]

بارك الله فيك