زي النهارده

[همســات]

صعبه اوي .. تمر حياتي يوم من غيرك

صعب أكمل حلم رسمته يا حبي بدونك

والذكري اللي شايلها عشاني

بتنادي عليك ارجع تاني

ارجع تاني يا حب زماني

مش معقوله أعيش من غيرك

****

ليه بيقول المثل الشعبي بكره هتفرج

وأصبر نفسي واقول من قلبي بكره هتخرج

بوهم نفسي .... واتاريني بحبك أكتر

واحلم بيك واتمني الحلم ده يبقي حقيقه

واتخيل الكلمه الحلوه وهمسه رقيقه

وتوشوشني يا حبيبتي كتير وحشاني

واصحي من الحلم بدمعه وصوت أحزاني

بينادي عليك يا حبيبي ارجع تاني

مش معقوله أعيش من غيرك

****

زي النهارده ذكري حزينه تمر عليه

بتقطع في القلب يا كل ما ليا

والحزن اللي بيكسي ملامحي ودمع عنيه

والهمسه اللي بتخطر يوم علي بالي

بتهون يا حبيبي شويه

واهي ذكري جميله تصبرني

ودقات القلب بتسألني

وتنادي عليك يا حبيبي ارجع تاني

مش معقوله أعيش من غيرك

****

بقلمي

9/1/2019

[شاعر الحب الحزين]

الله ع الإحساس الله ع الجمال
صعب جدا الإنتظار والأصعب حيرة الإنتظار
ما يهونش الإنتظار غير الأمل بإن الحب هيكون لينا


كلماتك قالت الكثير من المشاعر المؤلمة والجميلة
أبدعت بجمال همساتك التي تتغنى بالحب دائما
أحسنت أن كتبتها وكأنها على لسان فتاة
أجدت توصيل المعنى الحقيقي للإنتظار في الحب
شكري وتقديري وامتناني

[شاعرة الرومانسيه]

روعة همسات

[*فجر الاسلام*]

جميله والاجمل الاحساس واللهفه اللى فيها
ربنا يقرب البعيد
تسلم ايدك

[فداااااااااااء]

ولعل ما تتمناه يحدث اخى الكريم ليسعد قلبك

جميلة كلماتك واحساسك بها
سلمت

[بحر القمر]

صادق في شعورك
وفي قلمك
وفي وصفك
امنياتي لك بكل الفرح

[رضاك يا الله]

كلااااام راااااااااااااااائع

[fanaa]

مافيش اجمل من انك تكتب بالقلب
كلمات محسوسه
عاش

[همســات]

اقتباس المشاركة الأصلية كتبت بواسطة شاعر الحب الحزين الله ع الإحساس الله ع الجمال صعب جدا الإنتظار والأصعب حيرة الإنتظار ما يهونش الإنتظار غير الأمل بإن الحب هيكون لينا كلماتك قالت الكثير من المشاعر المؤلمة والجميلة أبدعت بجمال همساتك التي تتغنى بالحب دائما أحسنت أن كتبتها وكأنها على لسان فتاة أجدت توصيل المعنى الحقيقي للإنتظار في الحب شكري وتقديري وامتناني

مرور الق يسعدني كثيرا

كل الشكر والتقدير

خالص تحياتي وتقديري

[همســات]

اقتباس المشاركة الأصلية كتبت بواسطة شاعرة الرومانسيه روعة همسات

مرور الق يسعدني كثيرا

كل الشكر والتقدير

خالص تحياتي وتقديري