ما بحبش الكدب

[شاعر الحب الحزين]

ما بحبش الكدب إن كان ليا أو عليا

ولا أحب اكدب لو حتى بنظرة عنيا

لو مرة جربت اكدب أوام بيبان عليا



ما بحبش الكدب بس ياما بكدب وبتصدقوني

لما بقول إني بخير وأداري دمعي في عيوني

في الحزن متعرفوش تكدبوا وتتلونوا

بتقولوا ع اللي تاعبكم وف حضني تحزنوا

في الحب كدابين خاينين وبتتأمنوا

وانا لو قلت ع اللي واجعني يا ترى هتسمعوني

أنا عشت طبيب دوايا لغيري وكنتوا بتلوموني

في عز حزني فضلت أواسيكم ف حزنكم

سبت جرحي يزيد رغم اني محتاج حضنكم

ولما قلتوا ازيك قلت إني بخير كدبت عليكم وصدقتوني

انا اللي حياتي هي جرحي والصبر روايتي والعقل جنوني



ما بحبش الكدب بس انا بكدب كتير

لما تسألوني عامل ايه واقول اني بخير

كدبة ومش هبطلها ف يوم

مع إني والله مش بخير أبان هادي وجوايا غير

أنا اللي الصمت ماليني وبسأل إيمتا السطر الأخير

مبقاش يصدمني الحزن بقيت معلم

من جرح لجرح واللي يعيش بيتعلم

لو جوايا حزن الدنيا لا بحكي ولا بتكلم

ده لو الصبر فيه شهادات كان زماني بقيت مدير

ودي مش كدبه انا مش بكدب غير لما اقول اني بخير



شـــــــــــــــــــــــــ . حـــــــــــــــــــــــــ

[نجاة حسام]

بس ده مش كدب ياخالد
مهو فكرك لو عرفو اللى فينا هيحسو مثلا
هتلقى شفقه فى عيونهم الحزن اهون منها
هتلقى اللى يقرب منك ده عوز يساعدك وهيكدب عليك ساعتها
تعرف الوجع بيوجعنا اه بس اللى اكتر من الوجع لما تشوف نفسك ضعيف فى عين حد
لا اضحك وقول انك بخير وكويس واحسن الناس وعيش ملك حتى لو مكسور من جوك بس محدش يشوف حزنك
الوجع اهون مليون مره من نظرتهم
انت مش بتكدب انت اصدق منهم عشن اللى حوالينا النفاق مليهم والمظهر بيخدعهم
انا لو اتكلمت اظن هتكرش من هنا هههه وهتقولى بت متدخليش موضوع تانى
بس متالق ياخالد ويارب ديما

[بقايا عشق]

همسات رآئعة

إمتزجت بمشاعر مؤلمة

والأروع منها

صدق الإحساس بها

كعادتك مميز رغم الوجع

فدمت بهذا التميز

ودامت ايامك بلا وجع

مودتي

[فداااااااااااء]

كلمات يغمرها الحزن والوجع

اسعدك الله اخى شاعر
ودمت بقلب نقي

[شاعر الحب الحزين]

اقتباس المشاركة الأصلية كتبت بواسطة همس الرحيل بس ده مش كدب ياخالد مهو فكرك لو عرفو اللى فينا هيحسو مثلا هتلقى شفقه فى عيونهم الحزن اهون منها هتلقى اللى يقرب منك ده عوز يساعدك وهيكدب عليك ساعتها تعرف الوجع بيوجعنا اه بس اللى اكتر من الوجع لما تشوف نفسك ضعيف فى عين حد لا اضحك وقول انك بخير وكويس واحسن الناس وعيش ملك حتى لو مكسور من جوك بس محدش يشوف حزنك الوجع اهون مليون مره من نظرتهم انت مش بتكدب انت اصدق منهم عشن اللى حوالينا النفاق مليهم والمظهر بيخدعهم انا لو اتكلمت اظن هتكرش من هنا هههه وهتقولى بت متدخليش موضوع تانى بس متالق ياخالد ويارب ديما

ما هو ده السبب اللي بيخلينا نقول اننا بخير دايما يا نجاة
عشان الواحد مش يحس نفسه ضعيف قدام حد
وعشان عارفين إنهم مش هيحلوا أي مشكلة لينا
والله الواحد شايل كتير والمتنفس الوحيد هو الكتابة وبس

انتي دايما بتقولي الصح يا نجاة
ودايما تفاعلك وكلامك نابع من عقل كبير وفهم اكبر
بحييكي على الجمال والصدق ده يا نجاة
يهمني وجودك في كل موضوع ليا ويسعدني جدا
ربي يديم هالطلة يارب
ربنا يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة بقايا عشق همسات رآئعة إمتزجت بمشاعر مؤلمة والأروع منها صدق الإحساس بها كعادتك مميز رغم الوجع فدمت بهذا التميز ودامت ايامك بلا وجع مودتي

بنكهة الياسمين حضورك يا بقايا
تشبه الورد كلماتك
النقاء ميزة خاصة بتواجدك الأنيق
أسعدتيني حضورا وقولا بقايا
ربي يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة فداااااااااااء كلمات يغمرها الحزن والوجع اسعدك الله اخى شاعر ودمت بقلب نقي

أصبح يغمرها الفرح والأمل بتواجدك فدااء
أدام الله حضورك الطيب أديبتنا الراقية
أسعدتيني حضورا وقولا فداااء
ربنا يوفقك ويسعدك

[شروق محمود]

احيانا يكون جوانا حزن
ونقول اننا بخير
ونضحك علشان مش نبكى
جدا جميل شاعرنا
سلم نبضك
دمت بخير وسعاده

[شاعر الحب الحزين]

اقتباس المشاركة الأصلية كتبت بواسطة شروق محمود احيانا يكون جوانا حزن ونقول اننا بخير ونضحك علشان مش نبكى جدا جميل شاعرنا سلم نبضك دمت بخير وسعاده

عندك حق يا شروق واتعودنا خلاص
الأجمل روعة تواجدك الرقيق يا طيبة
الله يسلم نبض قلبك الطيب شروق
أسعدتيني بجمال حضورك وطلتك ربنا يديمهم
ربي يوفقك ويسعدك

[YOo YA]

الكلمات فعلا جواها كتير
جواها احاسيس وحاجات عايشينها ف الواقع
حسيت يمكن الكلام بجد اكتر من كونه كتابه
احساس عالي ،ابهرتني
يمكن فيه كذا جمله لسه معلقه معايا
يمكن العنوان اللي كتبته خافي اصل الموضوع اللي فيه بتتكلم
بس عجبني جدااا
دمت ف الافضل ،