خدها مني نصيحة

[شاعر الحب الحزين]

خدها مني نصيحة من أخ لأخوه

اللي راح منك ومضيعه

لو مش انتا اللي هترجعه

هما مش هيرجعوه مش هيرجعوه

إن كنت أصغر مني أو أكبر

اسمع نصيحتي وبلاش تتكبر

جايز تنفعك قبل ما ف سكة غدرهم تتوه

ما تجاملش أي مخلوق بطيبتك

ما تطولش على مشتاق غيبتك

ما تنافقش ولو شفت المنافق شايلينه وبيرفعوه

إوعى ف يوم عن حقك تتنازل

ما تديش فرصة للشامتين والعوازل

ما تثقش في الناس بسرعة وخلي حبك للي بيستاهلوه

خلي عندك شخصية وانتا بين الوحوش

شخصية قوية مش زيهم أصوات ووشوش

ولو مش مجبر تعيش وسطهم ابعد دول ما يعاشرهم غير مشبوه

قد ما تصاحب ناس خليك دايما صديق نفسك

عمرك للحزن ما تسلم ولا تستسلم قدام يأسك

خدها مني نصيحة خليك طيب مع الطيبين اللي تصدق كل اللي بيعملوه

وإوعى تجامل بطيبتك الناس اللي بيتجاهلوا مشاعر الطيب وبينسوه




شـــــــــــــــــــــــــــــ . حـــــــــــــــــــــــــــ

[ندوشه 2011]

كلامك عين العقل أحسنت

[شروق محمود]

نصائح ولا اروع شاعرنا
سلمت والنبض
دمت بحفظ الله

[ملك77]

يعطيك الف عافية

[شاعر الحب الحزين]

اقتباس المشاركة الأصلية كتبت بواسطة ندوشه 2011 كلامك عين العقل أحسنت

أحسن الله إليكي يا طيبة
تسلمي ندوشه
أسعدتيني بحضورك الطيب
ربنا يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة شروق محمود نصائح ولا اروع شاعرنا سلمت والنبض دمت بحفظ الله

الأروع تواجدك الرقيق شروق
الله يسلم نبض قلبك الطيب
أسعدتيني بحضورك الرقيق
ربي يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة ملك77 يعطيك الف عافية

الله يعافيك ويعافي قلبك أخي
أسعدتني بحضورك الأول بين سطوري
ربي يوفقك ويسعدك

[دمعه حائره]

عندك حق خالد ربنا يحفظك

[شاعر الحب الحزين]

اقتباس المشاركة الأصلية كتبت بواسطة دمعه حائره عندك حق خالد ربنا يحفظك

ويحفظك يا طيبة
نورتيني منة واسعدتيني بتواجدك الطيب
ربنا يوفقك ويسعدك

[bouchra99]

شكرااااااا